شينجياڭدا مىناداي ولشەم جوعارىلاتىلدى
2023.12.04 16:44 كەلۋ قاينارى : حالىق تورابى
11 - ايدىڭ 30 - كۇنى ءتىلشىنىڭ شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسىنەن ۇعىسۋىنشا، شينجياڭدا وتباسىلىق شيپاگەردىڭ توقتام بويىنشا قىزمەت وتەۋىنە كەتەتىن قاراجاتتى ەمدەۋدى قامسىزداندىرۋ قاراجاتىنان تولەۋ ولشەمى جوعارىلاتىلىپ، قامسىزداندىرۋعا قاتىناسقان بۇقارانىڭ دەنساۋلىعىن قامتاماسىزداندىرۋ دەڭگەيى ۇزدىكسىز جوعارىلاتىلادى.
شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى مەن اۆتونوميالى رايوندىق دەنساۋلىق ساقتاۋ - سالاماتتىق كوميتەتى جۋىردا «وتباسىلىق شيپاگەردىڭ توقتام بويىنشا قىزمەت وتەۋىنە كەتەتىن قاراجاتتى قامسىزداندىرۋ قاراجاتىنان تولەۋ قىزمەتىن ويداعىداي ىستەۋ جونىندەگى ۇقتىرۋدى» باسىپ تاراتقان، وتباسىلىق شيپاگەردىڭ توقتام بويىنشا قىزمەت وتەۋىنە كەتەتىن قاراجاتتى ەمدەۋدى قامسىزداندىرۋ قورى، نەگىزدىك الەۋمەتتىك دەنساۋلىق ساقتاۋ جاعىندا قىزمەت وتەۋ قاراجاتى جانە توقتام جاساعان تۇرعىن ورتاق ارقالايتىن بولعان. وتباسىلىق شيپاگەردىڭ توقتام بويىنشا قىزمەت وتەۋى كولەمىندەگى نەگىزدىك قىزمەت وتەۋ تۇرىنە ەمدەۋدى قامسىزداندىرۋدان اقى تولەۋ ولشەمى بۇرىنعى جىلىنا 12 يۋاننان 20 يۋانعا رەتتەلەدى ءارى 65 جاستاعىلار مەن ودان جوعارى جاستاعىلارعا، جوعارى قان قىسىمى اۋرۋىنا شالدىققاندار مەن قانتتى نەسەپ اۋرۋىنا شالدىققاندارعا ارنالعان قىزمەت وتەۋ ءتۇرى جاڭادان قوسىلادى، ەمدەۋدى قامسىزداندىرۋ قاراجاتىنان تولەۋ ولشەمى جەكە - جەكە 40 يۋان، 59 يۋان، 66 يۋان بولادى.
ءارقايسى جەرلەر ءبىرتۇتاس جوسپارلاپ جەرگىلىكتى ورىنداعى وتباسىلىق شيپاگەردىڭ توقتام بويىنشا قىزمەت وتەۋ ورەسىنە نەگىزدەلە وتىرىپ، قىزمەت وتەۋ ءتۇرىنىڭ مازمۇنى مەن ەمدەۋدى قامسىزداندىرۋ قاراجاتىنان اقى تولەۋ ولشەمىن ۇيلەسىمدى رەتتەۋىنە بولادى. وتباسىلىق شيپاگەردىڭ توقتام بويىنشا قىزمەت وتەۋىنە ەمدەۋدى قامسىزداندىرۋ قاراجاتىنان اقى تولەۋ ولشەمى جوعارىلاتىلعان سوڭ، مەجەمەن ءار جىلى ەمدەۋدى قامسىزداندىرۋ قاراجاتىنان جۇمسالاتىن شىعىم 300 ميلليارد يۋان جوعارىلايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
