31 مىڭ ادام زاڭ قۇرىعىنا ءىلىندى، بۇل قىلمىستىق توپتىڭ جولى كەسىلدى
2023.11.22 14:29 كەلۋ قاينارى : حالىق تورابى
قوعام حاۋىپسىزدىگى مينيسترلىگىنەن العان حابارعا قاراعاندا، قازىرگە دەيىن بيرمانىڭ سولتۇستىگىندەگى قاتىستى وڭىرلەردەگى زاڭ اتقارۋ تاراۋلارى تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 31 مىڭ ادامدى ەلىمىزگە وتكىزىپ بەرگەن، مۇندا پەردە ارتىنداعى ”قارجىلاندىرۋشى“، ۇيىمنىڭ باس اتامانى مەن تىرەكتىلەرىنەن 63 ادام، ينتەرنەتتە قۋعىنداۋ شىعارىلىپ قاشىپ جۇرگەن 1531 ادام قامتىلعان. بۇل ارەكەتتىڭ ونىمدىلىگىن ”سوققى بەرۋ قىزمەتى كورنەكتى ناتيجەلەرگە قول جەتكىزدى“ دەپ ءبىر اۋىز سوزبەن جيناقتاۋعا بولادى.
بۇل رەتكى سوققى بەرۋ ارەكەتىنىڭ كوپتەگەن ەرەكشەلىگى بار. بىرىنشىدەن، جۇڭگو مەن بيرمانىڭ شەكارا ساقشىلارىنىڭ زاڭ اتقارۋ جاعىنداعى سەلبەستىگى اناعۇرلىم تەرەڭدەتىلدى، دالمە - ءدال سوققى بەرۋ اتقارىلىپ، سۇراپىل شابۋىل اۋقىمى قالىپتاستىرىلدى. ەكىنشىدەن، نايزا ۇشى اتاماندارعا كەزەلىپ، الدامكوستىك توبىنىڭ اتاماندارىنا دا سوققى بەرىلدى. مىسالى، جۋىردا ەلىمىزدىڭ قوعام حاۋىپسىزدىگى ورگاندارى بيرمانىڭ سولتۇستىگىندەگى تەلەكوم مەن ينتەرنەتتەن پايدالاناتىن الدامكوستىك توبىنىڭ باستى اتاماندارى ميڭ شۋەچاڭ، ميڭ گوپيڭ، ميڭ جۇيلان، ميڭ جىنجىنداردىڭ ۇستىنەن اشىق قۋعىنداۋ بۇيرىعىن شىعارعان بولاتىن. 4 كۇن وتپەي جاتىپ، ميڭ گوپيڭ، ميڭ جۇيلان، ميڭ جىنجىن ۇشۋى تۇتقىندالدى، ميڭ شۋەچاڭ قىلمىسىنان قورقىپ، ءوزىن - ءوزى ءولتىردى. مۇنداي سوققى بەرۋ بەكىمى مەن اۋقىمىن توراپتاستاردىڭ سوزىمەن ايتقاندا ”قانشا الىسقا كەتسە دە، قاشىپ قۇتىلا المايدى“ دەۋگە بولادى.
جالپى جاقتان ايتقاندا، بۇل رەتكى ارناۋلى سوققى بەرۋ ارەكەتىن قىلمىستىق توپتاردىڭ ساباعىمەن تامىرىن بىردەي جۇلۋ، اپانىن تالقانداۋمەن بىرگە، ءوسىپ - ءوربيتىن شارت - جاعدايىن دا الاستاۋ دەپ اتاۋعا بولادى. قوعام حاۋىپسىزىگى ورگانىنىڭ قاتىستى جاۋاپتىسىنىڭ ايتقانىنداي، الدا جوعارى قىسىمدى سوققى بەرۋ كۇيى باستان - اياق ساقتالادى، قىلمىستىڭ ءوسىپ - ءوربيتىن شارت - جاعدايى باتىل الاستالادى، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگى جانە زاڭدى ۇقىق - مۇددەسى باتىل قورعالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
