حۋبەي: شەكارا سىرتىنداعى قۇمار ويناۋ توبىنىڭ 19 تىرەكتى مۇشەسى ەلگە قايتىپ كەلىپ ءوزىن مالىمدەدى
2023.12.07 16:22 كەلۋ قاينارى : حالىق تورابى
جۇڭگو اقپارات تورابىنىڭ 12 – ايدىڭ 6 – كۇنى ۋحاننان بەرگەن حابارى. ءتىلشىنىڭ 12 - ايدىڭ 6 - كۇنى حۋبەي ولكەلىك قوعام حاۋىپسىزدىگى مەڭگەرمەسىنەن ۇعىسۋىنشا، قوعام حاۋىپسىزدىگى مينيسترلىگى حالىقارالىق سەلبەستىك مەكەمەسىنىڭ ءبىرتۇتاس قولباسشىلىعىندا، حۋبەي ساقشى جاعى شەكارا اتتاعان ءبىر ءىرى توراپتا قۇمار ويناۋ دەلوسىنا حالىقارالىق زاڭ اتقارۋ سەلبەستىگىن ورىستەتكەن، قازىر دەلوعا قاتىستى 19 قىلمىس كۇماندىسى ەلگە قايتىپ كەلىپ ءوزىن مالىمدەگەن.
ۇعىسۋعا قاراعاندا، وسى شەكارا اتتاعان توراپتا قۇمار ويناۋ توبى شەكارا سىرتىندا ۇزاق ۋاقىت كوتەرمەگە الۋ، ءوزى تيجارات ەتۋ سياقتى تاسىلدەردەن پايدالانىپ، كوپتەگەن قۇمار ويناۋ تەكشەلەرىن ىسكە قوسىپ، جۇڭگو ازاماتتارىن توراپتا قۇمار ويناۋعا باۋراعان. قوعام حاۋىپسىزدىگى ورگاندارى ءۇرتىس قاتاڭ سوققى بەرۋ، ساياساتتىق قىسىم ءتۇسىرۋ، شەكارا سىرتىندا بىرلەسىپ زاڭ اتقارۋدىڭ سەسى قاتارلى ءبىرقىدىرۋ شارالاردى قولدانۋدىڭ ارقاسىندا، وسى توپتىڭ كوپتەگەن تىرەكتى اتاماندارى مەن تەحنيكتەرى اقىرى قارسىلاسۋدان باس تارتىپ، ەلگە قايتىپ كەلىپ ءوزىن مالىمدەدى.
وسى رەتكى ارەكەتتە شەكارا ءىشى ـ سىرتى سەلبەسىپ، الدىڭعى شەپ قىزمەت گرۋپپاسى جەرگىلىكتى ساقشىلارمەن تالاي رەت ينفورماتسيادان ورتاق يگىلىكتەنۋ، بىرلەسىپ سوققى بەرۋ، قىزمەتكەرلەردى قايتارۋ سياقتىلار جونىندە ۇشتاسىپ، ورتاق تانىمعا كەلدى ءارى بۇدان بىلاي شەكارا اتتاعان قىلمىستارعا سوققى بەرۋگە تاماشا نەگىز قالادى.
حۋبەي ولكەلىك قوعام حاۋىپسىزدىگى مەڭگەرمەسىنىڭ قاتىستى جاۋاپتىسى بىلاي دەدى: قوعام حاۋىپسىزدىگى ورگاندارى شەكارا اتتاعان قۇمار ويناۋ قىلمىسىنا باستان ـ اياق قاتاڭ سوققى بەرىپ، قىلمىستىلار توبىنىڭ باستى اتامانىن قاداعالاپ، اپاندى تالقانداپ، تىزبەكتى بۇزىپ، تالماۋ جەرىنە سوققى بەرىپ، شەكارا سىرتىندا قاشقىنداردى قۋعىنداۋ سياقتى حالىقارالىق زاڭ اتقارۋ سەلبەستىگىن ۇزدىكسىز ىشكەرىلەي ورىستەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
