كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ءونىمدى ۇشتاستىرۋعا قولداۋ كورسەتىلدى
وتكەن 10 ايدا شينجياڭ قازىناسى 21 ميلليارد 100 ميلليون يۋان ۇشتاستىرۋ قارجىسىن ورنالاستىردى
2023.11.20 14:36 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، الدىڭعى وتكەن 10 ايدا شينجياڭ قازىناسى 21 ميلليارد 124 ميلليون يۋان قارجى ورنالاستىرىپ، تۇتاس شينجياڭداعى 14 ايماق، وبلىس، قالاداعى 93 اۋدان، قالا، رايوننىڭ كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ءونىمدى ۇشتاستىرۋىنا قولداۋ كورسەتكەن.
”2023 ـ جىل — كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ءونىمدى ۇشتاستىرۋداعى شەشۋشى جىل“. شينجياڭ ۇيعۇر اۆتونوميالى رايوندىق قازىنا مەڭگەرمەسى اۋىل ـ قىستاقتى گۇلدەندىرۋ باسقارماسىنىڭ باستىعى ۋاڭ ياجۇن بىلاي دەپ تانىستىردى: شينجياڭنىڭ كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ءونىمدى ۇشتاستىرۋ مىندەتىنىڭ قاجەتىنە ساي، شينجياڭ قازىناسى نازاردى ”تومەنگى شەكتى ساقتاۋ، دامۋدى يگەرۋ، گۇلدەندىرۋدى جەبەۋگە“ شوعىرلاندىرىپ، كەدەيلىكتەن ارىلعان بۇقارانىڭ كىرىسىن ارتتىرۋدى ءتۇبىرلى تالاپ ەتۋگە تاباندى بولدى، كەدەيلىكتەن ارىلعان اۋدانداردىڭ جەدەل دامۋىن جەبەۋدى نەگىزگى قامال الۋ باعىتى ەتىپ، ءتۇيىندى وڭىرلەردى، ءتۇيىندى قاۋىمدى، ءتۇيىندى مازمۇنداردى كورنەكتىلەندىرىپ، قازىنانىڭ فۋنكسيالىق رولىن ساۋلەلەندىرىپ، بەلسەنە قارجى توپتاپ، ۇشتاسۋدى ۇيلەسىمدى ورنالاستىرىپ، وتپەلى كەزەڭدەگى قازىنالىق قولداۋ ساياساتىنىڭ جالپى تۇلعالىق ورنىقتىلىعىن ساقتادى.
ۇعىسۋعا قاراعاندا، ۇشتاستىرۋ قارجىسى، باستىسى، قايتا كەدەيلەسۋدەن، كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ مەحانيزمىن اقاۋسىزداندىرۋ، قونىس جاڭالاعاننان كەيىنگى سۇيەمەلدەۋ، كەدەيلىكتەن ارىلعان ەڭبەككۇشتەردىڭ جۇمىستانىپ كىرىسىن ارتتىرۋ، وڭىرلىك ەرەكشەلىككە، باسىمدىققا يە كاسىپ سالالارىن جەتىلدىرۋدى جانە زورايتۋدى قولداۋ، اۋىل - قىستاقتىڭ تۇرعىن ءۇي ورتاسى مەن شاعىن الەۋمەتتىك يگىلىك سيپاتتى نەگىزدىك قۇرىلعىلار قۇرىلىسىنداعى ولقىلىقتاردى تولىقتاۋ سياقتى مىندەتتەرگە قولدانىلدى. بۇدان سىرت، ۇشتاستىرۋ قارجىسى اۋىل شارۋاشىلىق كاسىبىنىڭ جوعارى ساپالى دامۋىن ىلگەرىلەتۋگە نازار اۋدارىپ، استىق، ماي، ماقتا جانە توقىماشىلىق، كيىم ـ كەشەك، جاسىل ورگانيكالىق جەمىس ـ جيدەك، كوكونىس، ساپالى مال شارۋاشىلىق ونىمدەرى سىندى اۋىل شارۋاشىلىعىنا ساياتىن 4 ۇلكەن كاسىپتىڭ شوعىرلى دامۋىنا ءتۇيىندى تۇردە قولداۋ كورسەتىپ، اۋىل ـ قىستاقتى گۇلدەندىرۋ ستراتەگياسىنىڭ ىلگەرىلەتىلۋىن، اتقارىلۋىن اناعۇرلىم ويداعىداي قامتاماسىز ەتتى.
ۋاڭ ياجۇن بىلاي دەدى: ۇشتاستىرۋ قارجىسىن باقىلاۋ ـ باسقارۋدى كۇشەيتۋ ءۇشىن، ۇشتاستىرۋ قارجىسىن تىكە قارجى ەتىپ، اۋدانعا تىكەلەي جەتكىزىپ، اۋدان دارەجەلى ورىنداردىڭ پايدالانۋدى باقىلاۋ ـ باسقارۋ جاۋاپكەرشىلىگىن قاتايتىپ، قارجىنى باسقارۋ ءادىسى مەن جەتەكشى پىكىردە بەلگىلەنگەن پايدالانۋ ورنى بويىنشا قاتاڭ پايدالانۋ كەرەك، پايدالانۋ كولەمىن بەتالدى كەڭەيتۋگە بولمايدى؛ قارجىنىڭ رۇقسات ەتىلمەيتىندەر تىزىمدىگىندەگى ىستەرگە جۇمسالۋىنا قاتاڭ تيىم سالىنادى، يەمدەنىپ الۋعا، قيانات ىستەۋگە، قىمقىرۋعا، جالعان مالىمدەپ، الداپ الۋعا، ىركىپ قالۋعا، بوس قويۋعا قاتاڭ تيىم سالىنادى. ءار دارەجەلى قازىنا تاراۋلارى تاعى قارجى شىعىسىنىڭ اياق الىسىن جەدەلدەتۋ ارقىلى كاسىپ سالاسىن باسقارۋشى تاراۋلاردى نىسانداردى اتقارۋدى جەدەلدەتۋگە قۋزاپ، قارجىنىڭ پايدالانىلۋ ونىمدىلىگىن جاپپاي جوعارىلاتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
