قىستاق ات باپكەرىنىڭ جاڭا نىساناسى
□ انار بۇلت \ شينجياڭ گازەتىنىڭ ءتىلشىسى ءجازيرا نەسىپبەك، ەرىكتى ءتىلشى حى يۇيليڭ
2023.12.01 15:16 كەلۋ قاينارى : شينجياڭ گازەتى
11 - ايدىڭ 13 - كۇنى جىڭ اۋدانى تولى قالاشىعى جيبىكى قىستاعىنىڭ تۇرعىنى نا وچا وتباسىنىڭ اۋلاسىنا بارعانىمىزدا، رەتتى دە تازا سەمەنت جولدىڭ ەكى جاعىنداعى ات قورادا كەرىسكەدەي نەشە ونداعان سايگۇلىك وقىرداعى جەم - ءشوپتى ەمىن - ەركىن جەپ جاتىر ەكەن، نا وچا وقىرعا جەم سالىپ تۇرىپ اتتاردى سيپاپ قويدى. ”مەن 90 ات باقتىم، بايىنعوليننان، موڭعۇلكۇرەدەن جانە ىشكى موڭعۇلدان كەلگەن اتتار دا، جاڭا زەلانديادان كەلگەن اتتار دا بار“، - دەدى نا وچا ماقتانىشپەن.
ون نەشە جاسىندا - اق نا وچا اتقا ءمىنىپ جىلقى باققان، جىلقى دەسە ىشكەن اسىن جەرگە قويادى، بوس ۋاقىتىندا ول ۇنەمى ورايدى قولدان بەرمەي ات ونەرى مەن ات باپتاۋ بىلىمدەرىن بىلەتىن مالشىلاردان اقىل - كەڭەس سۇراپ، تاجىريبە توپتايدى.
ۇيلەنگەننەن كەيىن نا وچا بايگە اتتارىن باپتاي باستايدى. ”بالا كەزىمدە - اق بايگە اتىمنىڭ بولۋىن ارماندايتىنمىن، باپتاعان اتىم ۇلتتار سپورت جارىسىنا دا قاتىناستى. سيلىق العان سوڭ، اتتىڭ باعاسى دا جوعارىراق بولادى ەكەن“، - دەدى نا وچا.
نا وچا باپتاعان بايگە اتتار جەرگىلىكتى ورىندا وتە تانىمال بولدى، بۇل اتتار تۇقىمى ساپالى بولۋدان سىرت، جاقسى جاتتىقتىرىلعان جانە باعىمى دا كۇشتى. باعىمشىلىق تەحنيكاسىن جوعارىلاتۋ ءۇشىن، نا وچا كاسىپتىك باعىمشىلىق كىتاپتارىن وقىپ، ينتەرنەتتەن باعىمشىلىق بىلىمدەرىن وزدىگىنەن ۇيرەنىپ، شينجياڭنان شىعىپ اۋىس - كۇيىس جاساپ، ۇيرەنىپ، اماليات بارىسىندا ۇزدىكسىز ىزدەنىس جاساپ، ۇڭىلە زەرتتەۋ ارقىلى ىندەتتەن ساقتانۋ - تىزگىندەۋ، باعىپ - باپتاۋ، تۇقىمىن اسىلداندىرۋ سياقتى كوپتەگەن ات باعىمشىلىعى تەحنيكاسىن جۇيەلى يگەرەدى.
2021 - جىلى نا وچا جىلقى ەتى بازار قاجەتىنىڭ وتە زور، جىلقى باعۋ قاتەرىنىڭ ءبىرشاما از، اۋقاتتانۋدىڭ جاقسى نىسانى ەكەندىگىن بايقاپ، 40 اسىل تۇقىمدى جىلقى ساتىپ الادى. ”جىلقى باعۋ كوپ قول ۇستاي بەرمەيدى، جىلقى جەم - ءشوپتى سيىرعا قاراعاندا از تىلەيدى، ونى قىر سوڭىنان قالماي كۇندە قاراپ وتىرۋدىڭ قاجەتى جوق، قارجى شىعىسى دا سالىستىرمالى ازىراق بولادى“، - دەدى نا وچا.
ءار جىلى جازدا نا وچا جىلقىسىن قىستاق ماڭىنداعى تاۋعا اپارىپ، دالا جايلىمىنا قويا بەرىپ تابيعي جايلىمدا باعادى. كۇزدە جىلقىنى اۋلاسىنا اكەلىپ، سۇرلەنگەن جەم - شوپپەن باعادى.
اۋەسىن كاسىپكە اينالدىرعان نا وچا جەرگىلىكتى ورىنداعى تانىمالى ات باپكەرىنە اينالىپ، قوماقتى كىرىس تاپتى. ”90 جىلقىنى بازار باعاسى بويىنشا ەسەپتەگەندە، كەلەر جىلى ءبىرىنشى توپتاعى جىلقىلاردى 800 مىڭ يۋاننان استام باعاعا ساتۋعا بولادى، ونىڭ پايداسى دا جامان ەمەس“، - دەدى نا وچا قۋانا.
”ۇكىمەتتىڭ كولەمدەنگەن باعىمشىلىققا قولداۋ كورسەتۋ سەرپىنى وتە كۇشتى، مەن باعىمشىلىق سەلبەستىك كووپەراتيۆىن تىركەۋگە الدىرىپ، ءوز تەحنيكامنان پايدالانىپ كوپشىلىكتى بىرگە جىلقى باعۋعا باستاپ، بازاردى بىرگە اشپاقشى بولىپ وتىرمىن“، - دەدى نا وچا.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
