شي جينپيڭ امەريكا دوستىق ۇيىمدارىنىڭ بىرلەسكەن قارسى الۋ قوناعاسىنا قاتىناستى ءارى لەكسيا جاسادى
2023.11.17 16:27 كەلۋ قاينارى : حالىق تورابى
سول جەر ۋاقىتى 11 - ايدىڭ 15- كۇنى كەشتە مەملەكەت ءتوراعاسى شي جينپيڭ امەريكانىڭ سان - فرانسيسكو قالاسىندا امەريكا دوستىق ۇيىمدارى بىرلەسىپ وتكىزگەن قارسى الۋ قوناعاسىنا قاتىناستى. سۋرەتتە: شي جينپيڭ ماڭىزدى لەكسيا جاساۋدا. سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
«حالىق گازەتى»، 11 - ايدىڭ 15 - كۇنى، سان - فرانسيسكو (تىلشىلەر دۋ شاڭزى، لي جى - ۋەي). سول جەر ۋاقىتى 11 - ايدىڭ 15 - كۇنى كەشتە مەملەكەت ءتوراعاسى شي جينپيڭ امەريكانىڭ سان - فرانسيسكو قالاسىندا امەريكا دوستىق توبى بىرلەسىپ وتكىزگەن قارسى الۋ قوناعاسىنا قاتىناستى.
دۋ قول شاپالاق ءۇنى ىشىندە شي جينپيڭ ماڭىزدى لەكسيا جاسادى (تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).
شي جينپيڭ الدىمەن وسى رەتكى قيمىلدى ۇيىمداستىرعان دوستىق ۇيىمدارىنا شىن جۇرەكتەن العىس ايتتى، جۇڭگو - امەريكا قارىم - قاتىناسىنىڭ دامۋىنا ۇزاق ۋاقىت كۇش سالعان امەريكالىق دوستارعا شىنايى سالەم جولدادى! دوسجار امەريكا حالقىنا ىزگى تىلەك تىلەدى!
شي جينپيڭ بىلاي دەپ اتاپ كورسەتتى: جۇڭگو - امەريكا قارىم - قاتىناسىنىڭ نەگىزىن حالىق قالاعان. دۇنيە جۇزىلىك ەكىنشى سوعىس كەزىندە ەكى ەل بەيبىتشىلىك پەن ادىلەت جولىندا بىرگە شايقاس جاسادى. جۇڭگو حالقى جولبارىس اترەتىن ۇمىتقان جوق، امەريكا حالقى دا امەريكا اسكەرلەرىن جانقيارلىقپەن قۇتقارعان جۇڭگو حالقىن ۇمىتقان جوق. قان مەن وتتا شىڭدالعان جۇڭگو - امەريكا حالقىنىڭ دوستىعى، ءسوز جوق، ۇرپاقتان - ۇرپاققا جالعاسا بەرەدى.
جۇڭگو مەن امەريكا قارىم - قاتىناسىنىڭ قاقپاسىن حالىق اشتى. ەكى ەل كەزىندە قاراما - قارسىلىقتان 22 جىل اۋاشالاندى، ورتاق مۇددە جۇڭگو مەن امەريكانىڭ الاۋىزدىقتى قايىرىپ قويۋىنا، حالىقتىڭ تىلەگى ەكى ەلدىڭ قاتتى توڭدى تالقانداۋىنا تۇرتكى بولدى. جۇڭگو مەن امەريكا قارىم - قاتىناسىنىڭ ءۇمىتى حالىقتا، نەگىزى حالىقتا، بولاشاعى جاستاردا، ومىرشەڭدىك كۇشى جەرگىلىكتى ورىنداردا. ءتىپتى دە كوپ امەريكا شتات باستىقتارىنىڭ، پارلامەنت مۇشەلەرىنىڭ جۇڭگوعا ساپارلاي بارۋىن، امەريكانىڭ ءار سالا قايراتكەرلەرىنىڭ جۇڭگوعا بارۋىن قارسى الامىز.
