حان جىڭ ”2023 سۇڭدۋ حالىقارالىق تالقى مىنبەرىنىڭ“ اشىلۋ سالتىنا قاتىناستى ءارى ارناۋ ءسوز سويلەدى
2023.12.05 16:51 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 4 – كۇنى، گۋاڭجوۋ. مەملەكەت ءتوراعاسىنىڭ ورىنباسارى حان جىڭ 12 - ايدىڭ 4 - كۇنى گۋاڭجوۋدا ”2023 سۇڭدۋ حالىقارالىق تالقى مىنبەرىنىڭ“ اشىلۋ سالتىنا قاتىناستى ءارى ارناۋ ءسوز سويلەدى. تالقى مىنبەرى الدىمەن ءتوراعا شي جينپيڭنىڭ قۇتتىقتاۋ حاتىن وقىدى.
حان جىڭ مىنانى ءبىلدىردى: ءتوراعا شي جينپيڭ كوپ جاقتىلىقتىڭ ماڭىزدى ءمانىن تەرەڭ ءتۇسىندىرىپ، ءبىزدىڭ ناعىز كوپ جاقتىلىقتى قورعاۋىمىزعا جانە امالياتتا ايگىلەۋىمىزگە ايقىن باعدار كورسەتتى. قازىرگى جاعدايدا ءبىز كوپ جاقتىلىقتىڭ وزەكتى قۇنى مەن نەگىزگى پرينسيبىندە تاباندى بولۋعا، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋ كوزقاراسىن امالياتتا ايگىلەۋگە بۇرىنعى ءارقانداي كەزدەگىدەن دە مۇقتاجبىز.
ءبىرىنشى، پارىقتاردى ساقتاپ، ورتاقتىققا ۇمتىلۋ العى شارتىندا بەيبىت قاتار تۇرىپ، تەڭ تۇرعىدا اۋىس - كۇيىس جاساۋ بارىسىندا توعىسپالى دامىپ، ءوزارا ۇلگى الۋ نەگىزىندە بىرگە العا باسۋ كەرەك. ادامزاتتىڭ تاعدىرلاس ورتاق تۇلعاسى ۇستانىمىنىڭ جەتەكشىلىگىندە، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن تياناقتاندىرۋدى ىلگەرىلەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ كەرەك.
ەكىنشى، كەڭەسۋ، ورتاق تانىم نەگىزىندە دۇنيە ءجۇزىن جونگە سالۋدىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتىپ، دۇنيە جۇزىنە اناعۇرلىم كوپ ورنىقتىلىق جانە وڭ ەنەرگيا ۇستەۋ كەرەك. زورەكەرلىك پەن وكتەمدىك ساياسيعا، كوپ جاقتىلىقتى جەلەۋ ەتىپ سىڭار جاقتىلىق جۇرگىزۋگە قارسى تۇرۋ كەرەك.
ءۇشىنشى، جاھاندانۋدىڭ دۇرىس بەتالىسىندا تاباندى بولىپ، قورعانىمپازدىققا جانە ”اجىراۋعا، تىزبەكتى ۇزۋگە“ قارسى تۇرىپ، ءوزارا ءتيىمدى سەلبەستىك تابىسىن زورايتىپ، دۇنيە ءجۇزى ەكونوميكاسىنىڭ قالپىنا كەلۋىنە اناعۇرلىم كوپ قوزعاۋشى كۇش ۇستەۋ كەرەك. تىلدەسۋدە، كەڭەسۋدە تاباندى بولىپ، قولامتالى ماسەلەلەردى ساياسي جولمەن شەشۋدى ىلگەرىلەتىپ، حاۋىپ - قاتەر مەن سىن - سايىستقا بىرگە توتەپ بەرۋ كەرەك.
حان جىڭ بىلاي دەپ دارىپتەدى: جۇڭگو − كوپ جاقتىلىقتى دارىپتەۋشى، ونان دا ماڭىزدىسى، امالياتتا ايگىلەۋشى، قازىر جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە. ءبىز بەيبىت دامۋ جولىمەن جۇرۋدە، ساپالى دامۋدا، جوعارى دەڭگەيدە ەسىك اشۋدا تاباندى بولامىز، ءار ەلمەن قول ۇستاسا وتىرىپ ادامزاتتىڭ اناعۇرلىم كوركەم بولاشاعىن بىرگە جاراتۋدى قالايمىز.
حۋاڭ كۇنميڭ اشىلۋ سالتىنا قاتىناستى.
تالقى مىنبەرىن جۇڭگو حالىق سىرتپەن دوستاسۋ قوعامى، اۆستراليا - جۇڭگو دوستىق اۋىس - كۇيىس قوعامى، گۋاڭدۇڭ ولكەلىك حالىق ۇكىمەتى جانە دۇنيە جۇزىلىك جەتەكشىلەر وداعى بىرگە وتكىزدى. 40 نەشە ەلدىڭ بۇرىنعى ساياسي قايراتكەرلەرى، حالىقارالىق ۇيىمداردىڭ جاۋاپتىلارى، سونداي - اق شەتەلدىڭ جۇڭگودا تۇراتىن ەلشىلەرى، مامان – وقىمىستىلارى ”كوپ جاقتىلىق: اناعۇرلىم كوپ اۋىس - كۇيىس، اناعۇرلىم كوپ سيىسىمدىلىق، اناعۇرلىم كوپ سەلبەستىك“ نەگىزگى تاقىرىبىن ارقاۋ ەتە وتىرىپ ىشكەرىلەي زەرتتەۋ - تالقى ورىستەتتى.
كەلۋ قاينارى: حالىىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
