قار – جاڭبىر جاۋادى، بوران سوعىپ، تەمپەراتۋرا تومەندەيدى
شينجياڭدا تاعى سۋىق اعىس بولادى
2023.11.20 14:15 كەلۋ قاينارى : حالىق تورابى
”قىس باسى“ امالىنىڭ ىشكەرلەي ەنۋىنە بايلانىستى سۋىق اعىس ءتىپتى دە كۇشەيە ءتۇستى. 11 –ايدىڭ 19 – كۇنىنەن باستاپ شينجياڭدا جاڭا كەزەكتى سۋىق اعىس باستالدى. شينجياڭدا قار – جاڭبىر جاۋادى، بوران سوعىپ، تەمپەراتۋرا تومەندەيدى.
11 – ايدىڭ 19 – كۇنى كۇندىزدەن 21 – كۇنى كۇندىزگە دەيىن سولتۇستىك شينجياڭنىڭ باسىم كوپ جەرى، تيانشان تاۋلى رايونى، قۇمىل قالاسى قاتارلى جەرلەردە سەبەزگى جاڭبىر نەمەسە جاڭبىر ارالاس قار جاۋىپ، سوڭى قارعا اينالادى، مۇنىڭ ىشىندە سولتۇستىك شينجياڭنىڭ باتىس بولىگى، سولتۇستىك بولىگى، تيانشان تاۋلى ءوڭىرى جانە سولتۇستىك بەتكەيى، قۇمىل قالاسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە ورتاشادان قالىڭ قارعا دەيىن جاۋدى، تاۋلى رايونداردىڭ كەي جەرلەرىندە قالىڭ قار جاۋادى. جوعارىداعى ايتىلعان وڭىرلەردە 5 بال اينالاسىندا باتىس سولتۇستىك جەلى سوعادى، جەل وتتەرىندە جەل كۇشى 10 بالعا جەتەدى، تەمپەراتۋرا 5 تە 8 سەلتسي گرادۋس تومەندەيدى، جاۋىن – شاشىن بولىپ، تەمپەراتۋرا تومەندەيتىندىكتەن جەر بەتى تايعاق كەلەدى، تۇندە اۋا تەمپەراتۋراسى تومەندەپ ءىشىنارا جول بولەكتەرىندە مۇز قاتادى نەمەسە تۇماندى اۋا رايى پايدا بولادى، قاتىناسقا، ساپارعا، ساياحاتقا شىققاندا جانە قالا اينالىسىندا اۋا رايىنىڭ ءتيىمسىز ىقپالىنان ساقتانۋدى كۇشەيتۋ كەرەك.
وسى ەكى كۇندە سۋىق اعىستىڭ كەلۋىنە بايلانىستى كوپ جەردىڭ تەمپەراتۋراسى ءبىر رەت كۇرت تومەندەيدى. قالانىڭ ىشىندە ءۇرىمجى، سانجى، شىحىزى، بۇراتالا قالالارىنىڭ اۋا تەمپەراتۋراسى كۇرت تومەندەيدى.
11 – ايدىڭ 22 – كۇنى كۇندىزدەن تۇنگە دەيىن تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك قالا ماڭى، دابانچىڭ ءوڭىرى، سانجى وبلىسى قاتارلى جەرلەردىڭ ءىشىنارا وڭىرلەرىندە 5 تە 6 بال قيىس شىعىس جەلى سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل ٴوتى، التاي ايماعىنىڭ نوقاي جەل ٴوتى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە جەل كۇشى 10 بالعا جەتەدى.
11 – ايدىڭ 24 – كۇنىنىڭ الدى – ارتىندا، سولتۇستىك شينجياڭنىڭ باتىس بولەگى مەن سولتۇستىك بولەگىندە جانە تيانشان تاۋلى وڭىرىندە تاعى ءبىر رەت جاۋىن – شاشىن بولادى. الداعى بىرنەشە كۇندە اۋا تەمپەراتۋراسىنىڭ تولقۋى زور بولادى، كوپشىلىك اۋا تەمپەراتۋراسىنىڭ وزگەرىسىنە قاراي كيىم - كەشەكتەرىن دەر كەزىندە رەتتەپ، سۋىق ٴتيىپ تۇماۋراتىپ قالۋدان ساقتانۋى كەرەك!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
