لي چياڭ سينگاپۋر زۇڭليىنىڭ ورىنباسارى، قوسىمشا قازىنا مينيسترى حۋاڭ شۇنسايمەن كەزدەستى
2023.12.07 16:31 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 6 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 12 - ايدىڭ 6 - كۇنى تۇستەن بۇرىن حالىق سارايىندا جۇڭگوعا ساپارلاي كەلگەن سينگاپۋر زۇڭليىنىڭ ورىنباسارى، قوسىمشا قازىنا مينيسترى حۋاڭ شۇنسايمەن كەزدەستى.
لي چياڭ مىنالاردى ءبىلدىردى: بيىل − جۇڭگو مەن سينگاپۋر جونىنەن ماڭىزدى مانگە يە ءبىر جىل. ءتوراعا شي جينپيڭ لي شيانلۇڭ زۇڭليمەن بىرگە جۇڭگو - سينگاپۋر قارىم - قاتىناسىن جان - جاقتى، ساپالى بولجامپازدىق سەرىكتەستىك قارىم - قاتىناس دەڭگەيىنە كوتەرەتىنىن جاريالادى. ەكى جاقتىڭ ءار سالاداعى سەلبەستىگى پارمەندى ىلگەرىلەپ، جاڭا بەينە، جاڭا ومىرشەڭدىك كۇش، جاڭا تىرشىلىك تىنىسى ۇزدىكسىز ايگىلەندى. بولاشاققا كوز جىبەرسەك، جۇڭگو سينگاپۋرمەن بىرگە ەكى ەل باسشىلارىنىڭ ستراتەگيالىق جەتەكشىلىگىنە بويسۇنىپ، ەكى ەل قارىم - قاتىناسىنا وڭىرلىك جانە دۇنيە جۇزىلىك تۇرعىدان مامىلە جاساپ، ”جان - جاقتى“، ”ساپالى“، ”بولجامپازدىق“ ورنىن ويداعىداي يگەرىپ، جوعارى دەڭگەيلى ستراتەگيالىق ءوزارا سەنىمدىلىكتە تاباندى بولىپ، ساپالى ءوزارا ءتيىمدى سەلبەستىكتى ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتىپ، ءوڭىردىڭ ورنىقتىلىعى، گۇلدەنۋى ءۇشىن اناعۇرلىم زور ۇلەس قوسۋدى قالايدى.
لي چياڭ بىلاي دەپ اتاپ كورسەتتى: جۇڭگو سينگاپۋرمەن جوعارى جىكتەگىلەردىڭ تىعىز بارىس - كەلىسىن ساقتاپ، دامۋ ستراتەگياسىن ۇشتاستىرۋدى تەرەڭدەتىپ، ەركىن ساۋدا كەلىسىمىنىڭ دارەجەسىن ونان ارى جوعارىلاتۋدى وراي ەتىپ، جۇڭگو - سينگاپۋر سەلبەستىگىنىڭ ساپاسىن، دارەجەسىن جوعارىلاتۋدى ىلگەرىلەتىپ، سيفرلى ەكونوميكا، جاسىل دامۋ، فينانستىق قىزمەت وتەۋ، تەڭىز - مۇحيت ەنەرگياسىنان پايدالانۋ سياقتى سالالاردا اناعۇرلىم كوپ تابىستارعا قول جەتكىزىپ، قۇرلىق - تەڭىز جاڭا ارناسى قۇرىلىسىن ىلگەرىلەتىپ، گۋمانيتارلىق اۋىس - كۇيىستى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سەلبەستىگىندە ۇزدىكسىز الدىڭعى لەكتە ءجۇرۋدى قالايدى. جۇڭگو سينگاپۋر سياقتى وڭىردەگى ەلدەرمەن ىنتىماقتى، سەلبەستىكتى كۇشەيتىپ، جۇڭگو - شىعىس وڭتۇستىك ازيا وداعى ەركىن ساۋدا رايونىنىڭ 3.0 باسىلىمى كەلىسسوزىن جەدەل ىلگەرىلەتىپ، وڭىرلىك ءبىر تۇلعالانۋعا ۇزدىكسىز تىڭ قوزعاۋشى كۇش قوسۋدى قالايدى.
حۋاڭ شۇنساي مىنانى ءبىلدىردى: ەكى ەل باسشىلارىنىڭ جەتەكشىلىگىندە، سينگاپۋر - جۇڭگو قارىم - قاتىناسىنىڭ دامۋ بەتالىسى جاقسى بولۋدا. سينگاپۋر جاق سينگاپۋر - جۇڭگو قارىم - قاتىناسىنا ايرىقشا ءمان بەرەدى، جۇڭگو جاقپەن جوعارى جىكتەگىلەردىڭ بارىس - كەلىسىن جيىلەتىپ، ەكونوميكا - ساۋدا، قارجى قوسۋ، جاسىل دامۋ، سيفرلى ەكونوميكا سياقتى سالالاردا ناقتى سەلبەستىكتى ىشكەرىلەي ىلگەرىلەتىپ، ءوڭىردىڭ بەيبىتشىلىگىن، ورنىقتىلىعىن جانە دامۋىن قورعاۋدا بەلسەندى رول اتقارىپ، سينگاپۋر مەن جۇڭگونىڭ جان - جاقتى، ساپالى، بولجامپازدىق سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
