9 توپتاعى بەزەنۋ بۇيىمدارىنىڭ قۇرامىنان شەكتەلگەن شيكىزاتتار انىقتالدى، مەملەكەتتىك ءدارى - دارمەكتى باقىلاۋ - باسقارۋ مەكەمەسى زاڭ بويىنشا دەلو تۇرعىزىپ، تەكسەرۋ جۇرگىزەدى
2023.11.22 14:23 كەلۋ قاينارى : حالىق تورابى
مەملەكەتتىك ءدارى - دارمەكتى باقىلاۋ - باسقارۋ مەكەمەسى 11 - ايدىڭ 21 - كۇنى 9 توپتاعى بەزەنۋ بۇيىمدارىنىڭ قۇرامىنان شەكتەلگەن شيكىزاتتىڭ انىقتالعانى جونىندەگى ۇقتىرۋدى جاريالادى، ۇقتىرۋدا بىلاي دەلىنگەن: 2023 - جىلى مەملەكەتتىڭ بەزەنۋ بۇيىمدارىنان ۇلگى الىپ تەكسەرۋ قىزمەتى بارىسىندا، جياڭشي ولكەلىك ءدارى - دارمەكتەردى تەكسەرۋ - زەرتتەۋ مەكەمەسى قاتارلى ورىندار تەكسەرۋ ارقىلى ءونىم بەلگىسىندە اماناتتاعان جاق شىنجىن قالالىق فاداۋ بيوتەحنيكا شەكتى سەرىكتەستىگى، اماناتتى قابىلداعان جاق گۋاڭجوۋ قالاسى جياۋزى كۇندەلىكتى تۇرمىستا قولدانىلاتىن حيميالىق بۇيىمدار شەكتى سەرىكتەستىگى دەپ جازىلعان فاداۋ كرەمنيسىز مايى اتتى شاشتاعى مايدى تەجەپ، شاشتى قورعاۋ سۇيىقتىعى قاتارلى 9 توپتاعى بەزەنۋ بۇيىمدارىنىڭ بەلگىلەمەگە ۇيلەسپەيتىنىن بايقاپ، «بەزەنۋ بۇيىمدارىنىڭ حاۋىپسىزدىگىنە ساياتىن تەحنيكالىق ولشەمدە (2015 - جىلعى نۇسقا)» بەلگىلەنگەن شەكتەلگەن شيكىزاتتى انىقتاعان.
«بەزەنۋ بۇيىمدارىن باقىلاۋ - باسقارۋ ەرەجەسى»، «بەزەنۋ بۇيىمدارىن ءوندىرۋ - تيجارات ەتۋدى باقىلاۋ - باسقارۋ ءادىسى»، «بەزەنۋ بۇيىمدارىن ۇلگى الىپ تەكسەرۋدى باسقارۋ ءادىسى» قاتارلىلارعا نەگىزدەلىپ، مەملەكەتتىك ءدارى - دارمەكتى باقىلاۋ - باسقارۋ مەكەمەسى گۋاڭدۇڭ ولكەلىك، گۋاڭشي جۋاڭزۋ اۆتونوميالى رايوندىق ءدارى - دارمەكتى باقىلاۋ - باسقارۋ تاراۋلارىنان بەلگىلەمەلەرگە ۇيلەسپەيتىن جوعارىدا اتالعان بەزەنۋ بۇيىمدارىن تىركەۋگە الدىرۋشىلارعا، ەستەلىككە الدىرۋشىلارعا، امانات بويىنشا وندىرگەن كاسىپورىندارعا زاڭ بويىنشا دەلو تۇرعىزىپ تەكسەرۋ جۇرگىزۋدى تالاپ ەتىپ، قاتىستى كاسىپورىنداردى دەرەۋ زاڭ بويىنشا حاۋىپسىزدىكتى مەڭگەرۋ شارالارىن اتقارۋعا ءارى ءوزىن - ءوزى تەكسەرىپ، وزگەرتۋگە بۇيىردى. ءارقايسى ولكەلەردەگى (اۆتونوميالى رايون، توتە قاراستى قالا) ءدارى - دارمەكتى باقىلاۋ - باسقارۋ تاراۋلارى قاتىستى بەزەنۋ بۇيىمدارىن ساۋدالايتىندارعا جوعارىدا اتالعان بەزەنۋ بۇيىمدارىن ساۋدالاۋدى توقتاتۋدى، ولاردىڭ زات كىرگىزۋدەگى ەستەلىكتەرى قاتارلى جاعدايلاردى زاڭ بويىنشا تەكسەرىپ، زاڭسىز ونىمدەردىڭ كەلۋ تەگىن تەكتەۋدى؛ زاڭعا قايشى ارەكەتتەر بايقالسا، زاڭ بويىنشا قاتاڭ ءبىرجاقتى ەتۋدى؛ قىلمىس كۇمانىن تۋدىرعانداردى زاڭ بويىنشا قوعام حاۋىپسىزدىگى ورگاندارىنا جوتكەپ بەرۋدى بۇيىردى. (باس ستانسيا ورتالىق تەلەۆيزيا ءتىلشىسى يۇي جيڭيىڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
