”حالىقپەن ەتەنە جاقىن بولۋ“
− ”ءتورتتى نەگىزگى ساتىعا جەتكىزۋدىڭ“ شيفرىن اشۋ
شينحۋا اگەنتتىگىنىڭ تىلشىلەرى
2023.12.08 15:07 كەلۋ قاينارى : شينجياڭ گازەتى
35 جىلدىڭ الدىندا، سول كەزدە فۋجيان نيڭدى ايماقتىق پارتكومنىڭ شۋجيى بولىپ تۇرعان شي جينپيڭ جولداس پارتيانىڭ بۇقارالىق لۋشيانىنا تاباندى بولىپ، باسشى كادرلاردىڭ ”ءتورتتى نەگىزگى ساتىعا جەتكىزۋىن“ بار كۇشپەن دارىپتەدى ءارى ءوزى باس بولىپ قۇلشىنا ورىندادى −
”پارتيانىڭ لۋشيان، باعىت - ساياساتىن ۇگىتتەۋدى نەگىزگى ساتىعا جەتكىزۋ، تەكسەرىپ - زەرتتەۋدى نەگىزگى ساتىعا جەتكىزۋ، ارىز - ارمان قابىلداۋدى نەگىزگى ساتىعا جەتكىزۋ، جۇمىس باسىندا ءىس ءبىتىرۋدى نەگىزگى ساتىعا جەتكىزۋ كەرەك“.
”حالىقپەن ەتەنە جاقىن بولۋ كەرەك“.
شي جينپيڭ جولداس وسىلاي دەدى ءارى وسىلاي ىستەدى.
35 جىلدان بەرى فۋجيانداعى قالىڭ باسشى كادرلار ”ءتورتتى نەگىزگى ساتىعا جەتكىزۋگە“ ۇزاق ۋاقىت تاباندى بولدى ءارى ونى ۇزدىكسىز ساۋلەلەندىرە ءتۇستى، ءبىرىنشى شەپكە ىشكەرىلەي بارىپ ناقتى جاعدايدى ۇعىسىپ، ماسەلەلەردى تاۋىپ، ۇتىمدى شارالار قاراستىرىپ، دامۋدى جەبەپ، ءتۇرلى ىستەردىڭ دامۋىن جەبەيتىن پارمەندى كۇش قالىپتاستىردى.
تىلەكتەردى توعىستىرىپ، جاقىن جان اشىر بولدى. نيڭدىدان باستاۋ العان ”ءتورتتى نەگىزگى ساتىعا جەتكىزۋ“ سىندى وسى ماڭىزدى ءتۇزىم وراسان زور ءداۋىر قۇنىن جانە قۋاتتى ومىرشەڭدىك كۇشىن ايگىلەپ، فۋجياننىڭ بايتاق دالاسىندا ۇزدىكسىز جاڭا نۇر شۇعىلا شاشتى.جالعاستىرۋ، اسقاقتاتۋ: ”ءتورتتى نەگىزگى ساتىعا جەتكىزۋ“ فۋجياننىڭ شىعىسىنداعى بايتاق دالادا جان - جاقتى، تەرەڭ قاتپارلى وزگەرىستەردىڭ تۋىلۋىن ىلگەرىلەتتى
قازىر فۋجيان گۋتيان اۋدانىنىڭ شانياڭ قىستاعىندا ورقاش - ورقاش تاۋلار جاسىل جەلەك جامىلىپ، بۇلاقتار سىڭعىرلاي اعادى، رەتتى دە تازا فوتوۆولتتىق ساڭىراۋقۇلاق جىلىجايى كۇن نۇرىندا ەرەكشە كوز تارتادى. جىلىجاي توبەسىندە ەلەكتر تاراتىلىپ، جىلىجاي ىشىندە ساڭىراۋقۇلاق ەگىلگەن، گۋتيان ازىقتىق ساڭىراۋقۇلاق كاسىپ سالاسى تاعى دا تىڭنان تۇرلەنىپ، دارەجەسىن جوعارىلاتتى.
