شينجياڭ قاشقار: كوزەشى جارباسىنىڭ وزگەشە گۋمانيتارلىق سالت ـ ساناسىن سەزىنۋ
2023.12.05 15:51 كەلۋ قاينارى : حالىق تورابى
سۋرەتتە: كوزەشى جارباسىنىڭ توپىراقتان سالعان قۇرىلىسى. حالىق تورابىنىڭ ءتىلشىسى مانەپ ەربول ۇلىنىڭ فوتوسى
حالىق تورابىنىڭ 11 – ايدىڭ 29 – كۇنى قاشاردان بەرگەن حابارى (ءتىلشى داۋرنا، مانەپ ەربول ۇلى) تاياۋدا، ”جۇڭحۋا ۇلتى ورتاق تۇلعا تانىمىن بەكەمدەۋ“ اتىنداعى داۋجۇڭحۋا 2023 – جىلعى شەكارا رايون ساپارى قيمىلى شينجياڭنىڭ قاشقارىنداعى كوزەشى جارباسىنا بارىپ، قويۋ ۇلتتىق سالت - سانا مەن تاريحي لەپتى سەزىندى.
كوزەشى جارباسى — قاشقار قالاسى ءتۇمان وزەنىنىڭ باتىس جاعالاۋىنداعى بيىكتىگى 40 مەتر، ۇزىندىعى 800 مەتر كەلەتىن جالاما جارتاسقا ورنالاسقان، يەلەگەن جەرى 4.45 گەكتار، قاشقار مەملەكەتتىك تاريحي مادەنيەت قالاسى بەيزاتتىق مادەنيەت مۇرالارىنىڭ ماڭىزدى شوعىرلى كورمە رايونى.
كوزەشى جارباسى قاشقار مەملەكەتتىك تاريحي مادەنيەت ايگىلى قالاسىنىڭ 5 بولەك تاريحي مادەنيەت كوشەسىندەگى ماڭىزدى بايىرعى ەكولوگيالىق كوشە رايونى، سونداي - اق قاشقاردىڭ قازىرگى كولەمى ەڭ ۇلكەن توپىراقتان سالىنعان قۇرىلىس شوعىرى، وندا وڭتۇستىك شينجياڭداعى وزەن اڭعارىنداعى تەكشەلەردىڭ ”سول جەردىڭ وزىنەن ماتەريال الۋ، جەرگىلكتى جاعدايعا قاراي ءىس كورۋ“ سىندى تۇرعىن ءۇي ەرەكشەلىگى شوعىرلى بەينەلەنگەن. جەرگىلىكتى تۇرعىنداردىڭ وزگەشە قۇرىلىس سالۋ، كەڭىستىكتى كەڭەيتۋ اقىل - پاراساتىن ايگىلەگەن. ءيىر – قيىر كوشە جولدارى، تار كوشەلەر، قولونەر شەبەرحانالارى ءجيى كەزدەسەدى، حالىق سانىنىڭ ارتۋى سياقتى فاكتورلاردىڭ ىقپالىنان تۇرعىندار تۇراعى بىرتىندەپ جوعارى كەڭىستىككە قاراي دامىعان، مۇنىڭ ىشىندە ”كوشەدەن وتەتىن عيمارات“، ”جارتى عيمارات“، ”اسپا عيمارات“ سياقتى ەرەكشە قۇرىلىس فورمالارى از ەمەس. قۇرىلىس شوعىرى مەن جەر بەدەرىنىڭ توعىسۋىنان قالىپتاسقان اسپان جيەگىنىڭ سۇلباسى ايقىش - ۇيقىش بولىپ، قاشقار مەملەكەتتىك تاريحي مادەنيەت ايگىلى قالاسىنىڭ بوگەنايى بولەك وزگەشە كورىنسىنە اينالعان.
ۇعىسۋعا قاراعاندا، مەملەكەت دارەجەلى بەيزاتتىق مادەني مۇرا بولعان قىش بۇيىمدارىنا ۋاكىلدىك ەتەتىن ءتۇرلى قولونەر بۇيىمدارى وسى اراعا شوعىرلانعان. كوزەشى جارباسىنىڭ شاعىن كوشەلەرىندەگى ءاربىر ەسىك تۇگەلدەي ەرەكشە قولونەر كورمە سارايىنا باستايدى دەۋگە بولادى. قىش ىدىستارى، تەرى مالاقاي، اعاش بۇيىمدار، شاي، ەتىكشىلىك، توقىماشىلىق، تاس كەرپىش ويماسى قاتارلىلاردىڭ ءبارى بار. بۇل جەر قولونەر شەبەرلەرىنىڭ جۇمىس جاسايتىن جەرى، سونىمەن بىرگە سىرتتان كەلگەن ساياحاتشىلاردىڭ بەيزاتتىق مادەني مۇرالار مەن قولونەر بۇيىمدارىن تاماشالايتىن جەرى.
قازىر اتقارىلىپ جاتقان كوزەشى جارباسى تاريحي مادەنيەت كوشە رايونىن قورعاۋ، پايدالانۋ ينجەنەرياسى — شىنايى قورعاۋ مەن بەت - بەينەنى قورعاۋدى ۇشتاستىرۋ پرينسيبىنە تاباندى بولىپ، تاريحي تۇرعىن ءۇي، ءداستۇرلى بەت - بەينە قۇرىلىسى سياقتىلاردى جەرگىلىكتى جاعدايعا قاراي تۇتاس تۇلعالىق جاقتان قورعاۋ، جوعارىلاتۋ نەگىزىندە مادەنيەت، ساياحات كاسىبىن لايىقتى ەنگىزگەن، كوزەشى جارباسى بايىرعى وركەنيەتى مەن باي مازمۇندى مادەنيەتىن جالعاستىرىپ، قاشقار كوزەشى جارباسىنىڭ باياندى دامۋىن جۇزەگە اسىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
