ەڭ جوعارى حالىق سوتى تيپتىك دەلولاردى جاريالاپ، مىنانى ايقىندادى
وتباسىلىق زورلىق - زومبىلىقتى كوزىمەن كورگەن بالا دا وتباسىلىق زورلىق - زومبىلىق بارىسىندا زياندالۋشى ەسەپتەلەدى
2023.11.30 15:15 كەلۋ قاينارى : حالىق تورابى
جۇمىسشىلار گازەتىنىڭ 11 - ايدىڭ 27 - كۇنى بەرگەن حابارى. ەڭ جوعارى حالىق سوتى 2023 - جىلعى وتباسىلىق زورلىق - زومبىلىققا قارسى تۇرۋ جونىندەگى ەكىنشى توپتاعى تيپتىك دەلولاردى جاريالاپ، مىنانى ايقىندادى: ازامات جاسىنا تولماعان پەرزەنتتەر تارتىپ الۋ، جاسىرىپ قويۋ جاعدايىنا ۇشىراسا جانە وتباسىلىق زورلىق - زومبىلىقتى ءوز كوزىمەن كورسە، وتباسىلىق زورلىق - زومبىلىق بارىسىندا زياندالۋشى سانالادى.
ازامات جاسىنا تولماعانداردى قورعاۋ زاڭىنىڭ 24 - تارماعىندا مىنالار ايقىن بەلگىلەنگەن: تارتىپ الۋ، جاسىرىپ قويۋ قاتارلى تاسىلدەر ارقىلى ازامات جاسىنا تولماعان پەرزەنتتەردى باعۋ ۇقىعىنا تالاسۋعا بولمايدى. ازامات جاسىنا تولماعاندار وتباسىلىق زورلىق - زومبىلىقتى، وتە - موتە، قول جۇمساۋ سىندى زورلىق - زومبىلىقتى ءوز كوزىمەن كورسە، ونىڭ پسيحولوگياسىنا زور سوققى بولۋدان سىرت، اشۋىن بالادان الۋ، بايقاماي جارالاۋ قاتارلى سەبەپتەرمەن دەنەسى جاراقاتتانۋى مۇمكىن، ۇزاق ۋاقىت وسىلاي جالعاسسا، ساناسىندا ”ءارقانداي ءىستى زورلىق - زومبىلىقپەن شەشۋ كەرەك“ دەگەن قاتە كوزقاراس قالىپتاستىرادى، ونىڭ ەسەيىپ - ەرجەتۋىنە نەمقۇرايدى قاراۋعا بولمايتىن كەرى ىقپال جاسايدى.
بالانىڭ اقاۋسىز ەسەيىپ - ەرجەتۋىن ويلاستىرا وتىرىپ، ازامات جاسىنا تولماعانداردىڭ تۋىس - تۋعاندارى نەمەسە قوعام حاۋىپسىزدىگى ورگانى، ايەلدەر بىرلەستىگى قاتارلى قاتىستى تاراۋلار باس اماندىعىن قورعاۋ بۇيرىعىن شىعارۋعا بالانىڭ اتىنان ءوتىنىش بەرۋىنە بولادى.
ساي XX دىڭ باس اماندىعىن قورعاۋ بۇيرىعىن شىعارۋعا ءوتىنىش بەرۋى جونىندەگى دەلودا، باعۋ ۇقىعىنا تالاسۋ ءۇشىن، ساي XX تىڭ اكەسى ساي XX تى زورلىق - زومبىلىقپەن تارتىپ الىپ، جاسىرىپ قويىپ، وسىنىڭ سالدارىنان 4 جاستاعى ساي XX اناسىن 300 كۇنگە جۋىق كورە الماعان؛ كەيىن ساي XX تىڭ باقىرىپ جىلاۋ ارقىلى توقتاتپاق بولعانىنا قاراماستان، ساي XX تىڭ اناسىن ۇرىپ، زورلىق - زومبىلىق جاساعان، سونىمەن بىرگە، ساي XX تىڭ بەتىن جارالاعان، وسىنىڭ كەسىرىنەن ساي XX قاتتى ۇرەيلەنۋ قاتارلى سەبەپتەرمەن پسيحولوگيالىق جولمەن ەمدەلۋگە الىنعان.
ەڭ جوعارى حالىق سوتى مىنانى ورتاعا قويعان: وسى دەلو بارىسىندا، اكەسى بالانى ۇرىپ، وعان زورلىق - زومبىلىق ىستەمەگەن، بالانى تارتىپ الۋ ارەكەتى تانگە، رۋحاني جاقتا زاقىم جەتكىزۋدەن پارىقتى. الايدا، تارتىپ الۋ جانە جاسىرىپ قويۋ ارەكەتىنىڭ وبيەكتىسى، زورلىق - زومبىلىقتى كوزىمەن كورۋشى بولعان بالانىڭ دەنە، رۋحاني جاقتان ۇشىراعان زيانى اكەسىنىڭ وتباسىلىق زورلىق - زومبىلىق ارەكەتىمەن تىكەلەي قاتىستى، حالىق سوتى مەكەمەسىنىڭ ساي XX تىڭ باس اماندىعىن قورعاۋ بۇيرىعىن شىعارۋعا ءوتىنىش بەرۋىنە قولداۋ كورسەتۋى ءادىليالىق قۇرىلىمداردىڭ ازامات جاسىنا تولماعان پەرزەنتتەرى تارتىپ الۋ، جاسىرىپ قويۋ، سونداي - اق، باسقا دا وتباسىلىق زورلىق - زومبىلىق ارەكەتىنە ”مۇلدە جول بەرمەۋ“ پوزيتسياسىن ۇستاناتىنىن ايگىلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
