حان جىڭ مەكسيكانىڭ سىرتقى ىستەر مينيسترى بارسەنامەن كەزدەستى
2023.12.07 16:34 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 6 - كۇنى، بەيجيڭ. 12 - ايدىڭ 6 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە مەكسيكانىڭ سىرتقى ىستەر مينيسترى بارسەنامەن كەزدەستى.
حان جىڭ مىنالاردى ءبىلدىردى: ءتوراعا شي جينپيڭ مەن لوپەس زۇڭتۇڭنىڭ ستراتەگيالىق جەتەكشىلىگىندە، جۇڭگو - مەكسيكا قارىم - قاتىناسى جوعارى دەڭگەيلى اينالىمدى ساقتاپ، ستراتەگيالىق، ءوزارا تولىقتاۋ جانە ءوزارا پايدا جەتكىزۋ سيپاتى ۇزدىكسىز كورنەكتىلەندى. بيىل − جۇڭگو مەن مەكسيكانىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقانىنىڭ 10 جىلدىعى، ەكى جاق ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ساياسي سەنىمدىلىكتى بەكەمدەپ، ءوزارا قولداۋدى بەكەمدەپ، ناقتى سەلبەستىكتى تەرەڭدەتىپ، حالىق تىلەگىنىڭ توعىسۋىن كۇشەيتۋى كەرەك، مەكسيكا جاقتىڭ ءوزىنىڭ دامۋ ستراتەگياسىن جۇڭگونىڭ كەلەلى ۇستانىمدارىمەن، باستامالارىمەن ۇشتاستىرىپ، جۇڭگو - مەكسيكا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋىن قارسى الامىز. حان جىڭ تاياۋدا مەكسيكانىڭ تىنىق مۇحيت جاعالاۋىنىڭ سۇراپىل داۋىل اپاتىنا ۇشىراۋىنا بايلانىستى حال سۇراپ، جۇڭگو جاقتىڭ مەكسيكا جاقتىڭ اپاتتان كەيىنگى قايتا قۇرۋىنا قولداۋ كورسەتەتىنىن جانە كومەك بەرەتىنىن ءبىلدىردى.
بارسەنا مىنانى ءبىلدىردى: جۇڭگو جاقتىڭ مەكسيكا جاق قيىنشىلىققا تاپ بولعاندا دەر كەزىندە قول ۇشىن بەرگەنىنە العىس ايتامىن. مەكسيكا جاق ءتوراعا شي جينپيڭ العا قويعان ءبىرقىدىرۋ كەلەلى ۇستانىمداردى، باستامالاردى ايرىقشا القايدى، جۇڭگو جاقپەن ەكى ەل مەملەكەت باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، ەكى جاقتى، كوپ جاقتى سايكەسۋدى، سەلبەسۋدى تەرەڭدەتىپ، مەكسيكا - جۇڭگو قارىم - قاتىناسىنىڭ ۇزدىكسىز دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
