شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
2023.11.21 16:04 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 20 - كۇنى، بەيجيڭ. 11 - ايدىڭ 20 - كۇنى تۇستەن كەيىن مەملەكەت ءتوراعاسى شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: زۇڭتۇڭ مىرزا بيىل 4 - ايدا جۇڭگودا ساپاردا بولعاننان بەرى جۇڭگو مەن فرانسيانىڭ ءار دارەجەلى بارىس - كەلىسى جەدەل قالپىنا كەلىپ، ءار سالاداعى سەلبەستىگى تىڭعىلىقتى ىلگەرىلەپ، كوپتەگەن تابىسقا قول جەتكىزدى. 2024 - جىلى ءبىز ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قارسى الامىز. ەكى جاق تاريحتىڭ ۇتىلامالى تاياقشاسىن ويداعىداي جالعاستىرىپ، ديپلوماتيالىق قارىم - قاتىناس ورناتۋداعى اۋەلگى ماقساتتان جازباي، ءداستۇرلى دوستىقتى جالعاستىرىپ، جۇڭگو - فرانسيا قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋ كەرەك. جۇڭگو جاق فرانسيا جاقپەن جوعارى جىكتەگىلەردىڭ بارىس - كەلىسىن جالعاستىرىپ، جۇڭگو مەن فرانسيانىڭ جوعارى دارەجەلى گۋمانيتارلىق اۋىس - كۇيىس مەحانيزمىنىڭ جاڭا كەزەكتى ءماجىلىسىن ويداعىداي اشىپ، وقۋ - اعارتۋ، مادەنيەت، عىلمي زەرتتەۋ سياقتى سەلبەستىكتەردىڭ تىڭ ىلگەرىلەۋشىلىككە قول جەتكىزۋىن ىلگەرىلەتىپ، ەكى ەل حالىقتارىنىڭ دوستىق بارىس - كەلىسىن جەبەۋدى قالايدى. جۇڭگو جاق فرانسيا جاقتىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە جانە 6 - كەزەكتى جۇڭگو حالىقارالىق يمپورت كورمەسىنە بەلسەنە ات سالىسقانىن القايدى، اناعۇرلىم كوپ فرانسيا ونىمدەرىنىڭ جۇڭگو بازارىنا كىرگەنىن قۋانا كورىپ وتىر، اناعۇرلىم كوپ فرانسيا كاسىپورىندارىنىڭ جۇڭگوعا كەلىپ قارجى قوسۋىن قارسى الادى، فرانسيا جاقتىڭ جۇڭگو كاسىپورىندارىنىڭ فرانسياعا بارىپ قارجى قوسۋىنا ءادىل، كەمسىتپەيتىن شارۋاشىلىق - ساۋدا ورتاسىن ازىرلەۋىن ءۇمىت ەتەدى. جۇڭگو جاق فرانسيا جاقپەن بىرلەسكەن مەملەكەتتەر ۇيىمى سياقتى كوپ جاقتى قۇرىلىمداعى سەلبەستىكتى كۇشەيتۋدى قالايدى. بيىل − جۇڭگو مەن ەۆروپانىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقانىنىڭ 20 جىلدىعى، قازىرگى بىلىقپالىق توعىسقان دۇنيە ءجۇزى الدىندا، جۇڭگو مەن ەۆروپا ءوزارا ءتيىمدى سەلبەستىك سەرىگى بولۋدان جازباۋى كەرەك. فرانسيا جاقتىڭ جۇڭگو - ەۆروپا قارىم - قاتىناسىنىڭ بەلسەنە دامۋىن ىلگەرىلەتۋدە سىندارلى رول اتقارۋىن ءۇمىت ەتەمىن.