جۇڭگو - امەريكا قارىم - قاتىناسىنىڭ حيكاياسىن حالىق جازعان. ەكى ەلدىڭ تاريحى، مادەنيەتى، قوعامدىق ءتۇزىمى، دامۋ جولى ۇقساماعانىمەن، حالىقتارى اق كوڭىل، دوسجار، ەڭبەكشىل، ىسكەر، وتاندى، وتباسىن، تۇرمىستى سۇيەدى، ءبىر - ءبىرىن جاقسى كورەدى جانە ءوزارا قىزىعۋشىلىعى بار. حالىق اراسىنداعى قوس باعىتتا كوپتەپ بارىس – كەلىس جاساۋ جۇڭگو - امەريكا قارىم - قاتىناسىن قۇلدىراۋدان دۇرىس جولعا قايتا ورالتتى. مەن جۇڭگو - امەريكا قارىم - قاتىناسىنىڭ قاقپاسى اشىلادى ەكەن، ەندىگارى جابىلمايتىنىنا سەنەمىن.
جۇڭگو مەن امەريكا قارىم - قاتىناسىنىڭ بولاشاعىن حالىق جاراتقان. قيىنشىلىق نەعۇرلىم قيىن بولعان سايىن، حالىق سىندى دانەكەردى بەكەمدەپ، جۇرت تىلەگىن توعىستىرۋعا سولعۇرلىم مۇقتاجبىز، ءتىپتى دە كوپ ادامنىڭ جۇڭگو - امەريكا قارىم - قاتىناسىنا دەم بەرۋىنە سولعۇرلىم مۇقتاجبىز. ءبىز حالىقتىڭ بارىس - كەلىسى ءۇشىن اناعۇرلىم كوپ كوپىر، اناعۇرلىم كوپ جول سالۋىمىز كەرەك. جۇڭگو جاق امەريكا جاقپەن ادامداردىڭ بارىس - كەلىسىنە قولايلى، گۋمانيتارلىق اۋىس - كۇيىستى جەبەيتىن اناعۇرلىم كوپ شارالاردى العا قويىپ، ەكى ەل حالىقتارىنىڭ كوبىرەك قوزعالىپ، كوبىرەك بارىس - كەلىس جاساپ، كوبىرەك اۋىس - كۇيىس جاساپ، جاڭا داۋىردەگى جۇڭگو - امەريكا حالىقتارىنىڭ دوستىق حيكاياسىن بىرگە جازۋىن ءۇمىت ەتەدى!
شي جينپيڭ بىلاي دەپ اتاپ كورسەتتى: ءبىز سىن - سايىسقا تولى، وزگەرىسكە تولى داۋىردە تۇرمىز، سونداي - اق ۇمىتكە تولى داۋىردە تۇرمىز. دۇنيە ءجۇزىنىڭ بولاشاعى جۇڭگو مەن امەريكانىڭ سەلبەستىگىنە مۇقتاج. جۇڭگو مەن امەريكا جاقسى قارىم - قاتىناس جاساپ، ءىرى ەل جاعدايىن ايگىلەپ، ءىرى ەلدىڭ جاۋاپكەرلىگىن ارقالاپ، ءىرى ەلدىڭ رولىن ساۋلەلەندىرۋى كەرەك.
ءوزارا قۇرمەت ەتۋ _ ادامدار ارا قارىم - قاتىناستىڭ نەگىزگى قاعيداسى، سونداي - اق جۇڭگو - امەريكا قارىم - قاتىناسىنىڭ ەڭ تومەنگى ولشەمى. جۇڭگو امەريكانىڭ دامۋ جولى مەن دەموكراتيالىق تۇزىمىنە قۇرمەت ەتەدى، سونىمەن بىرگە، جۇڭگوشا سوتسياليزم جولىن ماقتانىش ەتەدى. جۇڭگو مەن امەريكانىڭ جولى ۇقسامايدى، ءبىراق ەكەۋى دە _ حالىقتىڭ تالعامى، ءبارى دە قۇرمەتتەلۋگە ءتيىس.
بەيبىت قاتار تۇرۋ — حالىقارالىق قاتىناستىڭ نەگىزگى ولشەمى، ونان دا ماڭىزدىسى، جۇڭگو مەن امەريكا سىندى ەكى ءىرى ەل، ءسوز جوق، بويسۇنۋعا ءتيىستى تومەنگى شەك. بەيبىت دامۋدا تاباندى بولعان جۇڭگونى حاۋىپ دەپ قاراۋ، سەن جەڭىلسەڭ، مەن جەڭەمىن، سەن گۇلدەنسەڭ، مەن قۇلدىرايمىن دەيتىن نولدىك جيىنتىق سايىسى بەتالىستان اۋىتقيدى. جۇڭگو ەجەلدەن امەريكامەن باستەسىپ كورگەن ەمەس، امەريكانىڭ ىشكى ىسىنە كيلىگۋ، امەريكاعا سايىس جاريالاۋ جانە ونىڭ ورنىن باسۋ نيەتى جوق، سەنىمدى، اشىق، دامىعان، گۇلدەنگەن امەريكانى قۋانا كورىپ وتىر. سول سياقتى، امەريكا دا باستەسپەۋى، جۇڭگونىڭ ىشكى ىسىنە كيلىكپەۋى، بەيبىت، ورنىقتى، گۇلدەنگەن جۇڭگونى قارسى الۋى كەرەك.
