شينجياڭدا تۇمسىق قالاسىنان كۇنيۇي قالاسىنا باراتىن تاس جول تۇتاس جەلى بويىنشا تۇتاستىرىلدى
شولدەگى تاس جول بويىنداعى ەكولوگيالىق جۇيەنى قالاي قورعاۋ كەرەك؟
2023.12.05 15:45 كەلۋ قاينارى : حالىق تورابى
شينجياڭ تۇمسىق قالاسى مەن كۇنيۇي قالاسى ارالىعىنداعى تاس جول 12 - ايدىڭ 1 - كۇنى تۇتاس جەلى بويىنشا رەسمي تۇتاستىرىلىپ، رەسمي پايدالانۋعا بەرىلدى. بۇل شينجياڭداعى تاكلاماكان ءشولىن ەندەي وتەتىن ءتورتىنشى تاس جول سانالادى.
تۇمسىق - كۇنيۇي تاس جولىنىڭ جالپى ۇزىندىعى 276 كيلومەتر، اۆتوموبيل قاتىناعان سوڭ، شينجياڭنىڭ تۇمسىق قالاسى مەن كۇنيۇي قالاسى ارالىعىنداعى 600 كيلومەترلىك جول 200 كيلومەترگە قىسقارادى، اۆتوموبيلدىڭ قاتىناۋىنا قاجەتتى ۋاقىت 6 ساعاتتان 3 ساعاتقا دەيىن قىسقارادى، جەرگىلىكتى ورىنداعى بۇقارانىڭ ءجۇرىس - تۇرىس ارالىعىنىڭ ۇزاق بولۋى، اۋىل شارۋاشىلىعى ونىمدەرىن ساتۋدىڭ قيىن بولۋى سىندى جاعدايدى ءونىمدى تۇردە جاقسارتادى. سونىمەن بىرگە، ەكى جەر اراسىنداعى ەكونوميكالىق جاقتاعى قارىم - قاتىناستى ىلگەرىلەتىپ، جول بويىنداعى ساياحات كاسىبى قاتارلى قاتىستى كاسىپ سالالارىنىڭ جەدەل دامۋىن ىلگەرىلەتەدى.
تۇمسىق - كۇنيۇي تاس جولى قۇرىلىسىنىڭ قيىندىق دارەجەسى اسا جوعارى بولىپ، جول بويىندا ۇلكەندى - كىشىلى نەشە ءجۇز قۇم توبەشىك بار، ەڭ بيىك قۇم توبەشىكتىڭ بيىكتىگى 20 مەترگە جەتەدى، ەڭ الاسا قۇم ويپاتتىڭ تەرەڭدىگى 16.4 مەتر، بيىكتىك پارقى 30 نەشە مەتر. تاس جول بويىنداعى ءشولدىڭ ءالسىز ەكولوگيالىق ورتاسىن قورعاۋ ءۇشىن، قۇرىلىس قىزمەتكەرلەرى ورتانى قورعاۋ شارالارى مەن نەگىزگى تۇلعالىق ينجەنەريانى ءبىر ۋاقىتتا بىردەي جوبالاپ، ءبىر ۋاقىتتا قۇرىلىس جۇرگىزىپ، ءبىر ۋاقىتتا ىسكە قوسىپ، پايدالانۋعا بەردى. تاس جولدىڭ نەگىزدىك تاعانى قاي جەرگە دەيىن توسەلسە، بوراننان ساقتانىپ، قۇمدى تەجەيتىن ءشوپ تاقتالى قۇم بوگەۋىشتى سول جەرگە دەيىن توسەپ، ءشولدىڭ ەكولوگيالىق ورتاسىن ءونىمدى قورعادى. ياركەن وزەنى الابىنداعى 2.88 كيلومەترلىك توراڭعى ورمانى رايونىنا بارعاندا، جول تاعانىن جاساۋدى ازايتۋ ءۇشىن، ياركەن كوپىرىن جاسادى. ينجەنەريانى جاساۋدىڭ قۇنى 130 ميلليون يۋان جوعارىلاعان بولسا دا، توڭىرەگىندەگى ەكولوگيالىق ورتا مەن بايىرعى توراڭعى ورمانىنا جەتكىزەتىن زالالدى ازايتتى. (باس ستانسيا ءتىلشىسى سۇي نيڭ، ساۋ جياڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