شي جينپيڭ بىلاي دەپ دارىپتەدى: جۇڭگو مەن فرانسيانىڭ كليمات وزگەرىسىنە توتەپ بەرۋ سالاسىنداعى سەلبەستىگى جاقسى. دۋبايدا وتكىزىلەتىن «بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى جۇلگەلىك شارتىنىڭ» 28 - رەتكى شارتتاسۋشى جاقتار جينالىسى «پاريج كەلىسىمىن» تۇڭعىش رەت اداقتاپ، اتقارۋ اياق الىسىن قورىتىندىلاپ، باعالاپ، بولاشاقتاعى بۇكىل جەر شارى كليماتىن جونگە سالۋ اياق الىسىنا جەتەكشىلىك ەتەدى. «پاريج كەلىسىمى» ءتۇزىمى جۇلگەسىن، اسىرەسە، ورتاق، ءبىراق پارىقتى جاۋاپكەرلىك پرينسيبى مەن مەملەكەت ۇلەسىنىڭ دەربەستىگىن قورعاۋ كەرەك. جۇڭگو جاق فرانسيا جاقپەن بىرگە سىرتقا جۇڭگو مەن فرانسيانىڭ كليمات وزگەرىسىنە قول ۇستاسا توتەپ بەرۋدەگى پارمەندى سيگنالىن تاراتىپ، بىرلەسكەن مەملەكەتتەر ۇيىمىنىڭ كليمات وزگەرىسى دۋباي جينالىسىنىڭ تابىستى بولۋىن ىلگەرىلەتۋدى قالايدى.
ماكرون مىنانى ءبىلدىردى: بيىل 4 - ايدا جۇڭگودا جاساعان ساپارىم كوكەيىمدە ءالى سايراپ تۇر، تاياۋ مەزگىلدە ەكى ەلدىڭ ءار جىكتەگىلەرىنىڭ بارىس - كەلىستى، تىلدەسۋدى جالعاستىرعانىنا ءدان ريزامىن. قازىرگى حالىقارالىق جاعدايدا فرانسيا مەن جۇڭگونىڭ ستراتەگيالىق قارىم - قاتىناستى، سەلبەستىكتى جالعاستىرۋىنىڭ ماڭىزى زور. فرانسيا جاق كەلەر جىلى فرانسيا مەن جۇڭگونىڭ ديپلوماتيالىق قارىم - قاتىناس ورناتقانىنىڭ 60 جىلدىعىن وراي ەتىپ، جۇڭگو جاقپەن جوعارى جىكتەگىلەردىڭ بارىس - كەلىسىن جيىلەتىپ، ەكونوميكا - ساۋدا، اۆياتسيا، گۋمانيتارلىق سياقتى سالالارداعى اۋىس - كۇيىستى، سەلبەستىكتى تەرەڭدەتۋدى قالايدى. فرانسيا جاق جۇڭگو جاقپەن بىرلەسكەن مەملەكەتتەر ۇيىمىنىڭ كليمات وزگەرىسى دۋباي جينالىسى جونىندە تىعىز بايلانىس جاساپ، كليمات وزگەرىسى، ورگانيزمدەردىڭ الۋان تۇرلىلىگىن قورعاۋ سياقتى دۇنيە جۇزىلىك ماسەلەلەرگە ۇزدىكسىز سەلبەسىپ توتەپ بەرۋدى ءۇمىت ەتەدى. فرانسيا جاق ەۆروپا وداعى مەن جۇڭگونىڭ ءوزارا قۇرمەت ەتۋ، ءوزارا ءتيىمدى سەلبەستىك رۋحى بويىنشا جالپى بەتتىك ستراتەگيالىق سەرىكتەستىك قارىم - قاتىناستى ونان ارى دامىتۋىن ىلگەرىلەتۋدى قالايدى.
ەكى ەل مەملەكەت باسشىلارى پالەستين مەن يزرايلدىڭ قاقتىعىسى جونىندە پىكىر اۋىستىردى. ەكى ەل مەملەكەت باسشىلارى تۇگەلدەي بىلاي دەپ قارادى: قازىرگى شۇعىل مىندەت پالەستين مەن يزرايل جاعدايىنىڭ ونان ارى ۋشىعۋىنان ساقتانۋ، اسىرەسە، ءتىپتى دە اۋىر ادامگەرشىلىك داعدارىسىنىڭ تۋىلۋىنان ساقتانۋ بولىپ تابىلادى، ”ەكى ەل جوباسى“ − پالەستين - يزرايل قاقتىعىسىنىڭ قايتالانۋىن شەشۋدىڭ ءتۇبىرلى شىعار جولى. ەكى جاق ورتاق كوڭىل ءبولىپ وتىرعان حالىقارالىق، وڭىرلىك ماسەلەلەر جونىندە تىلدەسۋدى ۇزدىكسىز جالعاستىرىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا ۇلەس قوسۋعا ماقۇل بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
