2023 - جىلى 12 - ايدان باستاپ مەملەكەت بويىنشا اتقارىلاتىن جاڭا بەلگىلەمەلەر
2023.11.30 15:12 كەلۋ قاينارى : حالىق تورابى
قوعامدىق قامسىزداندىرۋدى بىتىرەتىن قۇرىلىمدار وزگەشە توپتاعىلارعا قولايلىلىق جاراتۋى كەرەك
«قوعامدىق قامسىزداندىرۋدى ءبىتىرۋ ەرەجەسى» 12 - ايدىڭ 1 - كۇنىنەن باستاپ اتقارىلادى، ەرەجەدە قوعامدىق قامسىزداندىرۋدى بىتىرەتىن قۇرىلىمداردان كەدەرگىسىز ورتا قۇرىلىسىن كۇشەيتۋ، ۇقىق بەرۋ جولىمەن ۋاكىلدىك ءبىتىرۋ، وتباسىنا بارىپ قىزمەت وتەۋ قاتارلى تاسىلدەردەن پايدالانىپ، قارتتار، مۇگەدەكتەر قاتارلى توپتارعا قولايلىلىق جاراتۋ ايقىن تالاپ ەتىلگەن.
ءتىس پاراشوگىنىڭ بەلگىسىنە ەمدىك رولى بار دەگەن مازمۇندى قوسۋعا تيىم سالىنادى
«ءتىس پاراشوگىن باقىلاۋ - باسقارۋ ءادىسى» 12 - ايدىڭ 1 - كۇنىنەن باستاپ اتقارىلادى، ءتىس پاراشوگىنىڭ بەلگىسىنە ەمدىك رولى بار دەگەن مازمۇندى ايقىن نەمەسە كومەسكى تۇردە جازۋعا تيىم سالىنادى.
جارىقتاندىرۋ قۇرىلعىلارىنان پايدالانىپ، تۇتىنۋشىلاردىڭ ازىق - تۇلىكتىك اۋىل شارۋاشىلىعى ونىمدەرىنە بولعان تۇيسىكتىك تانىمىن الجاستىرۋعا بولمايدى
«ازىق - تۇلىكتىك اۋىل شارۋاشىلىعى ونىمدەرى بازارىندا ساتىلاتىن زاتتاردىڭ ساپاسىنىڭ حاۋىپسىزدىگىن باقىلاۋ - باسقارۋ ءادىسى» 12 - ايدىڭ 1 - كۇنىنەن باستاپ اتقارىلادى، بەلگىلەمەدە ازىق - تۇلىكتىك شيكى اۋىل شارۋاشىلىعى ونىمدەرىن ساۋدالاعاندا ازىق - تۇلىكتىك اۋىل شارۋاشىلىعى ونىمدەرىنىڭ شىنايى رەڭى قاتارلى تۇيسىكتىك كۇيىن، فورماسىن كورنەكتى وزگەرتەتىن جارىقتاندىرۋ قۇرىلعىلارى قاتارلىلاردى پايدالانۋ ارقىلى تۇتىنۋشىلاردىڭ تاۋارعا بولعان تۇيسىكتىك تانىمىن الجاستىرۋعا بولمايدى.
اۋلالىق كۇنقاعار بۇيىمدارىنىڭ ساپاسى جۇيەگە تۇسىرىلەدى
«اۋلالىق كۇنقاعار» جونىندەگى مەملەكەتتىك ولشەمدەندىرىلگەن جەتەكشى سيپاتتى تەحنيكالىق قۇجات 12 - ايدىڭ 1 - كۇنىنەن باستاپ اتقارىلادى، اۋلالىق كۇنقاعار بۇيىمدارىنىڭ ءتۇرى، شيكىزات ماتەريالى، سىرتقى كورىنىسى، ءونىمنىڭ كەمەلدىلىگى، ولشەمى، سيپاتى قاتارلىلارعا قويىلاتىن تالاپ جانە حاۋىپسىزدىگىنە قويىلاتىن تالاپ قاتارلىلار ەگجەي - تەگجەيلى جۇيەگە تۇسىرىلگەن.