سەلبەسىپ تەڭ يگىلىككە كەنەلۋ — ءداۋىر دامۋىنىڭ اعىمى ءارى جۇڭگو - امەريكا قارىم - قاتىناسىندا بولۋعا ءتيىستى نەگىز. جۇڭگو ساپالى دامۋعا كۇش سالۋدا، امەريكا دا ەكونوميكانى كۇش سالا گۇلدەندىرۋدە، ەكى جاقتىڭ سەلبەستىك كەڭىستىگى شەكسىز كەڭ، ءوزارا تابىسقا جەتۋگە، ءوزارا پايدا جەتكىزىپ، تەڭ يگىلىككە كەنەلۋگە ابدەن بولادى. ەكى جاق ەكى ەلدىڭ ديپلوماتيا، ەكونوميكا - ساۋدا، گۋمانيتارلىق، وقۋ - اعارتۋ، عىلىم - تەحنيكا، اۋىل شارۋاشىلىعى، ارميا، زاڭ اتقارۋ، ەسىرتكىگە تيىم سالۋ، جاساندى زەردە سياقتى سالالاردا پىكىرلەسۋىن، سەلبەسۋىن ىلگەرىلەتۋى كەرەك. جۇڭگو مەن امەريكا حالقىنىڭ، اسىرەسە، جاستار مەن ورەندەردىڭ اۋىس - كۇيىسىن كەڭەيتۋ ءۇشىن، جۇڭگو الداعى 5 جىلدا امەريكا جاستارى مەن ورەندەرىنەن 50 مىڭ ادامدى جۇڭگوعا كەلىپ اۋىس - كۇيىس جاساۋعا، ۇيرەنۋگە ۇسىنىس ەتۋدى قالايدى.
شي جينپيڭ مىنالاردى دارىپتەدى: 100 جىلدىق ىزدەنىس پەن ۇزدىكسىز كۇرەس ارقىلى جۇڭگو وزىنە ۇيلەسەتىن دامۋ جولىن تاۋىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە. ءبىز ىنتىماقتاسا كۇرەس جۇرگىزۋگە كۇش سالىپ، ءبىر ميلليارد 400 ميلليوننان استام جۇڭگولىقتى وسىزاماندانۋ جولىنا بىرگە تۇسىرەمىز. ءبىز بىرگە اۋقاتتانۋعا كۇش سالىپ، ءاربىر جۇڭگولىقتىڭ تاماشا تۇرمىس كەشىرۋىنە مۇمكىندىك جاسايمىز. ءبىز جان - جاقتى دامۋعا كۇش سالىپ، ادامنىڭ زاتتىق جانە رۋحاني دۇنيەسىن دە بايىتامىز. ءبىز باياندى دامۋعا كۇش سالىپ، ادام مەن تابيعاتتىڭ جاراسىمدى قاتار ءومىر سۇرۋىنە مۇمكىندىك جاسايمىز. ءبىز بەيبىت دامۋعا كۇش سالىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز. جاڭا جۇڭگو قۇرىلعان 70 نەشە جىلدان بەرى جۇڭگو ىرىقتىلىقپەن ءارقانداي سوعىس پەن قاقتىعىستى تۋدىرمادى، باسقا ەلدىڭ سۇيەمدەي جەرىن باسىپ العان جوق، بەيبىت دامۋدى نەگىزگى زاڭعا جانە بيلىك باسىنداعى پارتيانىڭ پارتيا ۋستاۆىنا ەنگىزىپ، مەملەكەتتىڭ ەركىنە كوتەرگەن بىردەن - ءبىر ءىرى ەل بولدى. جۇڭگو كەڭەسىپ، قارسىلاسپاۋدا، سەرىكتەسىپ، وداقتاسپاۋدا تاباندى بولىپ، سەلبەسىپ تەڭ يگىلىككە كەنەلۋ، ەسىك اشۋ ستراتەگياسىن اتقارادى، ءوز باسىن عانا كۇيتتەيتىن وسىزاماندانۋعا تالپىنبايدى، ءار ەلمەن بىرگە بەيبىت دامۋ، ءوزارا ءتيىمدى سەلبەستىك جاساۋ، بىرگە گۇلدەنۋ سىندى دۇنيە ءجۇزىنىڭ وسىزاماندانۋىن جۇزەگە اسىرۋدى قالايدى!
