كيريباتي جۇڭگوعا ۆيزاسىز ساياساتتى رەسمي اتقاردى
2023.11.16 15:13 كەلۋ قاينارى : حالىق تورابى
كيريباتيدىڭ قونىس اۋدارۋ مەكەمەسىنىڭ تۇراقتاندىرۋىنا قاراعاندا، كيريباتيدىڭ جۇڭگوعا ۆيزاسىز ساياساتى رەسمي كۇشە يە بولعان. قازىردەن باستاپ سىرتقى ىستەر پاسپورتىمەن، ۇكىمەت ىستەر پاسپورتىمەن، جاي پاسپورتپەن (كۇشكە يە ۋاقىتى التى ايدان جوعارى) كيريباتيعا ساياحاتتاي بارعان، قىسقا ۋاقىتتىق ىسساپارمەن بارعان جۇڭگو ازاماتتارى شەكارادان ۆيزاسىز كىرە الادى، شەكارادان ۆيزاسىز وتە الادى، مۇندا ءار 12 ايداعى تۇرعان بارلىق ۋاقىتى 90 كۇننەن اسىپ كەتپەۋى كەرەك. ەگەر ءبىر جولى بارعانداعى تۇرعان ۋاقىتى 30 كۇننەن اسىپ كەتسە، كيريباتيدىڭ قونىس اۋدارۋ مەكەمەسىنە ۋاقىتشا تۇرۋ ۋاقىتىن ۇزارتۋ جونىندە ءوتىنىش بەرۋى كەرەك، ەڭ ۇزاق بولعاندا 60 كۇنگە ۇزارتۋعا بولادى.
ەلىمىزدىڭ كيريباتيدە تۇراتىن باس ەلشىحاناسى قازىر جۇڭگوعا بولعان ۆيزاسىز ساياساتتىڭ تەك كيريباتيعا ساياحاتتاي، قىسقا ۋاقىتتىق ىسساپارمەن باراتىن جۇڭگولىقتارعا عانا قاراتىلعاندىعىن ايتتى. كيريباتيعا قىزمەتكە (Work)، قارجى قوسۋعا (Investment)، ۇيرەنۋگە (Student)، زەرتتەۋگە (Research) باراتىن جۇڭگولىقتار الدىن – الا قاتىستى ءتۇر بويىنشا ۆيزا اشتىرۋى كەرەك، رۇحسات الماي تۇرىپ كيريباتيدە جوعارىداعى ايتىلعان ارەكەتتەرمەن شۇعىلدانعاندار جازالانادى. ۆيزا ءوتىنىش ەتۋشىلەر كيريباتي قونىس اۋدارۋ مەكەمەسىنىڭ رەسمي تورابىنا (https://www.mfa.gov.ki/immigration) شىعىپ قاتىستى ءوتىنىش بارىسى مەن تولتىراتىن كەستەنى كورۋىنە بولادى، نەمەسە كيريباتي قونىس اۋدارۋ مەكەمەسىنىڭ ۆيزاعا جاۋاپتىسىنان (aio3@mfa.gov.ki) سۇراۋىنا بولادى.
جۇڭگو ازاماتتارىنىڭ كيريباتيدەگى كەزىندە جەرگىلىكتى زاڭ – تۇزىمدەر مەن سالت – ساناعا قۇرمەت ەتىپ، حاۋىپسىزدىكتەن ساقتانۋ مەن ءوزىن قورعاۋ تانىمىن كۇشەيتۋىن ۇسىنىس ەتەمىز. ەگەر شۇعىل جاعدايعا تاپ بولسا تومەندەگى نومىرلەرگە تەلەفون سوعىپ كومەك سۇراۋىنا بولادى:
كيريباتيدىڭ شۇعىل جاعدايعا توتەپ بەرۋ قىزمەت وتەۋ تەلەفون ءنومىرى: 112
كيريباتي دەنساۋلىق ساقتاۋ مينيسترلىگىنىڭ شۇعىل قۇتقارۋ ماشيناسىىن شاقىرۋ تەلەفونى: 194/195
سىرتقى ىستەر مينيسترلىگىنىڭ الەمدىك كونسۋلدىق قورعاۋ جانە شۇعىل جاعدايعا قىزمەت وتەۋ ورتالىعىنىڭ تەلەفونى: +86-10-12308 نەمەسە +86-10-65612308
ەلىمىزدىڭ كيريباتيدە تۇراتىن ەلشىحاناسىنىڭ 24 ساعاتتىق كونسۋلدىق قورعاۋ تەلەفون ءنومىرى: +686-7301292
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
