وتباسىلىق بالا باعۋ ورنىنا ەڭ كوپ بولعاندا 5 بالا قابىلداۋعا بولادى
وتباسىلىق بالا باعۋ ورنىن باسقارۋ ءادىسى جونىندەگى جاڭا بەلگىلەمە ورتاعا قويىلدى
2023.11.17 16:17 كەلۋ قاينارى : حالىق تورابى
مەملەكەتتىك دەنساۋلىق ساقتاۋ - سالاماتتىق كوميتەتى، تۇرعىن ءۇي جانە قالا - اۋىل قۇرىلىسى مينيسترلىگى قاتارلى تاراۋلار «وتباسىلىق بالا باعۋ ورنىن باسقارۋ ءادىسىن (سىناق رەتىندە اتقارىلادى)» باسىپ تاراتۋ جونىندەگى ۇقتىرۋدى جاريالادى. ۇقتىرۋدا وتباسىلىق بالا باعۋ ورنىنا قابىلداۋعا بولاتىن بالا سانى، بوبەكتەر مەن سابيلەردىڭ ءار بىرەۋىنە ورتا ەسەپپەن تۋرا كەلەتىن قۇرىلىس كولەمى قاتارلى جاقتاردا بەلگىلەمەلەر ايقىن بەلگىلەنگەن.
ۇقتىرۋدا مىنالار تالاپ ەتىلگەن: وتباسىلىق بالا باعۋ ورنى دەگەنىمىز تۇرعىن ۇيدەن پايدالانىپ، 3 جاستان تومەنگى بوبەكتەر مەن سابيلەرگە (تومەندە بوبەكتەر مەن سابيلەر دەپ الىنادى) باعىتتاپ، تولىق كۇن باعۋ، جارىم كۇن باعۋ، ساعات بويىنشا باعۋ، ۋاقىتتىق باعۋ قاتارلى بالا باعۋ قىزمەتىن وتەيتىن ورىنداردى كورسەتەدى. ءاربىر وتباسلىق بالا باعۋ ورنىنا قابىلدايتىن بالا سانى ەڭ كوپ بولعاندا 5 بالادان اسىپ كەتپەۋى كەرەك. وتباسىلىق بالا باعۋ ورنىنداعى ءاربىر بالا باعۋشىنىڭ ەڭ كوپ بولعاندا 3 بالاعا قاراۋىنا بولادى؛ وتباسىلىق بالا باعۋ ورنىنداعى بوبەكتەر مەن سابيلەردىڭ اربىرەۋىنە تۋرا كەلەتىن قۇرىلىس كولەمى 9 شارشى مەتردەن تومەن بولماۋى كەرەك.
وتباسىلىق بالا باعۋ ورنىنىڭ تىزىمگە الدىرعاندا ”بالا باعۋ“ دەگەن ءسوز قامتىلۋى كەرەك، قىزمەت وتەۋ كولەمى مەن تيجارات كولەمىندە ”وتباسىلىق بالا باعۋ قىزمەتى“ ايقىن ەسكەرتىلۋى كەرەك. پايدا تابۋ سيپاتىنداعى وتباسىلىق بالا باعۋ ورنىن اشقان جاعدايدا، زاڭ بويىنشا سول جەردەگى بازاردى باقىلاۋ - باسقارۋ تاراۋلارىنان تىركەلۋدى، تىزىمدەلۋدى ءوتىنىش ەتۋى كەرەك، تىزىمدەيتىن ورگاندار وتباسىلىق بالا باعۋ ورنىن تىزىمدەۋ ينفورماتسياسىن دەر كەزىندە ۇقساس دارەجەدەگى دەنساۋلىق ساقتاۋ - سالاماتتىق تاراۋلارىنا جولداۋى قاجەت. مۇنان سىرت، وتباسلىق بالا باعۋ ورنىنا حاۋىپسىزدىكتى باقىلايتىن بەينە كەسكىندى جۇيە ورناتىلۋى، بوبەكتەر مەن سابيلەردىڭ تۇرمىس جانە ارەكەت اۋماعىن تولىق باقىلاۋعا الۋى، باقىلاۋ كامەراسىنداعى ماتەريالداردى كەمىندە 90 كۇن ساقتاۋى كەرەك. (باس ستانسيا ورتالىق تەلەۆيزيا ءتىلشىسى لي بين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
