مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ بۇرىنعى ورىنباسار مينيستر دارەجەلى كادرى لۋو يۇيلين تارتىپكە، زاڭعا اۋىر قايشىلىق جاساعاندىقتان پارتيادان ايدالدى
2023.11.17 14:44 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى مەملەكەتتىك كەڭەس مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ بۇرىنعى ورىنباسار مينيستر دارەجەلى كادرى لۋو يۇيليننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: لۋو يۇيلين مۇرات - سەنىمىنەن ايىرىلىپ، اۋەلگى ماقساتىنان، بورىشىنان بەزىپ، پارتياعا ادال بولماعان، ءىشى مەن سىرتى بىردەي بولماي، ەكى بەتكەيلىك ىستەپ، ەكى بەتكەي بولعان؛ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، جەكە كاسىپورىن يەلەرى ورنالاستىرعان قوناعاسى مەن ساياحات قيمىلىن قابىلداعان، ۇيىمدىق پرينسيپكە قايشىلىق جاساعان، جەكە باسىنا قاتىستى ىستەردى مالىمدەمەي جاسىرعان، كادرلاردى تاڭداپ ءوسىرۋ، مىندەتكە تاعايىنداۋدا باسقالارعا پايدا جەتكىزىپ، مال - مۇلىك قابىلداعان؛ تۇرمىستا ءىرىپ – ءشىرىپ، وتباسى سالتى دۇرىس بولماعان، وتباسىن باسقارۋ قاتاڭ بولماي، وتباسىنداعىلاردى باسقارماعان، تاربيەلەمەگەن؛ ءتارتىپ پەن زاڭنىڭ سوڭعى شەگىنەن اسىپ، ۇكىمەت مۇلكىن جەكە پايدالانىپ، ۇقىعىنان پايدالانىپ قارا باسىنىڭ قامىن ويلاعان، زاڭسىز ساۋداگەرلەرمەن اۋىز جالاسىپ، ۇقىق - اقشا ساۋداسىمەن بارىنشا شۇعىلدانعان، قىزمەت قولايلىلىعىنان پايدالانىپ باسقالاردىڭ كاسىپورىن تيجاراتى، نىساندى كوتەرىپ الۋ سياقتى جاقتاردان پايدا تابۋىنا كومەكتەسكەن، سونداي - اق زاڭسىز تۇردە قىرۋار مال - مۇلىك قابىلداعان.
لۋو يۇيلين پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى لۋو يۇيلينگە پارتيادان ايداۋ جازاسىن بەرۋدى ۇيعاردى؛ بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىرادى؛ تارتىپكە، زاڭعا قايشىلىق جاساپ تاپقان تابىسىن ءمۇسادىرالايدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىكتى بىرگە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
