مەملەكەتتىك جاس وقۋشىلار سپورت جينالىسىندا شينجياڭنىڭ كىشكەنتاي بوكسشىلارى ەكى التىن، ءبىر كۇمىس، ءبىر قولا مەدال قانجىعالادى
2023.11.16 14:26 كەلۋ قاينارى : حالىق تورابى
11 – ايدىڭ 14 – كۇنى كەشتە، 1 – رەتكى مەملەكەتتىك وقۋشىلار (جاستار) سپورت جينالىسىنا (قىسقاشا ”مەملەكەتتىك جاس وقۋشىلار سپورت جينالىسى“ دەپ اتالادى) قاتىناسقان شينجياڭنىڭ كىشكەنتاي بوكسشىلارى تابىسپەن ورالدى. جاڭا عانا اياقتالعان سپورت جينالىسىنىڭ بوكس ءتۇرى جارىسىندا ولار ەكى التىن، ءبىر كۇمىس، ءبىر قولا مەدال قانجىعالادى.
سۋرەتتە: شينجياڭنىڭ كىشكەنتاي بوكسشىلارى 1 – رەتكى مەملەكەتتىك وقۋشىلار (جاستار) سپورت جينالىسىندا ەكى التىن، ءبىر كۇمىس، ءبىر مىس مەدال قانجىعالادى. سولدان وڭعا قاراي جەكە – جەكە ەدىل باقىتبەك، ءدينا ساناتبەك، ايگۇزال ماحسۇت، ارفا احىمەتجان. سۋرەتتى شينجياڭ بوكس سپورتىن باسقارۋ ورتالىعى بەردى
وسى كەزەكتى مەملەكەتتىك جاس وقۋشىلار جينالىسىنىڭ بوكس ءتۇرى 11 – ايدىڭ 2 – كۇنىنەن 13 – كۇنىنە دەيىن گۋاڭشيدىڭ حىجوۋ قالاسى جۇڭشان اۋدانىندا وتكىزىلدى، بۇكىل ەلىمىزدەن كەلگەن 51 كوماندانىڭ 199 سپورتشىسى جارىسقا قاتىناستى. شينجياڭ بوكس كومانداسى جيىنى 19 سپورتشى جىبەردى، ولار ءۇرىمجى قالاسى مەن قاشقار ايماعىنىڭ ەكى كومانداسىنان قۇرالعان شينجياڭ ۋاكىلدەر كومانداسى، سونداي – اق شانشي ولكەسى يۇيلين قالاسى قاتارلى ولكە – قالانىڭ كومانداسى اتىنان جارىسقا قاتىناستى.
مۇندا ايگۇزال ماحسۇت، ءدينا ساناتبەك جەكە – جەكە قىزدار 60 كيلوگرامدىق سالماق دارەجەسى مەن 66 كيلوگرامدىق سالماق دارەجەسى بويىنشا ءبىر – ءبىر التىن مەدالدى جەڭىپ الدى، ەدىل باقىتبەك ەرلەر 63.5 كيلوگرامدىق سالماق دارەجەسى بويىنشا ءبىر كۇمىس مەدالدى جەڭىپ الدى، ارفا احىمەتجان 80 كيلوگرامدىق سالماق دارەجەسى بويىنشا ءبىر قولا مەدالدى جەڭىپ الدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
