شي جينپيڭ مەن رەسەيدىڭ زۇڭتۇڭى پۋتين جۇڭگو - رەسەي بيلىكتى پارتيالارىنىڭ تىلدەسۋ مەحانيزمىنىڭ 10 - رەتكى ماجىلىسىنە جەكە - جەكە قۇتتىقتاۋ حاتىن جولدادى
2023.11.21 16:02 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 20 - كۇنى، بەيجيڭ. 11 - ايدىڭ 20 - كۇنى جۇڭگو - رەسەي بيلىكتى پارتيالارىنىڭ تىلدەسۋ مەحانيزمىنىڭ 10 - رەتكى ءماجىلىسى بەينە ەكران تاسىلىمەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن رەسەي فەدەراتسياسىنىڭ زۇڭتۇڭى پۋتين جەكە - جەكە ماجىلىسكە قۇتتىقتاۋ حاتىن جولدادى.
شي جينپيڭ قۇتتىقتاۋ حاتىندا ءماجىلىستىڭ اشىلعانىن قىزۋ قۇتتىقتادى. ول بىلاي دەدى: قازىر 100 جىلدىق وزگەرىس جەدەل قۇبىلىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. جۇڭگو – رەسەي قارىم - قاتىناسى حالىقارالىق اۋمالى - توكپەلى جاعدايدىڭ قاتاڭ سىنىنان ءوتىپ، باستان - اياق جوعارى دەڭگەيدە دامىپ، جاڭاشا ءىرى ەلدىك قاتىناستىڭ ۇلگىسىن ورناتىپ، دۇنيە ءجۇزىنىڭ ورنىقتى دامۋىن جۇزەگە اسىرۋداعى ستراتەگيالىق قۇنى اناعۇرلىم كورنەكتىلەندى. كەلەر جىلى − جۇڭگو مەن رەسەيدىڭ ديپلوماتيالىق قارىم - قاتىناس ورناتقانىنىڭ 75 جىلدىعى، جۇڭگو رەسەيمەن بىرگە تاريحتىڭ جالپى اۋقىمىن يگەرىپ، ماڭگىلىك تاتۋ كورشىلىك، دوستىق، جان - جاقتى ستراتەگيالىق سەلبەستىك، ءوزارا پايدا جەتكىزىپ، تەڭ يگىلىككە كەنەلۋ باعىتىنداعى جۇڭگو - رەسەي قارىم - قاتىناسىن تاباندىلىقپەن دامىتىپ، ەكى ەلدىڭ ءوز - ءوزىنىڭ دامۋىن، گۇلدەنۋىن پارمەندى جەبەپ، دۇنيە جۇزىنە اناعۇرلىم كوپ ورنىقتىلىق جانە وڭ ەنەرگيا ۇستەۋدى قالايدى.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى مەن بىرلىككە كەلگەن رەسەي پارتياسىنىڭ اۋىس - كۇيىسى، سەلبەستىگى − جاڭا داۋىردەگى جۇڭگو - رەسەي قاتىناسىنىڭ ماڭىزدى قۇرامداس بولىگى. جۇڭگو مەن رەسەيدىڭ بيلىكتى پارتيالارىنىڭ تىلدەسۋ مەحانيزمى دامىپ، ەكى ەلدىڭ ساياسي سەنىمدىلىكتى بەكەمدەۋىنىڭ، ستراتەگيالىق سەلبەستىكتى جيىلەتۋىنىڭ، ءوزارا ءتيىمدى سەلبەستىكتى ىلگەرىلەتۋىنىڭ وزگەشە ارناسى مەن تۇعىرىنا اينالدى. ەكى پارتيانىڭ تىلدەسۋ مەحانيزمىنىڭ 10 - رەتكى ءماجىلىسىن وراي ەتىپ، ءىرى ەل، ءىرى پارتيانىڭ جاۋاپكەرلىگىن ايگىلەپ، جاڭا داۋىردەگى بارىس - كەلىستىڭ مازمۇنىن بايىتىپ، مەحانيزمدەنگەن اۋىس - كۇيىستىڭ، سەلبەستىكتىڭ جاڭا جاعدايىن اشىپ، جاڭا داۋىردەگى جۇڭگو – رەسەي قارىم - قاتىناسىنىڭ ۇزدىكسىز دامۋىن جەبەۋگە، حالىقارالىق ادىلدىك پەن ادىلەتتىلىكتى قورعاۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور كۇش قوسۋىن ءۇمىت ەتەمىن.
پۋتين قۇتتىقتاۋ حاتىندا مىنالاردى ءبىلدىردى: رەسەي مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى تاريحتاعى ەڭ جوعارى دەڭگەيدە تۇر. ەكى ەل ەكونوميكا، قاتىناس، ەنەرگيا، گۋمانيتارلىق سياقتى سالالارداعى كوپتەگەن ءىرى سەلبەستىك نىسانىن بىرگە ىلگەرىلەتىپ، ەكى جاقتى ارنالار جانە شاڭحاي سەلبەستىك ۇيىمى، بريكس ەلدەرى سياقتى كوپ جاقتى مەحانيزم ارقىلى تۇرعىسىن سايكەستىرىپ، كەلەلى حالىقارالىق ماسەلەلەردى شەشىپ، اناعۇرلىم ءادىل، دەموكراتيالى حالىقارالىق ءتارتىپ ورناتۋدى ىلگەرىلەتۋدە. بىرلىككە كەلگەن رەسەي پارتياسى مەن جۇڭگو كوممۋنيستىك پارتياسى رەسەي مەن جۇڭگوداعى بيلىكتى پارتيا رەتىندە جوعارى دەڭگەيلى، سىندارلى ىقپالداستىق ورىستەتىپ، ەكى ەلدىڭ كوپ سالاداعى سەلبەستىگىنىڭ جەدەل دامۋىن جەبەدى. ەكى پارتيانىڭ ورتالىق كوميتەت ورگاندارى مەن جەرگىلىكتى قۇرىلىمدارى مەحانيزمدەنگەن بارىس - كەلىستى جالعاستىرىپ، پارتيا قۇرىلىسى، زاڭ شىعارۋ جانە قوعام سياقتى سالالارداعى قىزمەتتەردى ارقاۋ ەتىپ، پايدالى تاجىريبەلەر اۋىستىرىپ، ەكى جاقتى جانە حالىقارالىق كۇن تارتىبىندەگى ءبىرقىدىرۋ رەال ماسەلە جونىندە ىشكەرىلەي تالقى جۇرگىزدى. رەسەي مەن جۇڭگونىڭ بيلىكتى پارتيالارىنىڭ تىلدەسۋ مەحانيزمىنىڭ 10 - رەتكى ماجىلىسىندە ورىستەتىلگەن تىلدەسۋدىڭ باي مازمۇندى، سىندارلى بولىپ، رەسەي مەن جۇڭگو اراسىنداعى ءونىمدى سەلبەستىكتى تەرەڭدەتۋدى ونان ارى ىلگەرىلەتەتىنىنە سەنەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