1988 - جىلى 7 - ايدا شي جينپيڭ جولداس نيڭدى ايماقتىق پارتكومنىڭ شۋجيلىگىنە تاعايىندالىپ كوپ وتپەي فۋجياننىڭ شىعىسىنداعى 9 اۋداندا تەكسەرۋ - زەرتتەۋ ساپارىن باستادى، ات باسىن الدىمەن گۋتيان اۋدانىنا تىرەدى. ىشكەرىلەي تەكسەرۋ - زەرتتەۋ ارقىلى شي جينپيڭ جولداس ازىقتىق ساڭىراۋقۇلاق كاسىبى سالاسىن گۋتياننىڭ نەگىزگى دامۋ بەتالىسى ەتۋگە بولاتىندىعىن تۇراقتاندىرىپ، جەرگىلىكتى ورىنداعى شارۋالاردى جۇپار ساڭىراۋقۇلاق ەگىپ، كەدەيلىكتەن ارىلىپ، باقىتتى تۇرمىس كەشىرۋگە جىگەرلەندىردى.
تەكسەرىپ - زەرتتەۋ ارقىلى ماسەلەلەردى شەشىپ، باستاما اشتى، ءسويتىپ، ”ءتورتتى نەگىزگى ساتىعا جەتكىزۋ“ وسىدان باستالدى.
1988 - جىلى 12 - ايدا شي جينپيڭ جولداس شياپۋدا تۇڭعىش رەتكى ”ايماق، اۋدان باسشىلارىنىڭ بۇقارانىڭ ارىز - ارمانىن قابىلداۋ كۇنى“ قيمىلىن باسقارىپ، ”جاعداي ۇعىسۋعا ۋادەلەسۋ ءتۇزىمىن جانە نەگىزگى ساتىدا ارىز - ارمان قابىلداۋ كۇنى قيمىلىن ورىستەتۋ ءتۇزىمىن تاباندىلىقپەن جالعاستىرۋدى“ تالاپ ەتتى.
كادرلار مەن بۇقارانىڭ بايلانىسىن ونان ارى نىعايتۋ، ءتۇرلى قىزمەت ورنالاستىرۋلارىنىڭ ءونىمدى تياناقتانۋىن ىلگەرىلەتۋ ءۇشىن، 1989 - جىلى 1 - ايدا شي جينپيڭ جولداس مىنانى العا قويدى: نيڭدى ايماعىندا بيىل 3 ءتۇرلى قيمىلدى ورىستەتۋ كەرەك، ءبىرىنشى، ايماق، اۋدان باسشىلارى نەگىزگى ساتىعا بارىپ جۇمىس باسىندا ءىس ءبىتىرۋ؛ ەكىنشى، ءار دارەجەلى باسشىلار بۇقارانى قابىلداۋ كۇنى ءتۇزىمىن ورناتۋ؛ ءۇشىنشى، باسشى كادرلار نەگىزگى ساتىداعى مەكەمە - ورىندارمەن بايلانىس ورناتۋ.
وسىدان كەيىن وسى ادىستەر ”پارتيانىڭ لۋشيان، باعىت - ساياساتىن ۇگىتتەۋدى نەگىزگى ساتىعا جەتكىزۋ، تەكسەرىپ - زەرتتەۋدى نەگىزگى ساتىعا جەتكىزۋ، ارىز - ارمان قابىلداۋدى نەگىزگى ساتىعا جەتكىزۋ، جۇمىس باسىندا ءىس ءبىتىرۋدى نەگىزگى ساتىعا جەتكىزۋ“ دەپ تولىق ءتۇسىندىرىلدى.
سول جىلداردا نيڭدى ءالى دە ”بايىرعى توڭكەرىستىك ءوڭىر، ۇلتتار ءوڭىرى، شەت - شالعاي ءوڭىر، ارالدى ءوڭىر، كەدەي ءوڭىر“ بولاتىن، 9 اۋداننىڭ ىشىندە التاۋى كەدەي اۋدان ەدى. ”ءتورتتى نەگىزگى ساتىعا جەتكىزۋدە“ شي جينپيڭ جولداس فۋجياننىڭ شىعىسىنداعى بايتاق دالانىڭ تاۋى مەن سۋىن تۇگەل ارالاپ، نيڭدىنىڭ ايماق جاعدايىن، قوعام جاعدايىن، حالىق جاعدايىن اياعى جەتكەن جەرگە دەيىن تولىق ۇعىسىپ، فۋجياننىڭ شىعىسىنىڭ بولاشاقتىق دامۋىنا قاتىستى ءبىر قىدىرۋ قىزمەت ۇستانىمىن العا قويىپ، نيڭدىنىڭ كەدەيلىكتەن ارىلۋى، دامۋدى جەدەلدەتۋى ءۇشىن وي جەلىسىن ايقىنداپ، ايقىن بەتالىس كورسەتتى.
