شينجياڭنىڭ التاي ايماعىندا قالىڭ قار جاۋدى
2023.12.05 15:18 كەلۋ قاينارى : حالىق تورابى
12 – ايدىڭ 3 – كۇنى تۇننەن باستاپ، شينجياڭنىڭ التاي ايماعىنىڭ كوپ جەرىندە كەڭ كولەمدە قار جاۋدى. 12 – ايدىڭ 4 – كۇنى تاڭ سارىدە، التاي ايماقتىق اۋا رايى ستانسياسى قالىڭ قاردان ساقتانۋدىڭ سارى ءتۇستى سيگنالىن قالىڭ قاردان ساقتانۋدىڭ قىزعىلت ءتۇستى ساقتىق سيگنالىنا كوتەردى.
12 – ايدىڭ 4 – كۇنى تۇستەن بۇرىن، التاي قالا رايونىندا قاردىڭ قالىڭدىعى 17 سانتيمەترگە جەتتى، بۇل قىس كىرگەننەن بەرى جەرگىلىكتى ورىندا جاۋعان ەڭ قالىڭ قار. التاي قالاسى 147 ءىرى تۇرپاتتى ماشينا شىعارىپ، 600 دەن استام ادام ۇيىمداستىرىپ، قالا جولدارىن تازالاپ، جولدىڭ حاۋىپسىز، بوگەتسىز بولۋىنا كەپىلدىك ەتتى.
12 – ايدىڭ 4 – كۇنى، التاي ايماعىنىڭ جەمەنەي اۋدانىندا دا قالىڭ قار جاۋدى ءارى 8 دە 9 بال قيىس باتىس جەلى سوعىپ، ەڭ تومەنگى تەمپەراتۋرا نولدەن تومەن 6 سەلتسي گرادۋسقا ءتۇستى. قار جاۋۋ، بوران سوعۋ، جول تايعاق بولۋ، جول بەتىنە مۇز قاتۋ سياقتى قۇبىلىستار تۋىلىپ، جەرگىلىكتى قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتى قاراستى وڭىردەگى جول بولەكتەرىن شارلاۋ جيىلىگىن ارتتىرىپ، شارلاۋ ۋاقىتىن ۇزارتتى.
قازىر قاناس، قوم سياقتى كورىنىس وڭىرلەرىنىڭ جول بولەكتەرىندەگى قاردىڭ قالىڭدىعى 40 سانتيمەترگە جەتىپ، كورىنىس رايونىنىڭ جولدارىندا قاتىناس باسقارۋ ءتۇزىمى اتقارىلدى. قازىر قار تازالاۋ قىزمەتى جۇرگىزىلۋدە. (باس ستانسيانىڭ ءتىلشىسى شين رىن، ساۋ جياڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
