جياۋ شياۋپيڭعا الەۋمەتتىك ايىپتاما بەرىلدى!
2023.12.04 16:20 كەلۋ قاينارى : حالىق تورابى
شينجياڭ ءوندىرىس ـ قۇرىلىس بيڭتۋانى پارتكومىنىڭ بۇرىنعى تۇراقتى مۇشەسى، ورىنباسار سىليڭيۋانى، جۇڭگو شينجيان توبى سەرىكتەستىگىنىڭ بۇرىنعى ورىنباسار باس ديرەكتورى جياۋ شياۋپيڭنىڭ پارا الۋ كۇمانى تاعىلعان دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ كورسەتۋىمەن چۇڭچيڭ قالالىق حالىق پروكۋراتۋراسى 5 – بولىمشە پروكۋراتۋراسىنىڭ ايىپتاۋىنا وتكىزىپ بەردى. تاياۋدا چۇڭچيڭ قالالىق حالىق پروكۋراتۋراسىنىڭ 5 – بولىمشە پروكۋراتۋراسى چۇڭچيڭ قالالىق 5 - ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر جياۋ شياۋپيڭنىڭ ارىز - شاعىم ۇقىعىنا يە ەكەنىن زاڭ بويىنشا ۇقتىردى، سونداي – اق ايىپكەر جياۋ شياۋپيڭدى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ شاعىم ايتتى: ايىپكەر جياۋ شياۋپيڭ قازىنا مينيسترلىگى كەڭسەسى مينيسترلەر كەڭسەسىنىڭ ورىنباسار باسقارما باستىعى دارەجەلى حاتشىسى، قازىنا مينيسترلىگى حالىقارالىق مەڭگەرمەسى قارجى ساناق باسقارماسىنىڭ باستىعى دارەجەلى كادرى، جۇڭگو تازا دامۋ مەحانيزمى قورىن باسقارۋ ورتالىعىنىڭ ورىنباسار مەڭگەرۋشىسى، مەڭگەرۋشىسى ، قازىنا مينيسترلىگى ، ۇكىمەت جانە قوعامدىق كاپيتال سەلبەستىك ورتالىعىنىڭ مەڭگەرۋشىسى قاتارلى مىندەتتەردى وتگەن كەزىندە مىندەت قولايلىلىعى، سونداي - اق قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە قوماقتى، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
