قۇرىلىس جۇرگىزۋ شەشۋشى مەزگىلىن مىقتى يگەرىپ، جىلدىق نىسانانى ورىنداۋعا قۇلشىندى
شينجياڭداعى ءتۇيىندى نىسان قۇرىلىستارىنىڭ ”ىلگەرىلەۋ كورسەتكىشى“ ءۇرتىس جاڭالاندى
□ انار بۇلت \ شينجياڭ گازەتىنىڭ ءتىلشىسى شى شين
2023.12.05 16:25 كەلۋ قاينارى : شينجياڭ گازەتى
جىل سوڭى تايادى، شينجياڭنىڭ ءتۇرلى ءتۇيىندى نىسان قۇرىلىسى قۇرىلىس جۇرگىزۋدىڭ شەشۋشى مەزگىلىن مىقتى يگەرىپ، ىركەس - تىركەس ”تەز ىلگەرىلەۋ تەتىگىن“ باسىپ، ۋاقىتپەن جارىسىپ، قارقىندى تەزدەتىپ، جىلدىق بەلگىلەنگەن نىسانانى ورىنداۋعا بار كۇشپەن قۇلشىندى.
12 - ايدىڭ 1 - كۇنى اقسۋ وزەنىنىڭ جوعارعى اعارىنداعى قۇمارىق وزەنىندەگى داشىشيا سۋ يگىلىگى تورابى ينجەنەرياسىنىڭ قۇرىلىس جۇرگىزۋ ورنىندا ماشينالار گۇرىلدەپ، ادامدار قايشالىسىپ، قاۋىرت قۇرىلىس جۇرگىزىپ جاتقان كورىنىس مەن مۇندالايدى.
شينجياڭ گىجوۋبا داشىشيا سۋ يگىلىگى تورابىن اشۋ شەكتى سەرىكتەستىگىنىڭ باس ەكونوميسى ۋ حايجين بىلاي دەپ تانىستىردى: 2023 - جىلدىق جوسپار ورنالاستىرۋى بويىنشا، داشىشيا سۋ يگىلىگى تورابى ينجەنەرياسى تۇراقتاندىرعان ينجەنەريا قۇرىلىسنىڭ ماڭىزدى بۋىنى جيىنى 8 ءتۇرلى، تۇگەلدەي ءدال ۋاعىندا نەمەسە مەرزىمىنەن بۇرىن ورىندالادى، مۇندا توسپانىڭ توسپانى تىندىرۋ بيىكتىگى جىلدىق نىسانامەن سالىستىرعاندا 20 مەتر بيىك.
”قۇرىلىس جۇرگىزۋدىڭ شەشۋشى مەزگىلىن مىقتى يگەرۋگە تاباندى بولىپ، جەڭىسپەن ىلگەرىلەپ، تاعى دا تاماشا ناتيجە جاراتامىز“. ۋ حايجين بىلاي دەدى: كەيىن جالپى اياق الىس جوسپارىنداعى تالاپ بويىنشا، قىس ماۋسىمىنداعى قۇرىلىس جۇرگىزۋدىڭ ءتۇرلى قامتاماسىزدىق شارالارىن كۇشەيتىپ، سول جەردىڭ وزىندە سايكەستىرۋ، بايلىقتى ورنالاستىرۋ، ءوندىرىستى رەتتەۋ سياقتىلاردى ۇزدىكسىز كۇشەيتىپ، قۇرىلىس جۇرگىزۋ جوسپارى مەن جۇمىس ءتارتىبىن ءتۇيىلىستىرۋدى ۇيلەسىمدى تۇراقتاندىرىپ، كەيىنگى نىسانعا قارجى قوسۋ، ينجەنەريا قۇرىلىسى جانە ءوندىرىس تيجاراتى قىزمەتىن ىلگەرىلەتۋگە نەگىز قالايمىز.
