بۇراتالا قالالىق ەمدەۋدى قامتاماسىزداندىرۋ مەكەمەسى:
تەكسەرىپ بەكىتۋ ۇقىعىن تومەنگە بەردى، بۇقارا از شاپقىلايتىن بولدى
□ انار بۇلت \ شينجياڭ گازەتىنىڭ ءتىلشىسى باي سۋجۇن
2023.12.05 16:28 كەلۋ قاينارى : شينجياڭ گازەتى
”بۇرىن سوزىلمالى اۋرۋلاردى ەمدەتۋ بويىنشا ەسەپتەن كوتەرۋدى ءوتىنىش ەتكەندە ءبىر ايدا ارەڭ بىتەتىن، قازىر شيپاحانانىڭ ەمدەۋ قامسىزداندىرۋىنا قىزمەت وتەۋ تەرەزەسىنەن - اق تىكەلەي ءوتىنىش ەتۋگە بولاتىن بولدى، 6 − 7 كۇندە بىتەدى ەكەن، شىنىمەن، ۋاقىت تا، كۇش تە ۇنەمدەلەتىن بولدى“. تاياۋدا بۇراتالا قالاسى نانچىڭ رايونى ءمالىسى شيڭفۋ الەۋمەتتىك اۋماعى بورۇيشۋان شاعىن اۋماعىندا تۇراتىن لي شيچىڭ كاريا قولىنا ەمدەۋ كارتچكاسىن ۇستاپ قۋانا وسىلاي دەدى.
بيىل 61 جاستاعى لي شيچىڭنىڭ جوعارى قان قىسىم جانە ديابەت اۋرۋى بار، تاياۋدا تۇتقيىل مي قان تامىرى توسىلىپ شيپاحاناعا جاتادى، ول شيپاحانادان شىعىپ ەسەپ جاساعان كۇنى - اق بۇراتالا قالالىق حالىق شيپاحاناسىنىڭ ەمدەۋ قامسىزداندىرۋىنا قىزمەت وتەۋ تەرەزەسىندە سوزىلمالى اۋرۋلاردى باعامداۋ جۇمىسىن ءبىتىردى.
2 - توپتاعى نەگىزگى تاقىرىپتىق تاربيە ورىستەتىلگەننەن بەرى، بۇراتالا قالالىق ەمدەۋدى قامتاماسىزداندىرۋ مەكەمەسى پارتيا باسشىلىق گرۋپپاسى تەكسەرۋ - زەرتتەۋ، پىكىرگە جاپپاي قۇلاق اسۋ، تولىق دالەلدەۋ نەگىزىندە سوزىلمالى اۋرۋلاردى باعامداۋ ۇقىعىن امبولاتورياعا بەرىپ، سوزىلمالى اۋرۋلاردى ەمدەتۋ بويىنشا ەسەپتەن كوتەرۋ جۇمىسىن بىتىرەتىن ەمدەۋ قامسىزداندىرۋ كاسىبىن بەلگىلەنگەن ءتۇيىندى شيپاحانالارعا دەيىن كەڭەيتىپ، قامسىزداندىرۋعا قاتىناسقان بۇقارانىڭ ”از شاپقىلاپ، تەز بىتىرۋىنە“ مۇمكىندىك جاساپ، بۇقارانىڭ سوزىلمالى اۋرۋلاردى باعامداۋ، تەكسەرۋ، تىزىمگە الۋ ءتارتىبىن قىسقارتتى، بۇرىنعى ءبىر ايلىق تەكسەرۋ پەريودىن قازىر 7 كۇنگە قىسقارتىپ، ”ينفورماتسيانىڭ كوپ جول باسۋىن، بۇقارا از شاپقىلاۋىن“ جۇزەگە اسىرىپ، بۇقاراعا بارىنشا قولايلىلىق تۋدىردى.
بۇراتالا قالاسى دالتۋ قالاشىعى ۇلانبۇق قىستاعىنىڭ تۇرعىنى دي جيانشين بىلاي دەدى: ”قازىر جاسىمىز ۇلعايدى، ەسىكتەن شىعۋىمىز وڭاي ەمەس، باستابىندا سوزىلمالى اۋرۋلاردى ەمدەتۋدى ەسەپتەن كوتەرۋدى ءوتىنىش ەتۋ راسمياتتارى كۇردەلى بولار دەپ الاڭداعان ەدىم، ءبىر تەرەزەدەن - اق بارلىق ماتەريالدارىمدى تاپسىرىپ، تەكسەرۋدەن ءوتىپ كەتەرىمدى ويلاماعان ەكەنمىن، قىزمەتكەرلەر تاعى ماعان كومەكتەسىپ ەمدەۋ قامسىزداندىرۋى ساياساتىن ءتۇسىندىرىپ بەردى“.