اۋەلگى ماقساتتى ۇمىتپاي، ۇدەرە العا تارتتى. 35 جىلدان بەرى نيڭدى ”ءتورتتى نەگىزگى ساتىعا جەتكىزۋدى“ بار كۇشپەن جالعاستىرىپ، ساۋلەلەندىرىپ، قالىڭ پارتيا مۇشەلەرىن، كادرلاردى جيىن زالىن جۇمىس باسىنا اينالدىرۋعا، ناقتى ىستەۋ ارقىلى ناقتى ناتيجەگە ۇمتىلۋعا جەتەكتەپ، كۇشتىڭ نەگىزگى ساتىدا توپتالۋىن، ماسەلەنىڭ نەگىزگى ساتىدا شەشىلۋىن، دامۋدىڭ نەگىزگى ساتىدا قارقىنىن ارتتىرۋىن جەبەپ، فۋجياننىڭ شىعىسىنداعى بايتاق دالادا جان - جاقتىلى، تەرەڭ قاتپارلى وزگەرىستەر تۋىلۋىن ىلگەرىلەتىپ، وتكەندەگى شىعىس وڭتۇستىك تەڭىز جاعالاۋىنداعى ”التىن وپىرىلما بەلدەۋى“ ”دامۋدىڭ التىن بيىگىنە“ وزگەرۋدە.
ءبىرىنشى شەپكە تامىر تارتىپ دامۋ جولىن قاراستىرىپ، ەكونوميكالىق دامۋدىڭ جاڭا قارقىنىن جارىققا شىعاردى −
GDP سايكەس مەزگىلدەگىدەن ％10 ارتىپ، فۋجيان بويىنشا ءبىرىنشى ورىندى يەلەدى. بيىل الدىڭعى 3 ماۋسىمدا نيڭدى قالاسى تاماشا ەكونوميكالىق دامۋ جاۋاپناماسىن تاپىسردى.
ناتيجەنىڭ استارىندا نيڭدى قالاسىنىڭ ىشكەرىلەي تەكسەرۋ - زەرتتەۋ ارقىلى جاساعان عىلمي شەشىمى جاتىر، ءتورت ۇلكەن جەتەكشى كاسىپ سالاسىن قۇرۋعا كۇش ۇستەۋمەن بىرگە، ءبىرىنشى شەپكە بارىپ كاسىپورىنداردىڭ قاجەتىن بار كۇشپەن شەشىپ، تاماشا شارۋاشىلىق - ساۋدا ورتاسىن جاراتتى.
كوپ جىلدان بەرى نيڭدى قالاسى ىلگەرىندى - كەيىندى ءبىر توپ ”التىن بالالاردى“ ەنگىزىپ، ليتي ەلەكتر جاڭا ەنەرگياسى، جاڭا ەنەرگيالى اۆتوموبيل، تات باسپايتىن بولات جاڭا ماتەريالى، مىس ماتەريالى سياقتى حالىقارالىق باسەكەلىك قۋاتقا يە 4 كاسىپ سالاسى جەر بەلگىسىن جەتىلدىرىپ، قالىپتاستىرىپ، دۇنيە جۇزىندەگى ەڭ ۇلكەن ليتي يوندى باتەريا جانە تات باسپايتىن بولات جاڭا ماتەريالى ءوندىرىس بازاسىنا اينالدى.
قازىر نيڭدىنىڭ ەكونوميكاسىنىڭ جالپى مولشەرى بۇرىنعى تۇتاس ولكە بويىنشا توعىزىنشى ورىننان تۇتاس ولكە بويىنشا بەسىنشى ورىنعا ءوتتى، 2022 - جىلى مەملەكەتتىك 100 ەگەي قالاعا اينالىپ، GDPنىڭ ارتۋ قارقىنى ءۇرتىس 4 جىل بويى فۋجيان ولكەسى بويىنشا ءبىرىنشى ورىندى ساقتاپ، تۇتاس ولكەنىڭ دامۋىنداعى جاڭا ارتۋ ۇيەگىنە بىردەن اينالدى.
