وسى اپتادا ءۇش رەت سۋىق اعىس بولادى
شينجياڭنىڭ كوپ جەرىندە قار جاۋىپ، تەمپەراتۋرا تومەندەيدى
2023.12.05 14:35 كەلۋ قاينارى : حالىق تورابى
وسى اپتادا شينجياڭدا ءۇش رەت سۋىق اعىس بولادى. شينجياڭ اۋا رايى ستانسياسىنىڭ مالىمەتىنە قاراعاندا، 12 – ايدىڭ 6 – كۇنى تۇننەن 7 – كۇنى تۇنگە دەيىن سولتۇستىك شينجياڭنىڭ باسىم كوپ جەرىندە، تيانشان تاۋلى رايونىندا، قۇمىل قالاسىنىڭ سولتۇستىگىندە سەبەزگى جاڭبىر نەمەسە جاڭبىر ارالاس قار جاۋادى، مۇنىڭ ىشىندە سولتۇستىك شينجياڭنىڭ باتىس بولەگى، سولتۇستىك بولەگى، تيانشان تاۋلى رايونى، قۇمىل قالاسىنىڭ سولتۇستىك بولەگى سياقتى جەرلەردىڭ ءىشىنارا وڭىرلەرىندە ورتاشادان قالىڭ قارعا دەيىن جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى، جوعارىداعى وڭىرلەردە 5 بال اينالاسىندا باتىس سولتۇستىك جەلى سوعادى، جەل وتىندەگى جەل كۇشى 10 بال اينالاسىندا بولىپ، اۋا تەمپەراتۋراسى 3 تە 5 سەلتسي گرادۋس تومەندەيدى.
12 – ايدىڭ 8 – كۇنى تۇننەن 10 – كۇنى تۇنگە دەيىن سولتۇستىك شينجياڭنىڭ باسىم كوپ جەرى، تيانشان تاۋلى ءوڭىرى، قۇمىل قالاسىنىڭ سولتۇستىگى سياقتى جەرلەردە ۇزدىك - سوزدىق قىلاۋ تۇسەدى نەمەسە قىرباق قار جاۋادى، مۇندا ىلە وبلىسى، تارباعاتاي ايماعىنىڭ سولتۇستىگى سياقتى جەرلەردىڭ ءىشىنارا وڭىرلەرىندە ورتاشادان قالىڭ قارعا دەيىن جاۋادى، كەي جەرلەردە ەرەكشە قالىڭ قار جاۋادى، تەمپەراتۋرا 3 تە 5 سەلتسي گرادۋس تومەندەيدى. قار، جاڭبىردان، تەمپەراتۋرا تومەندەۋدەن ساقتانۋ كەرەك، ءىشىنارا جەرلەردە قارلى بوران سوعىپ، جول قاتىناسى، ەگىن، مال شارۋاشىلىق ءوندىرىسى سياقتىلارعا ءتيىمسىز ىقپال جاساۋدان ساقتانۋ كەرەك.
ءۇرىمجى قالالىق اۋا رايى ستانسياسىنىڭ الدىن الا بەرگەن مالىمەتىنە نەگىزدەلگەندە، سولتۇستىكتەگى ءبىرشاما كۇشتى سۋىق اعىستىڭ كەلۋىنە بايلانىستى، ءۇرىمجى قالا رايونىندا 12 – ايدىڭ 4 – كۇنى قىرباقتان ورتاشاعا دەيىن قار جاۋادى، تاۋلى وڭىردە ورتاشادان قالىڭ قارعا دەيىن جاۋادى، ءارى 4 تە 5 بال باتىس سولتۇستىك جەلى سوعادى. مەجەمەن جۇما كۇنىنىڭ الدى – ارتىندا ۇرىمجىدە تاعى ءبىر سۋىق اعىس بولادى، سول كەزدە تاعى دا قار جاۋىپ، تەمپەراتۋرا تومەندەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