شي جينپيڭ بىلاي دەپ اتاپ كورسەتتى: تاريحتىڭ شالقار كوشىندە تولقىن جارا العا ىلگەرىلەگەندە، ەڭ سوڭىندا ەڭ قۇندى نارسە تۇنىپ قالادى. جاعداي قالاي وزگەرسە دە، جۇڭگو مەن امەريكانىڭ بەيبىت قاتار تۇرۋىنىڭ تاريحي لوگيكاسى وزگەرمەيدى، جۇڭگو مەن امەريكا حالىقتارىنىڭ اۋىس - كۇيىس، سەلبەستىك جاساۋ ءتۇبىرلى تىلەگى وزگەرمەيدى، دۇنيە ءجۇزى حالىقتارىنىڭ جۇڭگو - امەريكا قارىم - قاتىناسىنىڭ ورنىقتى دامۋى جونىندەگى جالپىلىق ءۇمىتى وزگەرمەيدى. ءارقانداي ءبىر ۇلى ىستە تابىسقا جەتۋ ءۇشىن، ءسوز جوق، حالىق اراسىنان نەگىز تابۋ، حالىق اراسىنان كۇش توپتاۋ، حالىق ورتاق ورىنداۋ كەرەك. جۇڭگو - امەريكانىڭ دوستىعى − مىنە، وسىنداي ۇلى ءىس. ءبىز ەكى ەل حالىقتارىنىڭ كۇشىن توپتاپ، جۇڭگو - امەريكا دوستىعىن جالعاستىرىپ، جۇڭگو - امەريكا قارىم - قاتىناسىن ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە اناعۇرلىم زور ۇلەس قوسايىق!
تىڭدارماندار ءتوراعا شي جينپيڭنىڭ ماڭىزدى لەكسياسىنا 10 نەشە رەت ۇزاق ۋاقىت قىزۋ شاپالاق سوقتى.
امەريكا ساۋدا مينيسترى رەموندو امەريكا ۇكىمەتى اتىنان ءسوز سويلەپ، ءتوراعا شي جينپيڭنىڭ ساپارلاي كەلگەنىن قىزۋ قارسى الدى. رەموندو مىنانى ءبىلدىردى: بۇگىن بايدەن زۇڭتۇڭ ءتوراعا شي جينپيڭمەن اشىق، بۇكپەسىز، ناتيجەلى كەڭەس وتكىزدى. بايدەن زۇڭتۇڭ اتاپ كورسەتكەندەي، امەريكا ورنىقتى، گۇلدەنگەن جۇڭگونى قارسى الادى، جۇڭگومەن ەكونوميكا - ساۋدا سەلبەستىگى امەريكاعا قىرۋار جۇمىستانۋ ورايىن جاراتتى، امەريكا كاسىپورىندارى جۇڭگو بازارىنا قاتتى قىزىعادى. امەريكا جاق جۇڭگومەن ۇزاق ۋاقىتتىق ورنىقتى قاتىناستى دامىتۋعا كۇش سالىپ، پىكىرلەسۋدى، تىلدەسۋدى كۇشەيتىپ، قاتە تۇسىنۋدەن، قاتە تۇجىرىمداۋدان ساقتانىپ، الاۋىزدىقتاردى جاۋاپكەرلىكپەن تىزگىندەپ، ەكى ەلدىڭ بىرگە گۇلدەنۋىنىڭ بولاشاعىن اشادى.
