يۇي حۋايىڭنىڭ بالالاردى الداپ ساتۋى سىندى دەلوعا ەكىنشى رەت اشىلعان سوت اياقتادى
قولايلى ۋاقىتتا ۇكىم جاريالانادى
2023.11.29 15:50 كەلۋ قاينارى : حالىق تورابى
11 - ايدىڭ 28 - كۇنى تۇستەن بۇرىن ساعات 9 دان 30 مينۋت وتكەندە، جۇرت نازار اۋدارىپ وتىرعان يۇي حۋايىڭنىڭ بالالاردى الداپ ساتۋى سىندى دەلوعا گۇيجوۋ ولكەلىك جوعارى دارەجەلى حالىق سوتى ەكىنشى رەت سوت اشتى. گۇيجوۋ ولكەلىك حالىق پروكۋراتۋراسى بەلگىلەپ جىبەرگەن پروكۋرور سوتقا قاتىناستى، جوعارىلاپ ارىزدانۋشى يۇي حۋايىڭ مەن ونىڭ اماناتىن ارقالاعان اقتاۋشى سوت مەكەمەسىنە بارىپ، ارىز - شاعىمعا قاتىناستى. اسىلگى سوتتا قوسىمشا ازاماتتىق ارىز - شاعىم تالاپكەرى بولعان ياڭ نيۋحۋا قاتارلى زياندالۋشىلار دا سوت مەكەمەسىنە بارىپ، ارىز - شاعىمعا قاتىناستى.
2023 - جىلى 9 - ايدىڭ 18 - كۇنى، گۇيجوۋ ولكەسى گۇيياڭ قالالىق ورتا دارەجەلى حالىق سوتى مەكەمەسى اشىق سوت اشىپ، يۇي حۋايىڭنىڭ بالالاردى الداپ ساتۋى سىندى دەلوعا ءبىرىنشى رەت اشىلعان سوتتىڭ ۇكىمىن جاريالاعان. سوت مەكەمەسى تەرگەۋ ارقىلى بىلاي دەپ قاراعان: ايىپكەر يۇي حۋايىڭ زاڭسىز پايداعا كەنەلۋ ماقساتىمەن بىرنەشە رەت بالالاردى الداپ ساتقان، ونىڭ ارەكەتى بالالاردى الداپ ساتۋ قىلمىسىن قالىپتاستىرعان. ايىپكەر يۇي حۋايىڭ قولعا تۇسكەن سوڭ، ءوزىنىڭ قىلمىستىق ارەكەتتەرىن شىنايى بايانداعان، ول شىنىن ايتقانىمەن، قىلمىسى وتە اۋىر، قوعامعا كەلتىرگەن زالالى وتە زور، زاڭ بويىنشا قاتاڭ جازالاۋ كەرەك. سوت مەكەمەسى بالالاردى الداپ ساتۋ قىلمىسى بويىنشا ايىپكەر يۇي حۋايىڭعا ءولىم جازاسىن بەرىپ، ساياسي ۇقىعىنان ومىرلىك ماحرۇم ەتۋدى ءارى بارلىق مال - مۇلكىن ءمۇسادىرالاۋدى ۇكىم ەتكەن.
ەكىنشى رەتكى سوت بارىسىندا، جوعارىلاپ ارىزدانۋشى يۇي حۋايىڭ، ونىڭ اقتاۋشىسى جانە سوتقا قاتىناسقان پروكۋرور دەلونىڭ فاكتتەرى، قىلمىسىنا قاراي جازا كەسۋ قاتارلى ماسەلەلەر جونىندە پىكىرلەرىن تولىق باياندادى، يۇي حۋايىڭ ەڭ سوڭعى بايانداۋدى جاسادى. سوت تەرگەۋى ەكى ساعات اشىلعان سوڭ، سوت ءۇزىلىس جاريالادى، قولايلى ۋاقىتتا ۇكىم جاريالانادى.
زياندالۋشىلاردىڭ تۋىستارى، اقپارات قۇرالدارىنىڭ تىلشىلەرى، حالىق قۇرىلتايى ۋاكىلدەرى، ساياسي كەڭەس مۇشەلەرى قاتارلىلار سوت تەرگەۋىن سىرتتاي تىڭدادى. (باس ستانسيا ورتالىق تەلەۆيزيا ءتىلشىسى چاڭ ياڭ، شى چاۋجيە)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
