ساق بولىڭىزدار، وتباسىندا ازىقتىق تۋرايتىن مىناداي تاقتاي بار بولسا ابايلاڭىزدار
2023.11.29 15:52 كەلۋ قاينارى : حالىق تورابى
ازىق - تۇلىك حاۋىپسىزدىگى ماسەلەسى جونىندە ءسوز بولسا، ءسىزدىڭ ويىڭىزعا قانداي ءىس ورالادى؟ ازىق - تۇلىكتىڭ سونىلىق دارەجەسى مە، الدە، ازىقتىق مايدىڭ قايتالاي قولدانىلعان - قولدانىلماعانى ما؟ ءىس جۇزىندە، ازىقتىق تۋرايتىن تاقتايدىڭ تازالىعى مەن قورعالۋى دا ازىق - تۇلىك حاۋىپسىزدىگىنە وتە زور ىقپال جاسايدى.
مىسال كەلتىرسەك، ازىقتىق تۋرايتىن اعاش تاقتايدى ۇزاق ۋاقىت پايدالانعاندا تاقتايدىڭ بەتىندە پىشاقتىڭ ىزدەرى قالادى، وسى ورىنداردا زاتتاردىڭ قالدىقتارى وڭاي ساقتالىپ قالادى دا، باكتەريا جانە زەڭ كوبەيەدى. ونىڭ ۇستىنە، شيكى ەتتى تۋراعان كەزدە، ەتتىڭ قالدىقتارى تاقتايدىڭ قۋىستارىنا كىرىپ الاتىن بولسا، باسقا ازىق - تۇلىكتەر شيكى ەتتەگى جۋان ىشەك تاياقشا بەكتەرياسى، سالمونەللا باكتەرياسى قاتارلى باكتەريالارمەن وڭاي لاستانادى، اۋىر بولعاندا ازىق - تۇلىكتەن ۋلانۋ جاعدايى تۋىلۋى مۇمكىن.
ازىقتىق تۋرايتىن تاقتايدى قايتكەندە ەڭ ۇيلەسىمدى پايدالانۋعا بولادى؟ وتباسىندا ەڭ جاقسىسى ازىق - تۇلىك تۋرايتىن تاقتايدان كەمىندە ەكەۋى بولعانى ءجون، شيكى ازىقتىقتار مەن پىسقان ازىقتىقتاردى بولەك تاقتايدا تۋراۋ ارقىلى باكتەريانىڭ ايقاسپالى تارالۋىنان ساقتانۋعا بولادى. ەگەر جاعداي جار بەرسە، ەت پەن كوكونىستى دە بولەك تاقتايدا تۋراعان اناعۇرلىم حاۋىپسىز بولادى.
ءتۇرلى ماتەريالداردان جاسالعان ازىقتىق تۋرايتىن تاقتايدى قالاي تاڭداعان ءجون؟ اعاشتان جاسالعان تاقتاي شاۋىپ كۇشپەن تۋراۋ قاتارلى كۇش سالۋعا تۋرا كەلەتىن ازىق - تۇلىكتەردى ءبىرجاقتى ەتۋگە پايدالانىلادى، ال، كاۋچۇك، سۋلياۋ جانە تات باسپايتىن بولاتتان جاسالعان كوكونىس تۋرايتىن تاقتايلار جەڭىل، تازالاۋعا قولايلى بولعاندىقتان، اسحاناداعى اۋىرتپالىقتى جەڭىلدەتەدى. ەگەر ۇنەمى تاماق جاسامايتىن بولساڭىز، نەمەسە شاۋىپ كۇشپەن تۋراۋ قاتارلى كۇش سالۋعا تۋرا كەلەتىن جاعداي بولماسا، كاۋچۇك نەمەسە سۋلياۋدان جاسالعان تاقتايدى پايدالانساڭىز اناعۇرلىم ۇيلەسىمدى بولادى.
ازىقتىق تۋرايتىن تاقتايدى دۇرىس تاڭداۋمەن ءىس بىتپەيدى، ونى ابدەن تازالاپ جۋماسا، تاعى ۇقساس زەڭدەنەدى، باكتەريا تۋىندايدى. سوندىقتان، ازىقتىق تۋرايتىن تاقتايدى پايدالانىپ بولعان سوڭ، ءسوزسىز، دەر كەزىندە تازالاپ جۋعان ءجون، ەڭ جاقسىسى تازالاعىش سۇيىقتىقپەن جۋۋ نەمەسە سۋمەن شايقاپ تازارتۋ قاجەت. ونان سوڭ اس ۇيگە ارنالعان قاعازبەن ءسۇرتۋ نەمەسە ءىلىپ قويۋ، تىكتەپ قويۋ ارقىلى كەپتىرۋ قاجەت. وسىلاي ىستەگەندە باكتەريالاردىڭ تۋىنداۋىنان ساقتانۋعا ءارى ونى قۇرعاق ساقتاۋعا بولادى.
ارينە، ءتۇرلى ماتەريالدان جاسالعان ازىقتىق تۋرايتىن تاقتايدى كۇتىمدەۋ دە ءبىر - بىرىنە ۇقسامايدى. ەگەر تاقتاي كاۋچۇكتەن جاسالعان بولسا، ونى قايناعان سۋعا 10 مينۋتتان استام سالۋ ارقىلى ديزەنفەكسيالاۋعا بولادى، ال، اعاش، بامبۇك، تات باسپايتىن بولات جانە سۋلياۋ قاتارلىلاردان جاسالعان قاتتى تاقتايدى تازارتۋ سۇيىقتىعىمەن نەمەسە سۋمەن ابدەن تازالاپ جۋىپ، بەتىنىڭ تازالىعىنا كەپىلدىك ەتكەن ءجون. ونان سوڭ، %75 تىك سپيرتپەن ازىقتىق تۋرايتىن تاقتايدىڭ بەتىن ءسۇرتىپ، ىشكەرىلەي ديزەنفەكسايالاعان وڭ.
جيناقتاپ ايتقاندا، اس ۇيدەگى ءىستى ۇساق - تۇيەك ءىس دەۋگە كەلمەيدى. وتباسىندا ازىقتىق تۋرايتىن تاقتايدان ۇنەمى ەكەۋىن دايىنداپ قويىپ، شيكى ازىقتىقتار مەن پىسقان ازىقتىقتاردى بولەك تاقتايدا تۋراعان وتە ماڭىزدى. الايدا، ازىقتىق تۋرايتىن تاقتاي وڭاي توزادى، ەگەر زەڭدەنۋ، رەڭى وزگەرۋ، جارىلۋ، فورماسى وزگەرۋ، پىشاقتىڭ ىزدەرى وتە كوپ بولۋ، ۇگىتىلۋ قاتارلى جاعدايلار بايقالسا، ءسوزسىز، دەر كەزىندە اۋىستىرىپ، ”اۋرۋدىڭ اۋىزدان كىرۋىنەن“ ساقتانعان ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