سول كۇنى حىجيڭ اۋدانىنداعى شينجياڭ قورعۇت سۋ ەلەكتر ستانسياسى ينجەنەريا قۇرىلىسى قاۋىرت جۇرىلۋدە. بۇل ينجەنەريا − شينجياڭنىڭ ”14 - بەسجىلدىعىنداعى“ ءتۇيىندى سۋ ەلەكتر اشۋ نىسانى، قايدۋ وزەنى ورتا اعارىنىڭ وزەن بولىگىندە جوسپارلانعان ”ەكى قويما، جەتى دارەجەلى“ اشۋ جوباسىنداعى 3 - دارەجەلى ەلەكتر ستانسياسى ءارى مەملەكەتتىك ەنەرگيا قارجى قوسۋ توبى شەكتى جاۋاپكەرشىلىك سەرىكتەستىگىنىڭ شينجياڭداعى ەڭ ۇلكەن سالىنىپ جاتقان داعدىلى سۋ ەلەكتر نىسانى.
”قازىر وسى ينجەنەريانىڭ 2023 - جىلدىق بۋىنىنداعى نىسانا - مىندەتتەر تۇگەلدەي ورىندالىپ بولدى“. مەملەكەتتىك ەنەرگيا توبى شينجياڭ قايدۋ وزەنى الابى سۋ ەلەكتر اشۋ شەكتى سەرىكتەستىگىنىڭ نىسان جاۋاپتىسى بيان گۋاڭلي بىلاي دەپ تانىستىردى: سەرىكتەستىك ينجەنەريا ساپاسى تومەنگى شەگىن جانە قۇرىلىس جۇرگىزۋ حاۋىپسىزدىك قىزىل سىزىعىن ۇزدىكسىز قاتاڭ ساقتاپ، نىسان قۇرىلىسىن جوعارى ساپامەن، جوعارى ولشەممەن ىلگەرىلەتىپ، قىس ماۋسىمىندا قۇرىلىستى حاۋىپسىز جۇرگىزۋدى ورنىقتى ىلگەرىلەتىپ، وسى جىل ىشىندە تۇڭعىش توراپ سول جاق جاعا توسپا تيەگى بولىگىنىڭ نەگىزدىك بەتون قۇيىلعان قۇرىلىسىن 12 مىڭ تەكشەمەترگە جەتكىزىپ، قۇرىلىس جۇرگىزۋ تارماق ۇڭگىرىن تاعى 150 مەتر قازىپ، نەگىزگى ۇڭگىردى تاعى 500 مەتر قازۋ جوسپارلاندى، زاۆود ءۇيىنىڭ تاعان شۇڭقىرى تۇگەلدەي قازىلىپ بولىپ، نىسان قۇرىلىسىنىڭ ىلگەرىلەۋ كورسەتكىشى ءۇرتىس جاڭالاندى.
وسى 2 كۇندە اۆتونوميالى رايوندىق پارتكوم پارتيا مەكتەبى (اۆتونوميالى رايوندىق اكىمشىلىك شۋەيۋانى) جاڭا مەكتەپ رايونى قۇرىلىس نىسانىنىڭ جۇمىس باسىندا بولمە ءىشى - سىرتىنىڭ ءتۇرلى جۇمىسىن ىستەيتىن جۇمىسشىلار تۇگەلدەي جىلى ماقتالى شاپان كيدى.
اتالعان نىساندى جۇڭگو قۇرىلىس توبى شەكتى سەرىكتەستىگى شينجياڭ جيانگۇڭ (توبى) شەكتى سەرىكتەستىگى مىندەتىنە العان. قازىر نىساننىڭ ءبىرىنشى قۇرىلىس بولىگىنىڭ 12 وقۋشىلار جاتاقحاناسىنىڭ 5 جاق الدىن الا تەكسەرىپ وتكىزىپ الۋى ورىندالىپ بولدى. نىساننىڭ ەكىنشى قۇرىلىس بولىگى بيىل جىل سوڭىندا سالىنىپ بىتەدى دەپ جوسپارلانعان، قازىر 9 عيماراتتىڭ دارا تۇلعا قۇرىلىمىن بەكەمدەۋ، جاڭادان سالىناتىن ءىشىنارا نەگىزگى تۇلعا قۇرىلىسى، بولمەنىڭ سىرتقى بەتىنىڭ سۋ وتكىزبەيتىن قۇرىلىسى، 2 - رەتكى قۇرىلىم، بولات قۇرىلىمىنىڭ قۇرىلىس جۇرگىزۋى ورىندالىپ بولدى؛ ماشينا - ەلەكتر جابدىقتارىن ورناتۋ جانە بولمە ءىشىن اشەكەيلەۋ قۇرىلىسى جۇرىلۋدە. نىساننىڭ ءۇشىنشى قۇرىلىس بولىگى دە بىردەي قاۋىرت قۇرىلىس جۇرگىزۋدە ءارى ينجەنەرياعا ۇلكەن ءپىشىندى ىشىنە ورنالاستىرىلاتىن جىلۋ ساقتاۋ جۇيەسى جانە وزدىگىنەن جىلۋ ساقتايتىن كوبىكتەندىرىلگەن كەرپىش پايدالانىلىپ، نىساندى ۋاعىندا وتكىزىپ بەرۋگە قىرۋار ۋاقىت ۇنەمدەدى.
