تۋىلۋ مەديتسينالىق انىقتاماسى جونىندە مەملەكەتتىك دەنساۋلىق ساقتاۋ جانە سالاماتتىق كوميتەتى ارەكەتكە كىرىستى
تۋىلۋ مەديتسينالىق انىقتاماسىن الىپ - ساتۋ، جالعاننان جاساۋ سياقتى زاڭعا قايشى قىلمىستىق ارەكەتتەرگە قاتاڭ سوققى بەرەدى
2023.11.20 14:10 كەلۋ قاينارى : حالىق تورابى
مەملەكەتتىك دەنساۋلىق ساقتاۋ جانە سالاماتتىق كوميتەتى تۋىلۋ مەديتسينالىق انىقتاماسىن باسقارۋ قىزمەتىنە ايرىقشا ءمان بەرىپ، قاتىستى جەرلەردىڭ تۋىلۋ مەديتسينالىق انىقتاماسىن ساتۋ سياقتى قاتىستى ماسەلەلەردى قاتاڭ تەكسەرىپ ءبىر جاقتى ەتۋىن ماڭدايشالىق اسىپ باقىلايدى، حۋبەيدىڭ شياڭياڭ، گۋاڭدۇڭنىڭ فوشان، گۋاڭشيدىڭ ناننيڭ سياقتى جەرلەرىنە قۋزاۋ ـ جەتەكشىلىك ەتۋ گرۋپپاسىن جىبەرىپ، جەرگىلىكتى ورىنداردىڭ ىشكەرىلەي قازۋىنا، تۇبەگەيلى تەكسەرۋىنە قۋزاۋ سالىپ، جەتەكشىلىك ەتەدى. قوعام كوڭىل ءبولىپ وتىرعان ماسەلەلەرگە جاۋاپ قايتارىپ، قاتىستى جاۋاپكەرشىلىكتى قۋزاستىرادى.
«تۋىلۋ مەديتسينالىق انىقتاماسى» — «جۇڭحۋا حالىق رەسپۋبليكاسىنىڭ انالار مەن نارەستەلەردىڭ دەنساۋلىعىن قورعاۋ زاڭىنداعى» قاتىستى بەلگىلەمەلەرگە ساي جاساپ تاراتىلعان زاڭدا بەلگىلەنگەن مەديتسينالىق انىقتاما قۇجاتى، قوعام حاۋىپسىزدىك ورگانىنىڭ جاڭا تۋعان نارەستەنىڭ نوپوسىن تىزىمدەۋدەگى ماڭىزدى نەگىزى.
مەملەكەتتىك دەنساۋلىق ساقتاۋ جانە سالاماتتىق كوميتەتى بالالاردىڭ ۇقىق ـ مۇددەسىنە زيان جەتكىزۋ، بۇقارانىڭ مۇددەسىنە زيان جەتكىزۋ، قالىپتى ەمدەۋ ءتارتىبىن بىلىقتىرۋ، اسىرەسە، تۋىلۋ مەديتسينالىق انىقتاماسىن جالعاننان جاساۋ ارەكەتتەرىنە قاتاڭ سوققى بەرەدى، استە ىرقىنا جىبەرمەيدى، بايقالعان زامان تەكسەرىپ ءبىر جاقتى ەتەدى، قوعام حاۋىپسىزدىگى ورگاندارىنىڭ تۋىلۋ مەديتسينالىق انىقتاماسىن ساتۋ سياقتى قىلمىستىق ارەكەتتەرگە سوققى بەرۋىنە بەلسەنە سايكەسىپ، دەلوعا ساياتىن ەمدەۋ قىزمەتكەرلەرىن زاڭ – بەلگىلەمە بويىنشا قاتاڭ ءبىر جاقتى ەتەدى. جەرگىلىكتى دەنساۋلىق ساقتاۋ جانە سالاماتتىق اكىمشىلىك تاراۋلارىنا قاتىستى دەرەكتەردى اشكەرەلەۋىن قارسى الامىز.
كەلەسى قادامدا مەملەكەتتىك دەنساۋلىق ساقتاۋ جانە سالاماتتىق كوميتەتى ەمدەۋ قۇرىلىمدارىنىڭ ىشكى باسقارۋ مەحانيزمى مەن ءتارتىبىن اناعۇرلىم اقاۋسىزداندىرۋىنا، كەمەلدەندىرۋىنە جەتەكشىلىك ەتەدى ءارى بۇكىل ەل كولەمىندە تۋىلۋ مەديتسينالىق انىقتاماسىن ارناعا ءتۇسىرۋ، باسقارۋ ارناۋلى تەكسەرۋىن ورىستەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
