ەڭ جوعارى حالىق پروكۋراتۋراسى سانشي ولكەسىنىڭ يۇڭجۇي كومىر كەنىندە تۋىلعان ءورت اپاتى دەلوسىن ماڭدايشالىق ءىلىپ قۋزادى
2023.11.21 14:29 كەلۋ قاينارى : حالىق تورابى
11 – ايدىڭ 16 – كۇنى، سانشي ولكەسى لۇيلياڭ قالاسى ليشى رايونى يۇڭجۇي كومىر كەنى بىرلەسكەن قۇرىلىس عيماراتىندا اۋىر ءورت اپاتى تۋىلىپ، 26 ادام قازا بولىپ، 34 ادام بالنيتساعا جاتىپ ەمدەلدى، 4 ادام امبالاتوريادا باقىلاۋعا الىندى. قازىر لۇيلياڭ قالالىق قوعام حاۋىپسىزدىگى مەكەمەسىنىڭ ليشى بولىمشە مەكەمەسى قاتىستى جاۋاپكەرشىلىگى بار ادامدارعا دەلو تۇرعىزىپ تەكسەرۋ جۇرگىزدى، قازىر بۇل دەلو تەكسەرىلۋ ۇستىندە. سانشي ولكەسىندەگى پروكۋراتۋرا ورگاندارى وسى رەتكى شىرعالاڭدى تەكسەرۋگە ۇسىنىس بويىنشا قاتىناستى.
حاۋىپسىز وندىرىسكە حاۋىپ جەتكىزەتىن قىلمىستىق ىستەر قىلمىسىنا زاڭ بويىنشا قاتاڭ سوققى بەرىپ، حالىق بۇقاراسىنىڭ ءومىرى جانە مال - مۇلكىنىڭ حاۋىپسىزدىگىن قورعاۋ ءۇشىن، ەڭ جوعارى حالىق پروكۋراتۋراسى سانشي ولكەسىنىڭ يۇڭجۇي كومىر كەنىندە تۋىلعان ءورت اپاتى دەلوسىن ماڭدايشالىق اسىپ قۋزاپ، سانشي ولكەلىك پروكۋراتۋرا ورگاندارىنان باقىلاۋ جۇرگىزۋ فۋنكسيالىق رولىن تولىق ساۋلەلەندىرىپ، قوعام حاۋىپسىزدىك ورگاندارىمەن جانە قاتىستى تاراۋلارمەن سايكەسىپ، ءار جاقتىڭ جاۋاپكەرشىلىگىن دۇرىس تەكسەرىپ انىقتاپ، دەلونىڭ دالەل - ىسپات نەگىزىن بەكەمدەپ، قاتىستى قىلمىستاردى زاڭ بويىنشا جازالاپ، زيانكەستىككە ۇشىراۋشىنىڭ زاڭدى ۇقىق - مۇددەسىن قورعاۋدى، سونىمەن بىرگە توركىنىن انىقتاۋدى كۇشەيتىپ، ءوندىرىس حاۋىپسىزدىگى حاۋىپ - قاتەرىنەن ساقتانۋ مەن جان - جاقتىلى جونگە سالۋعا دەم بەرۋدى تالاپ ەتتى.
پروكۋراتۋرا ورگاندارى ءوندىرىس حاۋىپسىزدىگىنە زالال جەتكىزەتىن قىلمىستىق ىستەر قىلمىسىنا سوققى بەرۋ تەبىنىن ۇزدىكسىز ارتتىرىپ، ەڭ جوعارى حالىق پروكۋراتۋراسىنىڭ ”8 – ءنومىرلى پروكۋراتۋرالىق ۇسىنىسىن“ تياناقتاندىرۋدى تۇتقا ەتىپ، قاتىستى فۋنكسيالىق تاراۋلاردى ءوندىرىس حاۋىپسىزدىگىن باقىلاۋ - باسقارۋ قىزمەتىن كۇشەيتۋگە جانە جاقسارتۋعا قۋزاپ، ەرتە باستان، كىشكەنەدەن، قىلپى بىلىنە باستاعاننان ۇستاپ، ءتۇزىمدى ارناعا ءتۇسىرۋدى، تياناقتاندىرۋدى مىقتى يگەرىپ، كۇنى بۇرىن ساقتانىپ، حالىق بۇقاراسىنىڭ ءومىرى مەن مال - مۇلكىنىڭ اماندىعىن شىنايى قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
