شينجياڭدا مەملەكەتتىك دەنە تاربيەلىك ساياحاتتان ۇلگى كورسەتۋ بازاسىنان بىرەۋى جاڭادان قوسىلدى
2023.11.24 15:35 كەلۋ قاينارى : حالىق تورابى
انار بۇلت \ شينجياڭ گازەتى حابارلايدى. مادەنيەت جانە ساياحات مينيسترلىگى تورابىنىڭ 11 - ايدىڭ 23 - كۇنى جاريالاۋىنشا، 13 ورىن مەملەكەتتىك دەنە تاربيەلىك ساياحاتتان ۇلگى كورسەتۋ بازاسى بولىپ بەكىتىلدى. شينجياڭ بۇراتالا وبلىسى سايرام كولى ايگىلى كورىنىس رايونى وسى تىزىمدىككە ەنگىزىلگەن.
بيىل 5 - ايدا مەملەكەتتىك دەنە تاربيە باس مەكەمەسىنىڭ كەڭسە مەڭگەرمەسى، مادەنيەت جانە ساياحات مينيسترلىگىنىڭ كەڭسە مەڭگەرمەسى ۇقتىرۋ شىعارىپ، 2023 - جىلعى مەملەكەتتىك دەنە تاربيەلىك ساياحاتتان ۇلگى كورسەتۋ بازاسى قاتارىنا ءوتىنش قابىلداۋ قىزمەتىن باستاعان بولاتىن. ۇقتىرۋ بويىنشا، ءارقايسى ولكەلەردەگى (اۆتونوميالى رايون، توتە قاراستى قالا) دەنە تاربيەنى اكىمشىلىك جاقتان باسقارۋ تاراۋلارى، مادەنيەت جانە ساياحات مەڭگەرمەلەرى (مەكەمەلەرى) كورسەتۋ، ءوتىنىش بەرۋ نەگىزىندە، دەنە تاربيە باس مەكەمەسى مەن مادەنيەت جانە ساياحات مينيسترلىگى مامانداردى ۇيىمداستىرىپ، ساراپتاۋ جۇرگىزۋ جانە سول جەرگە بارىپ باعالاۋ ارقىلى بەيجيڭ ۋىنيۇيحى باقشاسى قاتارلى 13 ورىن مەملەكەتتىك دەنە تاربيەلىك ساياحاتتان ۇلگى كورسەتۋ بازاسى بولىپ بەلگىلەنەتىن بولعان.
ۇقتىرۋ مازمۇنىنا قاراعاندا، سايرام كولى ايگىلى كورىنىس رايونىنىڭ دەنە تاربيەلىك ساياحات فورماسى تاۋلى الاپ جانە شاڭعى بولىپ بەلگىلەنگەن.
2021 - جىلى مەملەكەتتىك دەنە تاربيەلىك ساياحاتتان ۇلگى كورسەتۋ بازاسى قاتارىنا ءوتىنىش قابىلداۋ قىزمەتى باستالعاننان بەرى، قازىر ەلىمىز بويىنشا 61 ورىن مەملەكەتتىك دەنە تاربيەلىك ساياحاتتان ۇلگى كورسەتۋ بازاسى بولىپ بەلگىلەنگەن، مۇندا شينجياڭنان ءۇش ورىن بار، ولار جەكە - جەكە: التاي ايماعى كوكتوعاي حالىقارالىق شاڭعى الاڭى، ارال قالاسى تاكلاماكان ءشول قاقپاسى كورىنىس رايونى، ىلە قاراجون حالىقارالىق دالالىق باقشاسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