بۇقارا اڭىس ەتكەن سوزىلمالى اۋرۋلاردى ەمدەتۋدە ەسەپتەن كوتەرۋدى ءوتىنىش ەتۋ ۋاقىتى ۇزاق بولۋ، ونىڭ ۇستىنە شيپاحانا مەن ەمدەۋدى قامتاماسىزداندىرۋ مەكەمەسى اراسىندا سارپالداڭعا ءتۇسۋ ماسەلەسىنە مەڭزەس، بۇراتالا قالالىق ەمدەۋدى قامتاماسىزداندىرۋ مەكەمەسى پارتيا باسشىلىق گرۋپپاسى 2 رەت ارناۋلى تاقىرىپتىق ءماجىلىس اشىپ، بۇراتالا قالالىق حالىق شيپاحاناسىمەن 3 رەت سايكەستىرىپ، ءتۇيىلىستىرىپ، نازاردى ەمدەۋدى قامتاماسىزداندىرۋ سالاسىنداعى قامسىزداندىرۋعا قاتىناسقان بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، ەمدەۋدى قامتاماسىزداندىرۋ قىزمەت وتەۋىندە جاڭالىق اشۋدى ىلگەرىلەتىپ، ءبىتىرۋ ۋاقىت شەكتەمەسىن قىسقارتىپ، جۇمىس ءبىتىرۋ بۋىنىن ازايتىپ، ەمدەۋدى قامتاماسىزداندىرۋعا قىزمەت وتەۋ ىستەرىنىڭ ”بىرلەسىپ ءبىتىرۋ، تەز ءبىتىرۋ، جاقسى ءبىتىرۋ، وڭاي ءبىتىرۋ“ نىساناسىن جۇزەگە اسىردى.
بۇراتالا قالالىق حالىق شيپاحاناسى ەمدەۋدى قامتاماسىزداندىرۋ كەڭسەسىنىڭ مەڭگەرۋشىسى گۇلباق زاكەن مىنالاردى ءبىلدىردى: بۇرىن شيپاحانانىڭ ەمدەۋدى قامتاماسىزداندىرۋ كەڭسەسى سوزىلمالى اۋرۋعا شالدىققان ناۋقاستاردىڭ شيپاحانادان شىعۋ ماتەريالىن تاپسىرىپ العاننان كەيىن، الدىمەن مامانداردىڭ تەكسەرىپ باعامداۋىنان وتكىزىپ، ودان ەمدەۋدى قامتاماسىزداندىرۋ مەكەمەسىنە جىبەرىپ، سيستەماعا ەنگىزۋدى كۇتەتىن، ءسويتىپ، سوزىلمالى اۋرۋلاردى ەمدەتۋ بويىنشا ەسەپتەن كوتەرۋدى ءوتىنىش ەتۋدى شامامەن 20 − 30 كۇندە ارەڭ بىتىرەتىن. قازىر سوزىلمالى اۋرۋلارعا قاتىستى تەكسەرىپ بەكىتۋ ۇقىعى شيپاحاناعا بەرىلدى، ءوتىنىش ەتۋ، باعامداۋ، تەكسەرىپ بەكىتۋ، تىزىمگە الۋ سياقتى قىزمەتتەردى تەك 7 كۇن ىشىندە - اق شيپاحانانىڭ ەمدەۋ قامسىزداندىرۋىنا قىزمەت وتەۋ تەرەزەسىنەن - اق بىتىرۋگە بولاتىن بولدى.
”سوزىلمالى اۋرۋلاردى ەمدەتۋ بويىنشا ەسەپتەن كوتەرۋدى ءوتىنىش ەتۋ ۇقىعى تومەنگە بەرىلگەننەن بەرى، جالپى 500دەن استام ادامدى (رەت) قابىلداپ، سوزىلمالى اۋرۋلاردى ەمدەتۋدە ەسەپتەن كوتەرۋدى ءوتىنىش ەتكەن 80 ناۋقاستىڭ جۇمىسىن ءبىتىرىپ تامامدادىق، بۇقارانىڭ ەمدەۋ قامسىزداندىرۋىن ءبىتىرۋى اناعۇرلىم قولايلى بولدى“. بۇراتالا قالالىق ەمدەۋدى قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى حۋ شىچياڭ بىلاي دەدى: كەلەسى قادامدا شيپاحانا ”ۇيرەنۋ، ىستەۋ، تياناقتاندىرۋ“ سىندى ءۇش جاققا كۇش سالىپ، باستىسى، بۇقارانىڭ ءىس بىتىرۋىندەگى بوگەت تۇيىننەن، قيىن تۇيىننەن باستاپ ىسكە كىرىسىپ، حالىق بۇقاراسىنىڭ نەگىزگى تاقىرىپتىق تاربيەنىڭ ونىمدىلىكتەرىن شىنايى سەزىنۋىنە مۇمكىندىك جاسايدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