نەگىزگى ساتىدا ناقتى ءىس ىستەۋگە ات سالىسىپ، اۋىل - قىستاقتى گۇلدەندىرۋدىڭ جاڭا بەت - بەينەسىن ايگىلەدى −
شوۋنيڭ اۋدانى شياداڭ اۋىلىندا شار تاراپتان كەلگەن قوناقتاردىڭ اياعى ۇزىلمەيدى. ”وتكەندە قاتىناس توتەنشە قولايسىز بولعاندىقتان، قىستاق تۇرعىندارى ’ۇشتەن قورقاتىن‘، ياعني ءبىرىنشى، اۋرۋ - سىرقاۋدان قورقاتىن، ەكىنشى، سەمىز شوشقا باعۋدان قورقاتىن، ءۇشىنشى، حيميالىق تىڭايتقىش تاسۋدان قورقاتىن“. سول جەردە شايحانا اشاتىن ۋاڭ گۋاڭچاۋ وسىلاي دەپ ەسكە الدى.
30 نەشە جىلدان بەرى ءار دارەجەلى باسشى كادرلار كەدەيلەردىڭ حال - جايىن ءبىلىپ، مۇڭ - مۇقتاجىن سۇراۋدان جازباي، سول جەردىڭ وزىندە جۇمىس ءبىتىرىپ، شياداڭنىڭ تاس جول، سۋ، ەلەكتر قۇرىلىسى سياقتى ماسەلەلەرىن سايكەستىرىپ شەشىپ، كەدەيلىكتەن ارىلىپ دامۋدى جۇيەلى جوسپارلادى.
تاياۋدا ولكە جولى S207 لەنياسىنىڭ شياداڭنان فۋجيان − جىجياڭ شەكاراسىنا دەيىنگى تاس جولدا رەسمي اۆتوكولىك قاتىناپ، فۋجياننان شىعاتىن جول مەن شوۋنيڭنەن جىجياڭعا دەيىنگى قاتىناس ارالىعىن بارىنشا قىسقارتتى. بۇرىنعى ەڭ شەت - شالعاي شياداڭ اۋىلى جىجياڭمەن تۇيىلىسكەن ”الدىڭعى شەپكە“ بىردەن اينالىپ، شىت جاڭا دامۋ ورايىن قارسى الدى.
بۇقاراعا ىشكەرىلەي ارالاسىپ، حالىقتىڭ مۇڭ - مۇقتاجىن شەشىپ، ادام مەن تەڭىز جاراسىمدىلىعىنىڭ جاڭا كارتيناسىن سالدى −
فۋ - ان قالاسى شيابايشى قالاشىعى نيڭحاي قىستاعىنا بارساڭىز، رەتتى دە ءتارتىپتى وسى زامانعى بالىقشىلار ءۇيىنىڭ ۇزىننان - ۇزاققا سوزىلىپ، ”تەڭىزدەگى باۋ - باقشا“ كورىنىسىن قالىپتاستىرعاندىعىن كورەسىز.
نيڭدىنىڭ ساندۋ - اۋ تەڭىز الابى − ەلىمىزدىڭ ماڭىزدى تەڭىز سۋى باعىمشىلىق بازاسى. الايدا شەكتەن تىس باعۋدان ءبىر مەزەت تەڭىز ايدىنى بايلىعىن جەكە يەمدەنۋ، سۋ جولى ياكور ورنىن يەمدەنىپ الۋ سياقتى ماسەلەلەر ءجيى تۋىلىپ، باعىمشىلىق وتباسىلارى اراسىنداعى داۋ - شار تولاستامادى.
بالىقشىلار اڭىس ەتكەن سىزداۋ تۇيىندەرگە قاراتا نيڭدى تەڭىز باعىمشىلىعىن كەڭ كولەمدە جان - جاقتى رەتتەپ - وڭاپ، 2400 دەن استام ”سايلاۋىت ساربازدى“ تەڭىز جاعالاۋىنداعى اۋىل - قالاشىقتارعا جىبەرىپ، جيىنى 4 ميلليارد 548 ميلليون يۋان قارجى قوسىپ، ءبىر ميلليون 427 مىڭ بالىقشى ءۇيىن اداقتاپ شەگىندىردى جانە دارەجەسىن جوعارىلاتىپ جاڭالادى.
