لي شي لاوس حالىق توڭكەرىستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ءتارتىپ تەكسەرۋ كوميتەتىنىڭ شۋجيى، مەملەكەتتىك باقىلاۋ - تەكسەرۋ باس مەكەمەسىنىڭ باستىعى كانپانمەن كەڭەس وتكىزدى
2023.12.07 16:33 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 6 - كۇنى، بەيجيڭ. 12 - ايدىڭ 6 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي بەيجيڭدە لاوس حالىق توڭكەرىستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ءتارتىپ تەكسەرۋ كوميتەتىنىڭ شۋجيى، مەملەكەتتىك باقىلاۋ - تەكسەرۋ باس مەكەمەسىنىڭ باستىعى كانپانمەن كەڭەس وتكىزدى.
لي شي مىنالاردى ءبىلدىردى: جۇڭگو مەن لاوس تاۋ – سۋى تۇتاسقان، قول ۇستاسا بىرگە جۇرەتىن، تاعدىرلاس سوتسياليستىك دوس كورشىلەر. بيىل 10 - ايدا باس شۋجي شي جينپيڭ باس شۋجي تۇڭلۇنمەن ماڭىزدى كەڭەس وتكىزىپ، جۇڭگو - لاوس تاعدىرلاس ورتاق تۇلعاسى قۇرىلىسىنا تاماشا جوبا جاساپ، قۇدىرەتتى قوزعاۋشى كۇش قوستى. جۇڭگو جاق لاوس جاقپەن بىرگە ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن جەتەكشى ەتىپ، جوعارى جىكتەگىلەردىڭ بارىس - كەلىسىن جيىلەتىپ، ستراتەگيالىق قارىم - قاتىناستى كۇشەيتىپ، ەكى پارتيانىڭ باعىتتامالى تاراۋلارىنىڭ مەحانيزمدەنگەن بارىس - كەلىسىن كۇشەيتىپ، دامۋ ستراتەگياسىن ىشكەرىلەي ۇشتاستىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سياقتى سەلبەستىكتەردى كەڭەيتىپ، ەكى ەل حالىقتارىنىڭ ىرىس - قۇتىن ارتتىرۋدى قالايدى. جۇڭگو جاق لاوستىڭ شىعىس وڭتۇستىك ازيا ەلدەرى وداعى جانە حالىقارالىق، وڭىرلىك ىستەردە اناعۇرلىم زور رول اتقارۋىن قولدايدى، لاوس جاقپەن بىرگە باس شۋجي شي جينپيڭ العا قويعان ادامزاتتىڭ تاعدىرلاس ورتاق تۇلعاسى ۇستانىمىن جانە ”ءبىر بەلدەۋ، ءبىر جولدى“ بىرگە قۇرۋ باستاماسىن، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن تياناقتاندىرۋدى ىلگەرىلەتۋدى قالايدى.
لي شي جۇڭگو كوممۋنيستىك پارتياسىنىڭ پارتيانى جاپپاي قاتاڭ جونگە سالۋ جانە شىرىكتەسۋگە قارسى تۇرۋ قىزمەتىنىڭ جاعدايىن تانىستىرىپ، مىنانى ءبىلدىردى: باس شۋجي شي جينپيڭنىڭ ەل باسقارۋىنداعى ايقىن ەرەكشەلىگى پارتيانى جاپپاي قاتاڭ جونگە سالۋعا ايرىقشا ءمان بەرىپ، پارتيانىڭ وزىندىك توڭكەرىسى ارقىلى ۇلى قوعامدىق توڭكەرىسكە جەتەكشىلىك ەتۋىندە بولىپ وتىر. جۇڭگو كوممۋنيستىك پارتياسى لاوس حالىق توڭكەرىستىك پارتياسىمەن پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ تاجىريبەلەرىن اۋىستىرۋدى كۇشەيتىپ، شىرىكتەسۋگە قارسى تۇرۋدىڭ كوپ جاقتى مەحانيزمىندە پىكىرلەسۋدى، سايكەسۋدى تەرەڭدەتىپ، پاك جىبەك جولى قۇرىلىسىن بىرگە ىلگەرىلەتىپ، شەكارا اتتاعان شىرىكتەسۋ قىلمىستارىنا سەلبەسىپ سوققى بەرىپ، جۇڭگو - لاوس تاعدىرلاس ورتاق تۇلعاسى قۇرىلىسىن ىلگەرىلەتۋگە پارمەندى كەپىلدىك ازىرلەۋدى قالايدى.
كانپان مىنالاردى ءبىلدىردى: لاوس جاق جۇڭگو جاقتىڭ جۋىقتا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى سياقتى كەلەلى قيمىلداردى ءساتتى وتكىزگەنىن قىزۋ قۇتتىقتايدى. تالقى مىنبەرى كەزىندە باس شۋجي تۇڭلۇن باس شۋجي شي جينپيڭمەن لاوس - جۇڭگو تاعدىرلاس ورتاق تۇلعاسىن قۇرۋدىڭ جاڭا 5 جىلدىق ارەكەت جوسپارىنا قول قويىپ، لاوس - جۇڭگو قارىم - قاتىناسىنىڭ بولاشاق دامۋىنا ايقىن باعدار كورسەتتى، بۇل بەلەستىك مانگە يە. لاوس پارتياسى جۇڭگو كوممۋنيستىك پارتياسىمەن اراداعى تۋىسقاندىق سۇيىسپەنشىلىكتى قاستەرلەيدى، جۇڭگو جاقپەن ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن باتىل ويداعىداي تياناقتاندىرىپ، جوعارى جىكتەگىلەردىڭ بارىس - كەلىسىن جيىلەتىپ، ەل باسقارۋ تاجىريبەلەرىن اۋىستىرۋدى، ءوزارا ۇلگى الۋدى كۇشەيتىپ، لاوس - جۇڭگو تەمىر جولىنىڭ پاكتىك قۇرىلىسىن ىلگەرىلەتىپ، ءتارتىپ تەكسەرۋ، باقىلاۋ - تەكسەرۋ، شىرىكتەسۋگە قارسى تۇرۋ سياقتى سالالارداعى سەلبەستىكتى تەرەڭدەتىپ، ەكى پارتيانىڭ، ەكى ەلدىڭ قارىم - قاتىناسىنىڭ اناعۇرلىم زور دامۋعا قول جەتكىزۋىن جەبەۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
