قارادىشي جينپيڭ بەلورۋسسيانىڭ زۇڭتۇڭى لۋكاشەنكومەن كەزدەستى
2023.12.05 16:43 كەلۋ قاينارى : حالىق تورابى
 |
12 - ايدىڭ 4 - كۇنى مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە بەلورۋسسيانىڭ زۇڭتۇڭى لۋكاشەنكومەن كەزدەستى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 12 - ايدىڭ 4 - كۇنى، بەيجيڭ (ءتىلشى سۇن ي). 12 - ايدىڭ 4 - كۇنى مەملەكەت ءتوراعاسى شي جينپيڭ دياۋيۇيتاي مەملەكەتتىك قوناق ۇيىندە بەلورۋسسيانىڭ زۇڭتۇڭى لۋكاشەنكومەن كەزدەستى.
شي جينپيڭ بىلاي دەپ اتاپ كورسەتتى: بيىل 2 – ايدىڭ سوڭىندا زۇڭتۇڭ مىرزا جۇڭگودا مەملەكەتتىك ساپاردا بولدى، ءبىز جۇڭگو - بەلورۋسسيا قارىم - قاتىناسىنىڭ جوعارى دەڭگەيدە دامۋىن ىلگەرىلەتۋ جونىندە ماڭىزدى ورتاق تانىمعا كەلدىك. ءبىر جىلدان بەرى ەكى ەلدىڭ ساياسي سەنىمدىلىگى اناعۇرلىم بەكەمدەلىپ، حالىقارالىق سەلبەستىگى اناعۇرلىم جيىلەي ءتۇستى. جۇڭگو جاق جۇڭگو - بەلورۋسسيا قارىم - قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاساپ، بەلورۋسسيانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، سىرتقى كۇشتەردىڭ بەلورۋسسيانىڭ ىشكى ىسىنە كيلىگۋىنە قارسى تۇرادى. جۇڭگو جاق بەلورۋسسيا جاقپەن ستراتەگيالىق سەلبەستىكتى ۇزدىكسىز كۇشەيتىپ، ءوزارا قولداۋدى بەكەمدەپ، ناقتى سەلبەستىكتى ىلگەرىلەتىپ، جۇڭگو - بەلورۋسسيا قارىم - قاتىناسىن ۇزدىكسىز تەرەڭدەتۋدى قالايدى.
شي جينپيڭ بىلاي دەپ دارىپتەدى: 10 جىلدىڭ الدىندا مەن ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعان ەدىم، قازىر 150 دەن استام مەملەكەت سەلبەستىككە ات سالىستى. تاياۋدا مەن جۇڭگونىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولداۋداعى 8 ءتۇرلى ارەكەتىن العا قويدىم، بەلورۋسسيا جاقتىڭ ۇزدىكسىز بەلسەنە ات سالىسۋىن، ونان اناعۇرلىم كوپ ناقتى دامۋ ورايىنا يە بولۋىن قارسى الامىن. ەكى جاق جۇڭگو - بەلورۋسسيا ونەركاسىپ باقشاسى سياقتى نىسانداردى ويداعىداي اتقارىپ، جۇڭگو - بەلورۋسسيا ونەركاسىپ سەلبەستىگىنىڭ اناعۇرلىم كوپ تابىستارعا قول جەتكىزۋىن ىلگەرىلەتۋى كەرەك. ەكى جاق شەكارا اتتاعان تاسىمالدىڭ قولايلىلانۋ دەڭگەيىن جوعارىلاتىپ، ەكونوميكا – ساۋدانى جانە ادامداردىڭ بارىس - كەلىسىن جەبەۋى كەرەك. مادەنيەت كۇنى قيمىلىن مەرزىم بويىنشا ءوزارا وتكىزىپ، وقۋ - اعارتۋ، دەنساۋلىق ساقتاۋ، دەنە تاربيە، ساياحات سەلبەستىگىن كەڭەيتىپ، ەكى ەل جاستارىنىڭ اۋىس - كۇيىس، سەلبەستىك ورىستەتۋىن قولداپ، ەكى ەل حالىقتارىنىڭ ءوزارا ءتۇسىنىسۋى مەن دوستىعىن كۇشەيتۋ كەرەك. جۇڭگو مەن بەلورۋسسيا _ دۇنيە جۇزىلىك جونگە سالۋ جۇيەسى رەفورماسى مەن قۇرىلىسىنا ات سالىساتىن ماڭىزدى كۇش. جۇڭگو جاق بەلورۋسسيا جاقپەن بىرلەسكەن مەملەكەتتەر ۇيىمى، شاڭحاي سەلبەستىك ۇيىمى سياقتى كوپ جاقتى مەحانيزمدە سايكەسۋ مەن سەلبەسۋدى كۇشەيتىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن تياناقتاندىرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
لۋكاشەنكو مىنالاردى ءبىلدىردى: ءتوراعا شي جينپيڭنىڭ باسشىلىعىندا، جۇڭگونىڭ دامۋى وراسان زور تابىستارعا قول جەتكىزدى، ءبىر ميلليارد 400 ميلليوننان استام جۇڭگو حالقى باقىتتى تۇرمىس كەشىرىپ، دۇنيە جۇزىنە ماڭىزدى ۇلەس قوستى. ءتوراعا شي جينپيڭنىڭ ەل باسقارۋداعى تابىستى تاجىريبەلەرى ءار جاقتى يگىلىككە كەنەلتتى، ۇيرەنۋگە، ۇلگى الۋعا تاتيدى. بەلورۋسسيا جۇڭگونىڭ ۇزدىكسىز دامىپ قۇدىرەتتەنۋىن شىن جۇرەكتەن ءۇمىت ەتەدى، بۇل بۇكىل دۇنيە ءجۇزىنىڭ بەيبىتشىلىك، العا باسۋ ىستەرىنە ءتيىمدى. بەلورۋسسيا جۇڭگومەن دوستىق قارىم - قاتىناسىن تاباندىلىقپەن دامىتادى، جۇڭگومەن جوعارى جىكتەگىلەردىڭ بارىس - كەلىسىن جيىلەتىپ، ءوزارا قولداۋدى بەكەمدەپ، ءوزارا ءتيىمدى سەلبەستىكتى تەرەڭدەتىپ، حالىقارالىق جانە كوپ جاقتى ستراتەگيالىق سەلبەستىكتى كۇشەيتىپ، بەلورۋسسيا مەن جۇڭگونىڭ بارلىق جاعدايدا بىردەي جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. بەلورۋسسيا جاق ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ سياقتى دۇنيە جۇزىلىك باستامالاردىڭ حالىقارالىق قوعامنىڭ ورتاق تانىمى مەن سەلبەستىگىن شىن مانىندە ۇيىستىراتىن ۇلى ءىس ەكەنىنە كامىل سەنەدى، ۇزدىكسىز بەلسەنە ات سالىسامىز.
ەكى ەل مەملەكەت باسشىلارى ۋكراينا داعدارىسى سياقتى ماسەلەلەر جونىندە پىكىر اۋىستىردى.
ساي چي، ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
