مەملەكەتتىك ەنەرگيا مەكەمەسى شينجياڭداعى ەكى كومىر كەن نىسانىن تەكسەرىپ بەكىتتى
2023.11.21 14:07 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنەن ۇعىسۋىنشا، تاياۋدا مەملەكەتتىك ەنەرگيا مەكەمەسى شينجياڭداعى ەكى كومىر كەن نىسانىن تەكسەرىپ بەكىتكەن، ولار جەكە - جەكە كەبىر ءسىلتى كەن رايونى 12 - ءنومىرلى كومىر كەنى، ياڭشيا كەن رايونى كاداشي رايونىنداعى 1 - ءنومىرلى كومىر كەنى.
كەبىر ءسىلتى كەن رايونى 12 - ءنومىرلى كومىر كەنىنىڭ جىلدىق قۇرىلىس كولەمى ءبىر ميلليون 500 مىڭ توننا، نىسان ورنى توقسۇن اۋدانى بوشىڭ كومىر كەن كاسىبىن اشۋ شەكتى سەرىكتەستىگى، قۇرىلىس ورنى تۇرپان قالاسى توقسۇن اۋدانىندا. بۇل كومىر كەنى كومىردىڭ وزىق ءوندىرىس قۋاتى ولشەمى بويىنشا، ءىرى تۇرپاتتى وسىزاماندانعان كەن قۇدىعىن جانە سايكەستى كومىر سۇرىپتاۋ زاۆودىن قۇرادى، بۇعان جالپى ءبىر ميلليارد 782 ميلليون يۋان قارجى قوسىلادى.
ياڭشيا كەن رايونى كاداشي رايونى 1 - ءنومىرلى كومىر كەنىنىڭ جىلدىق قۇرىلىس كولەمى ءبىر ميلليون 200 مىڭ توننا، نىسان ورنى شينجياڭ لۋنحۇي كەن كاسىبىن اشۋ شەكتى سەرىكتەستىگى، قۇرىلىس ورنى بۇگۇر اۋدانىندا، جالپى ءبىر ميلليارد 833 ميلليون يۋان قارجى قوسىلادى.
”14 – بەسجىلدىقتان“ بەرى، شينجياڭ ۇيعۇر اۆتونوميالى رايونى كومىردىڭ ەنەرگيامەن قامداۋداعى ”بەكەمدەگىش“، ”ورنىقتىرعىش “ رولىن تولىق ساۋلەلەندىرىپ، كوپ شارانى قاتار قولدانىپ، كەشەندى ساياسات قولدانىپ، ”14 – بەسجىلدىق“ جوباداعى كومىر كەن نىساندارىنىڭ الدىڭعى مەرزىمدىك رەسمياتتەرىن ءبىتىرۋدى ۇزدىكسىز جەدەلدەتىپ، كومىر كەن نىساندارىن تەز تەكسەرىپ بەكىتۋدى، تەز جۇمىس باستاۋدى، تەز قۇرۋدى ىلگەرىلەتتى. جوعارىداعى ەكى نىساننىڭ قۇرىلىسى شينجياڭ ۇيعۇر اۆتونوميالى رايونىنىڭ كومىرمەن قامداۋ، قامتاماسىزداندىرۋ قۋاتىن كۇشەيتۋ، بايلىق ابزالدىلىعىن ەكونوميكالىق ابزالدىلىققا اينالدىرۋدى جەبەۋ، جەرگىلىكتى ورىننىڭ ەكونوميكالىق، قوعامدىق دامۋىن جەبەۋ جونىنەن كەلەلى ماڭىز الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
