مەملەكەتتىك مادەنيەت، ساياحات كاسىبىن توعىسپالى دامىتۋدان ۇلگى كورسەتۋ رايونى قۇرىلىسىنا تاڭدالعان ورىنداردىڭ تىزىمدىگى جاريالاندى
شينجياڭنان ەكى جەر تىزىمدىكتەن ورىن الدى
2023.11.17 14:50 كەلۋ قاينارى : حالىق تورابى
11 – ايدىڭ 13 – كۇنى مادەنيەت جانە ساياحات مينيسترلىگى مەملەكەتتىك مادەنيەت كاسىبى مەن ساياحات كاسىبىن توعىسپالى دامىتۋدان ۇلگى كورسەتۋ رايونى قۇرىلىسىنىڭ تىزىمدىگىن جاريالادى، شينجياڭنان تۇرپان قالاسىنىڭ گاۋچاڭ رايونى مەن شينجياڭ ءوندىرىس ـ قۇرىلىس بيڭتۋانى 8 ـ شىسىنىڭ شىحىزى قالاسى قاتاردان ورىن الدى.
تۇرپان قالاسى گاۋچاڭ رايونىنىڭ مادەنيەت جانە ساياحات بايلىعى مول، يارعول بايىرعى قالاسى، ەدىقۇت بايىرعى قالاسى سىندى 2 ۇلكەن دۇنيە جۇزىلىك مادەنيەت مۇراسى بار، مۇنان سىرت، 200 نەشە مادەنيەت ەسكى جۇرتى، 29 بەيزاتتىق مادەنيەت مۇراسى نىسانى بار، مەملەكەتتىك 5A دارەجەلى كورىنىس رايونى بولعان ءجۇزىم سايى كورىنىس ءوڭىرىن قامتىعان A دارەجەلى كورىنىس وڭىرىنەن 22 ى بار.
تۇرپان قالاسى گاۋچاڭ رايونى مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى نيۋ يۇيحۇڭ بىلاي دەپ تانىستىردى: گاۋچاڭ رايونى مول مادەنيەت جانە ساياحات بايلىعىنا سۇيەنىپ، ساياحاتقا قىزمەت وتەۋ قۇرىلعىلارىن كەمەلدەندىرىپ، ساياحات كاسىبىن بايىتىپ، ساياحات ونىمدەرىن رەتتەپ، ساياحات كاسىبىنىڭ دامۋ كەڭىستىگىن كەڭەيتىپ، تۇتاس وڭىرلىك ساياحاتتى دامىتتى؛ مادەنيەت شارۋاشىلىعى مەن ساياحات شارۋاشىلىعىنىڭ ىشكەرىلەي توعىسۋىن ىلگەرىلەتتى. قازىر ءبىر اۋىل ءبىر ەرەكشەلىك، ءبىر قىستاق ءبىر نەگىزگى تاقىرىپ سىندى باستان كەشىرۋ، ءوزارا تولىقتاۋ، ەرەكشە وڭىرلەنۋ، مادەنيەت، ساياحات توعىسقان تۇتاس وڭىرلىك مادەنيەت، ساياحات ىستەرىن دامىتۋ جاعدايى نەگىزىنەن قالىپتاستى.
بيڭتۋان 8 ـ شىسى شىحىزى قالاسىندا شينجياڭ ءوندىرىس ـ قۇرىلىس بيڭتۋانىنىڭ اسكەري تىڭ يگەرۋ مۇراجايى، جوۋ ىنلاي ەسكەرتكىش سارايى، ايچيڭ پويەزيا سارايى سياقتى ءبىر توپ ۋاكىلدىك ەسكەرتكىش سارايلار بار، اسكەري تىڭ يگەرۋ مادەنيەتى ارقىلى ساياحاتتىڭ دامۋىنا جەتەكشىلىك ەتىپ، ”وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن شارۋاشىلىق قۇرۋ، ءورىس اشا العا ىلگەرىلەۋ“ سىندى بيڭتۋان رۋحىنا مۇراگەرلىك ەتتى جانە ونى ساۋلەلەندىردى.
ۇعىسۋعا قاراعاندا، مادەنيەت جانە ساياحات مينيسترلىگى جاراتىلىستىق بايلىق مينيسترلىگى، تۇرعىن ءۇي جانە قالا ـ اۋىل قۇرىلىسى مينيسترلىگى سياقتى تاراۋلارمەن بىرگە توعىسپالى دامۋدان ۇلگى كورسەتۋ رايونى قۇرىلىسىنا جەتەكشىلىك ەتۋدى، قولداۋ كورسەتۋدى جانە يكەمدى باسقارۋدى كۇشەيتىپ، اتالعان توعىسپالى دامۋدان ۇلگى كورسەتۋ رايونىن قۇرۋ تىزىمدىگىنە ەنگىزگەن ءارى قۇرىلىس مەزگىلىندە تۇرعان توعىسپالى دامۋدان ۇلگى كورسەتۋ رايونى قۇرىلىسى ورىندارىنىڭ قازىرگى ساياساتتاردان ويداعىداي، تولىق پايدالانۋىنا دەم بەرىپ، الدىمەن اتقارىپ، الدىمەن سىناق ەتۋ ءارى ساياساتتىق سۇيەمەلدەۋگە يە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