قارتتاردى كۇتىمدەۋ قۇرىلىمدارىنىڭ قىزمەت وتەۋ مازمۇنى جۇيەگە تۇسىرىلەدى
«قارتتاردى كۇتىمدەۋ قۇرىلىمدارىنىڭ ساۋىقتىرۋ جاعىندا قىزمەت وتەۋ ولشەمى» 12 - ايدىڭ 1 - كۇنىنەن باستاپ اتقارىلادى، مۇندا قارتتاردى كۇتىمدەۋ قۇرىلىمدارىنىڭ ساۋىقتىرۋ جاعىندا قىزمەت وتەۋىنە قويىلاتىن نەگىزگى تالاپتار، قىزمەت وتەۋ باسقىشى، قىزمەت وتەۋ مازمۇنى جانە وعان قويىلاتىن تالاپتار، قىزمەت وتەۋگە باعا بەرۋ جانە ونى وزگەرتۋ قاتارلى مازمۇندار بەلگىلەنگەن.
عىلىم - تەحنيكا سالاسىنداعى ەتيكالىق حاۋىپ - قاتەردەن ساقتانۋ - تىزگىندەۋ كۇشەيتىلەدى
«عىلىم - تەحنيكا سالاسىنداعى ەتيكالىق تەكسەرۋ ءادىسى (سىناق رەتىندە اتقارىلادى)» 12 - ايدىڭ 1 - كۇنى اتقارىلادى، مۇندا ”ادامزاتتىڭ دەنساۋلىق اقاۋسىزدىعى، قۇن تانىمى، ەكولوگيالىق ورتا قاتارلى جاقتاردا كەلەلى ىقپال كورسەتەتىن جاڭا زاتتاردى جاساندى جولمەن جاساۋدى زەرتتەۋ“ قاتارلى جەتى ءتۇرلى عىلىم - تەحنيكالىق قيمىلدى اتقارۋ ءۇشىن ەتيكالىق تەكسەرۋ، سالىستىرۋ ورىستەتىلەتىنى بەلگىلەنگەن.
تاريحي – مادەنيەتتىك كوشەلەردە كەڭ كولەمدى شاعۋعا، قۇرىلىس سالۋعا تيىم سالىنادى
«قالالار مەن اۋىلدارداعى مادەنيەتتى قورعاۋ مەن پايدالانۋ نىسانىن جۇيەگە ءتۇسىرۋ» 12 - ايدىڭ 1 - كۇنىنەن باستاپ اتقارىلادى، تاريحي – مادەنيەتتىك كوشەلەردى قورعاۋ مەن پايدالانۋدا تاريحي ينفورماتسيالاردىڭ شىنايىلىعىن قورعاۋ، كورىنىسىنىڭ كەمەلدىلىگىن قورعاۋ، تۇرمىستىق يقۋاتىنىڭ ۇزىلىسسىزدىگىن ساقتاۋ قاجەت، كەڭ كولەمدى شاعۋعا، قۇرىلىس سالۋعا، ءوز بىلگەنىنشە ءوشىرىپ قايتا جازۋ، شاعۋ، تۇرعىنداردى زورلىقپەن كوشىرۋ قاتارلىلارعا تيىم سالىنادى.
ازىق - تۇلىكتى ساۋدالاۋعا رۇقسات الۋ ءتارتىبى ىقشامداندىرىلادى
«ازىق - تۇلىكتى ساۋدالاۋعا رۇقسات الۋ جانە ەستەلىككە الدىرۋدى باسقارۋ ءادىسى» 12 - ايدىڭ 1 - كۇنىنەن باستاپ اتقارىلادى، ازىق - تۇلىكتى ساۋدالاۋعا رۇقسات العان كەزدە، ساۋدا كۋالىگى نەمەسە باسقا دا نەگىزگى تۇلعالىق تولىمدىلىق كۋالىگى قاتارلى قۇجاتتاردى اكىمشىلىك ورگاندار ينتەرنەت ارقىلى تەكسەرۋدى ىسكە اسىرادى، ءوتىنىش بەرۋشىلەردەن قۇجاتتىڭ كوپيالانعان نۇسقاسىن تاپسىرۋدى ەندىگارى تالاپ ەتپەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