نىساننىڭ جۇمىس باسى جاۋاپتىسى بىلاي دەدى: ءبىز قاتاڭ جوسپار ورنالاستىرۋ، بايلىقتى سايكەستىرۋ جانە بارىستى باقىلاۋ - باسقارۋ ارقىلى ۋاعىندا وتكىزىپ بەرۋگە ءارى جوعارى ساپالى بولۋىنا شىنايى كەپىلدىك ەتتىك.
بيڭتۋان 3 - شىسى تۇمسىق قالاسىنىڭ ساۋحۋ قالاشىعىندا شينجياڭ بەيشين يانتۋ ينجەنەريا بارلاۋ، جوبالاۋ شەكتى سەرىكتەستىگى سالعان كونە قالا رايونى جولى جانە قۇبىر جولىنىڭ دارەجەسىن جوعارىلاتۋ، وزگەرتۋ نىسانى جەدەل جۇرىلۋدە. ”جۇمىس مەرزىمى جوسپارى بويىنشا مىندەتتى ورىنداۋعا سەنىمىمىز كامىل“. بەيشين يانتۋ سەرىكتەستىگىنىڭ ساۋحۋ قالا قۇرىلعىلارى نىسانى ديرەكتور ءبولىمىنىڭ ديرەكتورى ياۋ جيانحۋا بىلاي دەدى: نىسان ءبولىمى ءتۇيىن نىساناسىن قاداعالاپ، قىس ماۋسىمىنداعى قۇرىلىس جۇرگىزۋ جوباسىن الدىن الا قۇراستىرىپ، قىس ماۋسىمىنداعى قۇرىلىس جۇرگىزۋ مىندەتىن ەگجەي - تەگجەيلى ءبولىپ جانە جوسپارلاپ، قار - مۇزدى اۋا رايىندا دايىندىق بولۋعا، توتەپ بەرۋگە شىنايى كەپىلدىك ەتىپ، كوپ شارانى قاتار قولدانىپ نىسان بۋىنىن قامتاماسىزداندىرىپ، تۇتاس جىلدىق نىسانا - مىندەتتەردىڭ شەشۋشى شايقاسىنىڭ شەشۋشى جەڭسىنە قول جەتكىزەمىز.
ءتورتىنشى ماۋسىمعا اياق باسقاننان بەرى، شينجياڭ نۇڭفۋ بازاسى ماناس ازىق - تۇلىك شەكتى سەرىكتەستىگىنىڭ جىلدىق ءونىم مولشەرى 306 مىڭ توننا كەلەتىن تابيعي اۋىز سۋ ءوندىرىس جەلىسى قۇرىلىس نىسانى ۇزدىكسىز قاۋىرت قۇرىلىس جۇرگىزۋدە. شينجياڭ نۇڭفۋ بازاسى ماناس ازىق - تۇلىك شەكتى سەرىكتەستىگىنىڭ جاۋاپتىسى جوۋ يۇڭچىڭ بىلاي دەپ تانىستىردى: 11 - ايدىڭ باس شەنىندە نىساننىڭ توپىراق قۇرىلىسى تۇگەلدەي ورىندالىپ بولدى، قازىر بولمە ءىشى سايكەستى قۇرىلعىلارىنا جانە ۇساق - تۇيەك قۇرىلىس جۇمىستارىنا اۋىسىپ، كەلەر جىلعى بىرلەسىپ ارەكەتتەنىپ سىناپ كورۋگە جانە وندىرىسكە قوسىلۋعا ءتۇرلى دايىندىق جۇمىستارى ويداعىداي ىستەلۋدە.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
