حان جىڭ اراب ەلدەرى، ءسىلام ەلدەرى سىرتقى ىستەر مينيسترلەرىنىڭ بىرلەسكەن ۋاكىلدەر ۇيىرمەسىندەگىلەرمەن توپتىق كەزدەستى
2023.11.21 16:08 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 20 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 11 - ايدىڭ 20 - كۇنى بەيجيڭدە ساۋد ارابياسىنىڭ سىرتقى ىستەر ءۋازىرى فەسار باستاعان اراب ەلدەرىنىڭ، ءسىلام ەلدەرىنىڭ سىرتقى ىستەر مينيسترلەرىنىڭ بىرلەسكەن ۋاكىلدەر ۇيىرمەسىمەن توپتىق كەزدەستى، يوردانيانىڭ، ەگيپەتتىڭ، پالەستيننىڭ، يندونەزيانىڭ سىرتقى ىستەر مينيسترلەرى جانە ءسىلام سەلبەستىك ۇيىمىنىڭ باس حاتشىسى قاتارلىلار قاتىناستى.
حان جىڭ مىنانى ءبىلدىردى: جۇڭگو اراب - ءسىلام ەلدەرى بىرلەسكەن ەرەكشە باسشىلار باس قوسۋىنىڭ بەيبىتشىلىك جولىنداعى قۇلشىنىسى مەن ادىلەت جولىنداعى ىستەرىن ايرىقشا القايدى، باسشىلار باس قوسۋىنىڭ مينيستر دارەجەلى بىرلەسكەن ۇلاسپالى كوميتەتىنىڭ اناعۇرلىم زور رول اتقارۋىن قولدايدى. جۇڭگو جاق قازىر گازاداعى ادامگەرشىلىك اۋقىمىنىڭ ەرەكشە اۋىر جاعدايىنا باسا كوڭىل ءبولىپ وتىر، گازاعا شۇعىل زاتتىق بۇيىم جانە ناق اقشالاي كومەك بەرۋدى تەزدەتىپ جاتىر. وسى ايدا حاۋىپسىزدىك القالار كەڭەسىنىڭ كەزەكتى ءتوراعا ەلى رەتىندە، جۇڭگو اراب ەلدەرىمەن، ءسىلام ەلدەرىمەن بىرگە بىرلەسكەن مەملەكەتتەر ۇيىمىنىڭ جانە حاۋىپسىزدىك القالار كەڭەسىنىڭ قاتىستى قاۋلىلارىن جاپپاي تياناقتاندىرۋدى ىلگەرىلەتىپ، سوعىستى توقتاتۋ، ادامگەرشىلىك جاعدايىن باسەڭدەتۋ، ”ەكى ەل جوباسىنا“ قايتا ورالۋ جولىندا قاجىماي - تالماي قۇلشىنۋدى قالايدى.
فەسار قاتارلىلار مىنانى ءبىلدىردى: جۇڭگونىڭ باسشىلىق قۋاتىن ساۋلەلەندىرىپ، بىرلەسكەن مەملەكەتتەر ۇيىمى مەن حاۋىپسىزدىك القالار كەڭەسىنىڭ ماڭىزدى قاۋلىلاردى ماقۇلداۋىن ىلگەرىلەتكەنىنە العىس ايتامىز. اراب ەلدەرى، ءسىلام ەلدەرى جۇڭگونىڭ پرينسيپتە تاباندى بولعانىن، ادىلدىكتى جاقتاعانىن ايرىقشا القايدى، جۇڭگومەن بىرگە سوعىستى دەرەۋ توقتاتۋدى ىلگەرىلەتىپ، ادامگەرشىلىك كومەكتى ارتتىرىپ، ”ەكى ەل جوباسىن“ شىنايى تياناقتاندىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