امەريكا - جۇڭگو قارىم - قاتىناسى مەملەكەتتىك كوميتەتى جورالار القاسىنىڭ ءتوراعاسى گرينبەرگ، امەريكا - جۇڭگو ساۋدا كوميتەتى جورالار القاسىنىڭ ءتوراعاسى گى شىبو، امەريكا، جۇڭگو قارىم - قاتىناسى مەملەكەتتىك كوميتەتىنىڭ باستىعى ەۆەنس قاتارلىلار جەكە - جەكە ءسوز سويلەدى. ولار مىنالاردى ءبىلدىردى: ءتوراعا شي جينپيڭ سان - فرانسيسكو قالاسىندا بايدەن زۇڭتۇڭمەن ماڭىزدى ديدارلاسۋ وتكىزدى ءارى امەريكا حالقىنا ماڭىزدى ءسوز سويلەدى، بۇل ەرەكشە تاريحي مانگە يە. ءتوراعا شي جينپيڭنىڭ باسشىلىعىندا، جۇڭگو ەكونوميكاسى ءۇرتىس، تەز دامىپ، 100 ميلليونعا جۋىق ادامدى كەدەيلىكتەن ءساتتى ارىلتتى، جۇڭگو اتى زاتىنا ساي ماڭىزدى ىقپالعا يە دۇنيە جۇزىندەگى ءىرى ەلگە اينالدى. امەريكا مەن جۇڭگودا تاريح، مادەنيەت، ءتۇزىلىس سياقتى جاقتاردا پارىقتار ءومىر ءسۇرىپ وتىر، ءبىراق ءبىر - بىرىنە سۇيەنەدى، اسىرەسە، حالىقتاردىڭ دوستىعى تەرەڭ، بۇل − امەريكا - جۇڭگو قارىم - قاتىناسىنىڭ ۇزاق ۋاقىت ورنىقتى دامۋىنىڭ ومىرشەڭدىك كۇش قاينارى. دۇنيە جۇزىندەگى ەكى ماڭىزدى ءىرى ەل رەتىندە، امەريكا مەن جۇڭگونىڭ تىلدەسۋ مەن سەلبەستىكتى ساقتاۋى ەكى ەل مەن دۇنيە ءجۇزى جونىنەن توتەنشە ماڭىزدى. ءبىز ەكى ەل حالىقتارىنىڭ ءوزارا ءتۇسىنىسۋىن جەبەۋگە ۇزدىكسىز كۇش سالىپ، امەريكا - جۇڭگو قارىم - قاتىناسىنىڭ جاقسارۋىنا، دامۋىنا ۇلەس قوسامىز.
قوناعاسى باستالۋدان بۇرىن شي جينپيڭ امەريكانىڭ ونەركاسىپ - ساۋدا سالاسى مەن قوعامداعى ءار سالاسىنىڭ ۋاكىلدەرىمەن، سونداي - اق جولبارىس اترەتى مەن سديۋي گەنەرالدىڭ ۇرپاقتارى، ”گۋليڭ“، ايوۆا شتاتى، ۆاشينگتون شتاتى سياقتى جاقتارداعى دوس قايراتكەرلەردىڭ ۋاكىلدەرىمەن كەزدەسىپ، ولارمەن ىقىلاسپەن اڭگىمەلەستى ءارى ەستەلىك سۋرەتكە ءتۇستى، ولاردىڭ جۇڭگو - امەريكا حالىقتارىنىڭ دوستىعى مەن تۇسىنىگىن جەبەۋگە قوسقان ۇلەسىنە العىس ايتتى، جۇڭگو حالقىنىڭ كونە دوستارىن ماڭگى ۇمىتپايتىنىن، جۇڭگو - امەريكا حالىقتارىنىڭ دوستىعى مەن ەكى ەل قارىم - قاتىناسىنىڭ ۇزدىكسىز جالعاساتىنىنا جانە داميتىنىنا سەنەتىنىن ءبىلدىردى.
قارسى الۋ قوناعاسىن امەريكا - جۇڭگو قارىم - قاتىناسى مەملەكەتتىك كوميتەتى، امەريكا - جۇڭگو ساۋدا مەملەكەتتىك كوميتەتى، ازيا قوعامى، امەريكا سىرتقى قاتىناس كوميتەتى، امەريكا ساۋدا قوعامى سياقتى دوستىق ۇيىمدار بىرلەسىپ وتكىزدى، امەريكا ۇكىمەتىنىڭ، دوستىق ۇيىمداردىڭ مۇشەلەرى جانە باسقا دا ءار سالا قايراتكەرلەرىنىڭ ۋاكىلدەرى بولىپ 400 دەي ادام قاتىناستى.
ساي چي، ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
