مەملەكەتتىك ءدارى - دارمەكتى باقىلاۋ - باسقارۋ مەكەمەسى بەلگىلەمەگە ۇيلەسپەيتىن 45 توپتاعى بەزەنۋ بۇيىمدارىنىڭ تىزىمدىگىن جاريالادى
2023.11.24 15:36 كەلۋ قاينارى : حالىق تورابى
مەملەكەتتىك ءدارى - دارمەكتى باقىلاۋ - باسقارۋ مەكەمەسى بۇگىن ۇقتىرۋ جاريالادى، ۇقتىرۋدا بىلاي دەلىنگەن: 2023 - جىلى مەملەكەت بويىنشا بەزەنۋ بۇيىمدارىنان ۇلگى الىپ تەكسەرۋ قىزمەتى بارىسىندا، شانشي ولكەلىك ازىق - تۇلىك، ءدارى - دارمەكتەردى تەكسەرۋ - زەرتتەۋ مەكەمەسى قاتارلى ورىندار تەكسەرۋ ارقىلى ءونىم بەلگىسىنە گۋاڭجوۋ قالاسى تيانكى بەزەنۋ بۇيىمدارى شەكتى سەرىكتەستىگى ءوندىردى دەپ جازىلعان تيانكى شاش بوياۋ مايى (تابيعي قارا) قاتارلى 45 توپتاعى بەزەنۋ بۇيىمدارىنىڭ بەلگىلەمەگە ۇيلەسپەيتىنىن بايقاعان.
«بەزەنۋ بۇيىمدارىن باقىلاۋ - باسقارۋ ەرەجەسى»، «بەزەنۋ بۇيىمدارىن ءوندىرۋ - ساۋدالاۋدى باقىلاۋ - باسقارۋ ءادىسى»، «بەزەنۋ بۇيىمدارىنان ۇلگى الىپ تەكسەرۋدى باسقارۋ ءادىسى» قاتارلىلارعا نەگىزدەلىپ، مەملەكەتتىك ءدارى - دارمەكتەردى باقىلاۋ - باسقارۋ مەكەمەسى بەيجيڭ، لياۋنيڭ، گۋاڭدۇڭ قاتارلى ولكەلەردەگى (توتە قاراستى قالالارداعى) ءدارى - دارمەكتى باقىلاۋ - باسقارۋ تاراۋلارىنان جوعارىدا اتالعان بەلگىلەمەگە ۇيلەسپەيتىن بەزەنۋ بۇيىمدارىنا قاتىستى تىركەتۋشى تۇلعا، ەستەلىككە الدىرۋشى تۇلعا، امانات بويىنشا ءوندىرۋشى كاسىپورىن قاتارلىلارعا زاڭ بويىنشا دەلو تۇرعىزىپ تەكسەرۋ جۇرگىزۋدى تالاپ ەتكەن، قاتىستى كاسىپورىنداردى دەرەۋ زاڭ بويىنشا حاۋىپتى تەجەۋ شارالارىن اتقارۋعا ءارى ءوزىن - ءوزى تەكسەرىپ، جونگە سالۋدى ورىستەتۋگە بۇيىرعان. ءارقايسى ولكەلەردەگى (اۆتونوميالى رايون، توتە قاراستى قالا) ءدارى - دارمەكتى باقىلاۋ - باسقارۋ تاراۋلارى قاتىستى بەزەنۋ بۇيىمدارىن ساۋدالاۋشىلاردى جوعارىداعى بەزەنۋ بۇيىمدارىن ساۋدالاۋدى دەرەۋ توقتاتۋعا بۇيىرعان، ولاردىڭ زات كىرگىزۋ ەستەلىگى قاتارلى جاعدايلارىن زاڭ بويىنشا تەكسەرىپ، زاڭسىز ونىمدەردىڭ تەگىن تەكتەۋدى ورىستەتەدى؛ بەلگىلەمەگە قايشى ارەكەتتەر بايقالسا، زاڭ بويىنشا قاتاڭ ءبىرجاقتى ەتەدى؛ قىلمىس كۇمانىن تۋدىرعانداردى زاڭ بويىنشا قوعام حاۋىپسىزدىگى ورگاندارىنا جوتكەپ بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
