شينجياڭنىڭ سالمون بالىعى ەۆروپا وداعىنا ەكسپورت ەتىلۋ ”رۇقسات كۋالىگىن“ الدى
2023.12.01 14:31 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 29 - كۇنى ۇرىمجىدەن حابارلايدى. 11 - ايدىڭ 28 - كۇنى ءۇرىمجى كەدەنىنىڭ تەكسەرىپ كورسەتۋىمەن شينجياڭ زۇنگۇي جاس كۇيىندەگى ازىق - تۇلىك عىلىم - تەحنيكا شەكتى سەرىكتەستىگى ەۆروپا وداعىنىڭ رەسمي تىركەۋىنە قول جەتكىزگەن. بۇل ەۆروپا وداعىنا ەكسپورت ەتۋ ”رۇقسات كۋالىگىنە“ تۇڭعىش يە بولعان شينجياڭداعى سالمون بالىعىن وندىرەتىن كاسىپورىن.
شينجياڭ زۇنگۇي جاس كۇيىندەگى ازىق - تۇلىك عىلىم - تەحنيكا شەكتى سەرىكتەستىگى جىلىنا 3000 توننا بالىق ونىمدەرىن مانەرلەۋ ءوندىرىس قۋاتىنا يە. ”ەۆروپا وداعىنا ەكسپورت ەتىلەتىن ءبىرىنشى توپتاعى ونىمدەردى دايىنداۋدامىز، اتلانت مۇحيتى سۋ ونىمدەرىمەن باسەكەلەسۋدى ءۇمىت ەتەمىز“. سەرىكتەستىكتىڭ ورىنباسار باس ديرەكتورى ۋاڭ يۋان بىلاي دەدى: كوپتەگەن ادام شينجياڭ ەلىمىزدىڭ ىشكى قۇرلىعىنداعى ولكە، سۋ ونىمدەرى باسىمدىعى از دەپ قارايدى. الايدا سەرىكتەستىكتىڭ سۋ ونىمدەرىنىڭ جىلدىق ءونىم مولشەرىنىڭ ％10ى ەكسپورت ەتىلىپ، سينگاپۋر، مالايزيا سياقتى شىعىس وڭتۇستىك ازيا ەلدەرىنە ساتىلىپ، جاقسى باعاعا يە بولدى. وسى رەت ەۆروپا وداعىنىڭ ۇكىمەت جاق تىركەۋىنە يە بولعان سەرىكتەستىك شەتەل بازارىن ونان ارى كەڭەيتىپ، حالىقارالىق بازاردا شينجياڭنىڭ سۋ ونىمدەرى ماركاسىن جاراتادى.
ساپاسى جاقسى بولۋدان سىرت، شينجياڭنىڭ سۋ ونىمدەرىن ەكسپورت ەتۋ كەڭ كولەمدە دوستاسىپ، كەڭ كولەمدە قارىم - قاتىناس جاساۋدىڭ ارقاسى دەۋگە بولادى. بيىل رايونىمىزدىڭ ونەركاسىپ جانە ينفورماتسيالاندىرۋ، ساۋدا ىستەرى، ساۋدانى جەبەۋ سياقتى تاراۋلارى ءتۇرلى سۋ ونىمدەرى كاسىپورىندارىن كولەمدى كورمەگە قاتىناسۋعا ۇيىمداستىرىپ، كاسىپورىندارعا ارناۋلى دانەكەر بولىپ، سۋ ونىمدەرىن تۇتىنۋ قۋاتى ءبىرشاما كۇشتى ازيا، ەۆروپا ەلدەرىنىڭ ساۋداگەرلەرىمەن ۇشتاسىپ، توقتامعا قول قويىپ، تاپسىرىس الدى.
سوڭعى جىلدارى سۋ ونىمدەرى باعىمشىلىعى شينجياڭنىڭ حالىقتى بايىتۋ كاسىپ سالاسىنىڭ جاڭا بەتالىسىنا اينالىپ، ەكسپورت ەتىلگەن سۋ ونىمدەرىنىڭ مولشەرى جىل سايىن ارتىپ، بەتالىسى جاقسى بولدى. ءۇرىمجى كەدەنى قاراستى رايونداعى سۋ ونىمدەرى كاسىپورىندارىمەن ىرىقتى تۇردە ۇشتاسىپ، سۇرانىستى ۇعىستى ءارى ارناۋلى قىزمەت گرۋپپاسىن قۇرىپ، ەستەلىككە الۋدان كۇندەلىكتى باقىلاۋ - باسقارۋعا دەيىن، كاسىپورىنداردىڭ باسقارۋ قابىلەتىن جوعارىلاتۋىنا جەتەكشىلىك ەتىپ، ءونىم ساپاسىن جوعارىلاتىپ، شەكارا سىرتىنداعى تانىستىرىپ تىركەلۋ قاجەتى بويىنشا مەملەكەت تىزىمدىگى، تالاپ سياقتى قاتىستى ينفورماتسيالاردى كوپ ارنامەن جيناپ، كاسىپورىنداردىڭ شەكارا سىرتىندا تانىستىرىپ تىركەۋگە الۋ قاجەتسىز جاڭا بازاردى كەڭەيتۋىنە كومەكتەستى.
”ەكسپورت ەتىلەتىن ازىق - تۇلىك وندىرەتىن 3 كاسىپورىننىڭ ورتا ازيا، ەۆروپا سياقتى 9 مەملەكەتكە، وڭىرگە تانىستىرىلىپ تىركەۋگە الدىرۋىنا جەتەكشىلىك ەتىپ، كاسىپورىنداردىڭ اناعۇرلىم ويداعىداي سىرتقا شىعۋىنا كومەكتەسۋدەمىز“، - دەدى ءۇرىمجى كەدەنى كاسىپورىن باسقارۋ جانە تەكسەرۋ باسقارماسىنىڭ ورىنباسار باستىعى ۋاڭ حاييۋان.
قازىرگە دەيىن ءۇرىمجى كەدەنى بيىل شەكارا سىرتىندا تىركەلگەن 6 كاسىپورىندى تانىستىردى، بىرەۋى شەكارا سىرتىندا رەسمي تىركەلىپ جاريالاندى، تىركەلگەن مەملەكەت پەن ءوڭىر كورەيا مەن ەۆروپا وداعى بولدى. بۇكىل شينجياڭدا جيىنى ەكسپورت ازىق - تۇلىكتەرىن وندىرەتىن 8 كاسىپورىن شەكارا سىرتىندا ۇكىمەت جاعىنان تىركەۋگە الىنىپ، تىركەلىپ ماقۇلدانعان مەملەكەت پەن وڭىرلەر ەۆروپا وداعى، جاپونيا، كانادا، ساۋد ارابياسى سياقتى 8 ءوڭىر بولدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