بۇگىنگى كۇنى باعىمشىلىق ارناعا ءتۇستى، ارال تازاردى، سۋ جولى ىركىلىسسىزدەندى، ساندۋ - اۋ تەڭىز الابىندا كوك تەڭىزدە كوگىلدىر تولقىن شىمىرلاعان اسەم كورىنىس قايتا جارىققا شىعىپ، باعىمشىلىق وتباسىلارىنىڭ كىرىسى دە زور مولشەردە ارتتى.ۋاقىت وتكەن سايىن جاڭاردى: ”ءتورتتى نەگىزگى ساتىعا جەتكىزۋدىڭ“ مازمۇنى، كولەمى اناعۇرلىم مولايدى
بۇقارامەن تىعىز بايلانىس ورناتۋدىڭ باستاماسى رەتىندە، ”ءتورتتى نەگىزگى ساتىعا جەتكىزۋ“ كادرلار مەن بۇقارا اراسىندا ”جۇرەكتەردى توعىستىرۋ كوپىرىن“ ورناتىپ، پارتيانىڭ ساياساتى مەن قۋاتتاماسىنىڭ تياناقتانىپ تەرەڭ تامىر تارتۋىن ءونىمدى جەبەپ، شەشىم جاساۋ ساپاسىنىڭ دەڭگەيىن جوعارىلاتىپ، حالىق تىلەگى ارناسىن ىركىلىسسىزدەندىرىپ، كادرلار ستيلىندە بۇرىلىس جاساۋدى ىلگەرىلەتتى.
35 جىلدان بەرى فۋجيان ”ءتورتتى نەگىزگى ساتىعا جەتكىزۋ“ تاڭداۋلى ستيلىن زور كۇشپەن جالعاستىرىپ، اسقاقتاتىپ، ”ءتورتتى نەگىزگى ساتىعا جەتكىزۋ“ مازمۇنىنىڭ ۇزدىكسىز تەرەڭدەۋىن، دانەكەردىڭ ۇزدىكسىز مولايۋىن، ءتۇزىمنىڭ كۇن سايىن كەمەلدەنۋىن ىلگەرىلەتىپ، قالىڭ كادرلار مەن بۇقارانىڭ ۇزدىكسىز كۇرەس جاسايتىن قۇدىرەتتى كۇشىن ۇيىستىردى.
− ادىستەن تۇزىمگە دەيىن، ”ءتورتتى نەگىزگى ساتىعا جەتكىزۋدىڭ“ مازمۇنى كۇن سايىن تەرەڭدەدى.
ءتورت كىشكەنە ۇستەلدەن ءبىر تىك ءتورتبۇرىشتى ۇلكەن ۇستەل قۇرالىپ، ەكى جاعىنا بىرنەشە ورىندىق قويىلعان. شياپۋ اۋداندىق پارتكوم پارتيا مەكتەبىنىڭ ءبىرىنشى قابىلداۋ بولمەسىندە سول كەزدەگى جيھازدار كۇنى بۇگىنگە دەيىن ساقتالعان. 1988 - جىلى 12 - ايدا شي جينپيڭ جولداس وسى ارادا ارىز - ارمان ايتا كەلگەن بۇقارانى قابىلداپ، ارىز - ارمان قابىلداۋدى نەگىزگى ساتىعا جەتكىزۋدىڭ شىمىلدىعىن اشتى.
كوپ جىلدان بەرى باسشى كادرلاردىڭ ارىز - ارمان قابىلداۋى شياپۋ اۋدانىنىڭ وزگەرمەس قىزمەت ورنالاستىرۋىنا اينالدى.
شياپۋ اۋدانىنىڭ اكىمى لو يچۇن بىلاي دەدى: ”ءبىز باسشىلاردىڭ ارىز - ارمان ايتا كەلگەندەردى قابىلداۋ كۇنىن بۇقاراعا قىزمەت وتەۋ كۇنى ەتىپ بەلگىلەپ، ماسەلەنى بەتپە - بەت شەشىپ، قايشىلىقتى شىن جۇرەكپەن سىرلاسا وتىرىپ ءبىر جاقتى ەتتىك“.
