ديڭ شۋەشياڭ رەسەي زۇڭليىنىڭ ءبىرىنشى ورىنباسارى بەلوۋسوۆپەن بىرگە جۇڭگو - رەسەي قارجى قوسۋ سەلبەستىك كوميتەتىنىڭ 10 - رەتكى ءماجىلىسىن باسقاردى
2023.11.21 16:09 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 20 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 11 - ايدىڭ 20 - كۇنى بەيجيڭدە رەسەي زۇڭليىنىڭ ءبىرىنشى ورىنباسارى بەلوۋسوۆپەن بىرگە جۇڭگو - رەسەي قارجى قوسۋ سەلبەستىك كوميتەتىنىڭ 10 - رەتكى ءماجىلىسىن باسقاردى.
ديڭ شۋەشياڭ مىنانى ءبىلدىردى: بيىل جىل باسىنان بەرى جۇڭگو مەن رەسەي مەملەكەت باسشىلارى ەكى رەت كەزدەسىپ، بۇدان بىلايعى ءبىر مەزگىلدەگى ەكى ەل قارىم - قاتىناسىنىڭ دامۋى مەن ءار سالاداعى سەلبەستىك جوباسىن جاسادى. جۇڭگو جاق رەسەي جاقپەن بىرگە ەكى ەل مەملەكەت باسشىلارى كەلىسكەن ماڭىزدى ورتاق تانىمدى جاپپاي ويداعىداي تياناقتاندىرىپ، جۇڭگو - رەسەي قارجى قوسۋ سەلبەستىك كوميتەتىنىڭ ءبىر تۇتاس جوسپارلاۋ، سايكەستىرۋ رولىن تولىق ساۋلەلەندىرىپ، ەكى ەلدىڭ قارجى قوسۋ سەلبەستىگىنىڭ كومەسكى كۇشىن ۇزدىكسىز اشىپ، ناقتى سەلبەستىكتە تىڭ تابىستارعا قول جەتكىزۋدى ىلگەرىلەتىپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، ەكى ەل مەن ەكى ەل حالىقتارىن اناعۇرلىم ويداعىداي يگىلىككە كەنەلتۋدى قالايدى.ديڭ شۋەشياڭ جۇڭگو مەن رەسەيدىڭ قارجى قوسۋ سەلبەستىگىن تەرەڭدەتۋ جونىندە 4 ءتۇرلى ۇسىنىس قويدى. ءبىرىنشى، قارجى قوسۋ سەلبەستىگىنىڭ جاڭا بولاشاعىن بىرگە جوسپارلاپ، جوبا ارقىلى جەتەكشىلىك ەتۋدى كۇشەيتىپ، ەكى ەلدىڭ قارجى قوسۋ سەلبەستىگىنىڭ تەرەڭدەۋىنە، ناقتىلانۋىنا جەتەكشىلىك ەتۋ كەرەك. ەكىنشى، ءتۇيىندى سالالارداعى سەلبەستىكتە ۇزدىكسىز تىڭ ىلگەرىلەۋشىلىككە قول جەتكىزۋدى بىرگە ىلگەرىلەتىپ، ەكى ەل كاسىپورىندارىن قولداۋدى، جەتەكشىلىك ەتۋدى كۇشەيتىپ، قالاۋى، شارت - جاعدايى، قۋاتى بار كاسىپورىنداردى سەلبەستىكتى كۇشەيتۋگە شابىتتاندىرۋ كەرەك. ءۇشىنشى، جەرگىلىكتى ورىندار سەلبەستىگىنىڭ جاڭا جاعدايىن بىرگە اشىپ، وڭىرلەردىڭ ءبىرىن - ءبىرى تولىقتاۋىن ىلگەرىلەتىپ، ساۋدا، قارجى قوسۋ، ارنا جانە تۇعىر قۇرىلىسىن اناعۇرلىم ويداعىداي ءبىر تۇتاس جوسپارلاپ، اۋىل شارۋاشىلىق سەلبەستىگىنەن ۇلگى كورسەتۋ رايونى، قاتىناس نەگىزدىك قۇرىلعىلارى سياقتى سالالارداعى ناقتى سەلبەستىكتى تەرەڭدەتۋ كەرەك. ءتورتىنشى، ۇزاق بولاشاقتىق سەلبەستىكتىڭ جاڭا بولاشاعىن بىرگە اشىپ، ۇشتاسۋدى، سايكەسۋدى ۇزدىكسىز كۇشەيتىپ، تاماشا ورتا جاراتىپ، ەكى جاقتى قارجى قوسۋ سەلبەستىگىن ىلگەرىلەتۋ كەرەك.
بەلوۋسوۆ مىنانى ءبىلدىردى: رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى بۇرىن - سوڭدى بولماعان جوعارى دەڭگەيدە تۇر. رەسەي جاق جۇڭگو جاقپەن ەكى ەل مەملەكەت باسشىلارى كەلىسكەن ماڭىزدى ورتاق تانىمدى تياناقتاندىرىپ، ستراتەگيالىق ۇشتاسۋدى كۇشەيتىپ، رەسەي - جۇڭگو قارجى قوسۋ سەلبەستىك كوميتەتىنىڭ رولىن تولىق ساۋلەلەندىرىپ، ەكى جاقتىڭ ناقتى سەلبەستىگىنىڭ اناعۇرلىم مول تابىستارعا قول جەتكىزۋىن ىلگەرىلەتىپ، ەكى ەلدىڭ ءوز - ءوزىنىڭ دامۋىنا، گۇلدەنۋىنە دەم بەرۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
