جۇڭگو ارقىلى باسقا ەلگە وتكەندە 144/72 ساعات ۆيزاسىز ايالداۋعا رۇقسات بەرۋ ساياساتى قولدانىلاتىن ەلدەردىڭ سانى 54 مەملەكەتكە جەتتى
2023.11.20 15:22 كەلۋ قاينارى : حالىق تورابى
حالىق تورابىنىڭ 11 - ايدىڭ 17 - كۇنى بەيجيڭنەن بەرگەن حابارى (گاۋ چيڭياڭ، لياڭ چيۋپيڭ) مەملەكەتتىك كوشى - قوندى باسقارۋ مەكەمەسىنەن الىنعان حابارعا قاراعاندا، 2023 - جىلى 11 - ايدىڭ 17 - كۇنىنەن باستاپ، ەلىمىز نورۆەگيا ازاماتتارىنا جۇڭگو ارقىلى باسقا ەلگە وتكەندە 144/72 ساعات ۆيزاسىز ايالداۋعا رۇقسات بەرۋ ساياساتىن اتقارادى. وسىمەن جۇڭگو ارقىلى باسقا ەلگە وتكەندە 144/72 ساعات ۆيزاسىز ايالداۋعا رۇقسات بەرۋ ساياساتى قولدانىلاتىن ەلدەردىڭ سانى 54 مەملەكەتكە جەتتى.
قازىر جۇڭگونىڭ چاڭشا، حاربين، گۇيلين قاتارلى 3 قالاسىندا جۇڭگو ارقىلى باسقا ەلگە وتكەندە 72 ساعات ۆيزاسىز ايالداۋعا رۇقسات بەرۋ ساياساتى اتقارىلادى، بەيجيڭ، تيانجين، شىجياجۋاڭ، چينحۋاڭداۋ، شاڭحاي، نانجيڭ، حاڭجوۋ، نيڭبو، گۋاڭجوۋ، شىنجىن، جيەياڭ، شنياڭ، داليان، چيڭداۋ، چۇڭچيڭ، چىڭدۋ، شي - ان، شيامىن، ۋحان، كۇنميڭ قاتارلى 20 قالادا جۇڭگو ارقىلى باسقا ەلگە وتكەندە 144 ساعات ۆيزاسىز ايالداۋعا رۇقسات بەرۋ ساياساتى اتقارىلادى. 54 مەملەكەتتىڭ ازاماتتارى جوعارىداعى قالالار ارقىلى ءۇشىنشى ەلگە (رايونعا) وتكەندە، كۇشكە يە حالىقارالىق ساپار كۋالىگى جانە شەكتى مەرزىم ىشىندەگى ۇشاتىن ۋاقىتى مەن وتىراتىن ورنى تۇراقتاندىرىلعان ۇشاق بەلەتى ارقىلى بەلگىلەنگەن اۋماق ىشىندە 72 ساعات جانە 144 ساعات ۆيزاسىز ايالداۋىنا بولادى، ايالداعان مەزگىلدە ساياحاتتاۋ جانە ساۋدا ىستەرى بايلانىسىمەن ۋاقىتتىق ساپاردا بولۋ قاتارلى قىسقا مەرزىمدىك قيمىلدارمەن شۇعىلدانۋىنا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