”ءتورتتى نەگىزگى ساتىعا جەتكىزۋ“ تاڭداۋلى داستۇرىنە تاباندى بولىپ، ءبىر قىدىرۋ تۇزىمدىك ولشەمدەر ىركەس - تىركەس جاريالاندى:
فۋجيان ولكەسى ءار جىلى ولكە دارەجەلى باسشىلاردىڭ نەگىزگى ساتىعا بارىپ تەكسەرۋ - زەرتتەۋ جۇرگىزۋىنىڭ 30 كۇننەن كەم بولماۋىن، قالا، اۋدان دارەجەلى باسشىلاردىڭ 60 كۇننەن كەم بولماۋىن ايقىندادى، بۇكىل ولكە بويىنشا ەسىكتى اشىپ قويىپ ارىز - ارمان قابىلداۋ، وتباسىلارىنا بارىپ جاعداي ۇعىسۋعا ۋادەلەسۋ، ىزدەپ بارىپ جاعداي ۇعىسۋ، ۇيىنە بارىپ قايىرىلا ۇعىسۋ سىندى 4 ءتۇرلى قيمىلدى ۇزدىكسىز ورىستەتتى؛
نيڭدى ”ءبىر كاسىپورىنعا ءبىر شارا، ءبىر ارناۋلى ءبان“ قىزمەت مەحانيزمىن ورناتىپ، پارتيا مۇشەلەرىن، كادرلاردى نىساننىڭ ءبىرىنشى شەبىنە بارىپ كاسىپورىندارعا قىزمەت وتەۋگە ۋاكىلەتتىك جىبەردى؛
فۋجوۋ قالاسى ”10 مىڭ كادردى نەگىزگى ساتىعا جىبەرۋ“ ارەكەتىن ورىستەتىپ، 97 مىڭ 500 پارتيا مۇشەسىن، كادردى ءبىرىنشى شەپكە بارۋعا ۇيىمداستىردى.
− از ساندىدان بارلىق قىزمەتكەرگە دەيىن، ”ءتورتتى نەگىزگى ساتىعا جەتكىزۋگە“ قاتىناسقان تۇلعالار ۇزدىكسىز كەڭەيدى.
فۋ - ان قالاسى تانياڭ قىستاعى − تانياڭ گۇڭفۋ شايى وندىرىلەتىن جەر، توڭىرەگىن تاۋ قورشاعان، قىستاق الدىندا وزەن اعىپ جاتادى. ”جاس جاپىراقتى ءۇزۋ، كەپتىرۋ، سىعىمداۋ، اشىتۋ، قۇرعاتۋ، ەلەكتەۋ، پىشىندەۋ“... قىزىل شايدى جاساۋ ونەرىنە تانياڭ قىستاعىنىڭ اۋىل - قىستاقتى گۇلدەندىرۋ جەتەكشىسى فىڭ جيان بەس ساۋساعىنداي قانىق ەكەن.
قىستاقتا تۇرعان 3 جىلدان بەرى فىڭ جيان قىستاق تۇرعىندارىن باستاپ قارجى قۇراپ، شاي جاپىراعى تەحنيكاسىنان جالپىلىق تاربيەلەۋ ورتالىعىن جاڭالاپ، قىستاق كوللەكتيۆ شاي زاۆودىن قۇرىپ، ەلەكتروندى ساۋدا تىكە تاراتۋىن دامىتىپ، شايدىڭ ساتىلۋ جولىن كەڭەيتتى...
فىڭ جيان سياقتى اۋىل - قىستاقتى گۇلدەندىرۋ جەتەكشىلەرى نيڭدىدا از ەمەس. كۇش - قۋاتتى اۋىل - قىستاققا جىبەرۋ، بايلىقتى اۋىل - قىستاققا جىبەرۋ ءۇشىن نيڭدى قىستاقتا تۇراتىن ءبىرىنشى شۋجي، اۋىل - قىستاقتى گۇلدەندىرۋ جەتەكشىسى، عىلىم - تەحنيكا ارناۋلى قىزمەتكەرى، فينانس كومەكشىسى سياقتى ”ءبىر شۋجي، ءۇش ۇلكەن قىزمەتكەردى“ قىستاققا مىندەتكە تۇرۋعا تاڭداپ جىبەرۋ ارقىلى نەگىزگى ساتىنىڭ كۇشىن تولىقتاپ، اۋىل - قىستاقتى گۇلدەندىرۋدى ىلگەرىلەتتى.
قازىر ”ءتورتتى نەگىزگى ساتىعا جەتكىزۋ“ پارتيا، ۇكىمەت باسشى كادرلارى سياقتى ”شەشۋشى ازشىلىقپەن“ شەكتەلىپ قالعان جوق، ءتىپتى دە كوپ قاراپايىم پارتيا مۇشەسى، جاس كادرلار بۇعان ات سالىسۋدا.
كادرلار تومەنگە ءتۇسىپ، حالىق تىلەگى توعىستى. نيڭدى قالالىق پارتكوم ۇيىمداستىرۋ ءبولىمىنىڭ باستىعى چىن حۇي بىلاي دەدى: تاياۋ جىلداردان بەرى نيڭدى توپقا ءبولىپ جاس كادرلاردى اۋىل - قىستاققا بارىپ امالياتتىق شىنىعۋدى ورىستەتۋگە ۇيىمداستىردى. قازىرگە دەيىن جيىنى 15 مىڭنان استام جاس كادر (رەت) وتباسىلارىن ارالاپ جاعداي ۇعىسىپ، 1600دەن استام ماسەلە مەن ۇسىنىس - پىكىر جيناپ، حالىق ءۇشىن 1200دەن استام ناقتى ءىس، جاقسى ءىس ىستەدى.
− ينتەرنەت جەلىسىنەن تىسقارىدان ينتەرنەت جەلىسىنە دەيىن، ”ءتورتتى نەگىزگى ساتىعا جەتكىزۋ“ ءتاسىلى، ءادىسى ۇزدىكسىز بايىدى.
شياپۋ اۋدانى شينان قالاشىعى چيشيڭ تەڭىز الابىنداعى قاتار - قاتار بالىقشىلار ءۇيى، تور ساندىقشالار نۇر ويناعان تەڭىز ايدىنىندا ءتىزىلىپ، تەڭىز قيارى شاباعى تولتىرا تيەلگەن بالىقشىلار كەمەسى قايشالىسىپ، تەڭىزدەگى مول ءونىم كورىنىسى جارىققا شىقتى.
”چيشيڭ تەڭىز الابى − فۋجياننىڭ شىعىسىنداعى نەگىزگى سۋ ونىمدەرى باعىمشىلىق وڭىرلەرىنىڭ ءبىرى، باعىمشىلىقتىڭ قاۋىرت مەزگىلىندە سىرت جەرلەردەن كەلگەن جۇمىسكەرلەر 20 مىڭنان اسادى“. شينان قالاشىعى پارتكومىنىڭ شۋجيى چىن گۋاڭيۇي بىلاي دەدى: شياپۋ اۋدانى چيشيڭ تەڭىز ايدىنىندا بۇكىل ولكەدەگى تۇڭعىش قۇرىلىمدىق ۇلگىدەگى ”تەڭىز ءۇستى الەۋمەتتىك اۋماعىن“ قۇرىپ، ”تەڭىزدەگى الەۋمەتتىك اۋماق زەردەلى تۇعىرىمەن“ دەر كەزىندە باقىلاۋ - ولشەۋ ارقىلى الەۋمەتتىك اۋماقتى باسقارۋ تاجىريبەسىن قۇرلىقتان تەڭىزگە ۇلاستىرىپ، بۇقاراعا قىزمەت وتەۋدىڭ ”ەڭ سوڭعى ءبىر كيلومەترىن“ ىركىلىسسىزدەندىردى.
فۋجوۋ قالاسىنداعى ۇكىمەتتىك قىزمەت وتەۋ ورتالىعىنا 69 مەكەمە - ورىن ىرگە تەۋىپ، ”ءبىر عيماراتتا“ جۇمىس جۇرگىزۋدى، ”ءبىر جەلىلى“ قىزمەت وتەۋدى جۇزەگە اسىرىپ، قىزمەت وتەۋدىڭ ”دەرەۋ جەتۋىنە“ قولايلىلىق تۋدىردى. سيفرلانعان، زەردەلىلەنگەن ءداۋىردىڭ جاڭا وزگەرىسىنە ۇيلەسۋ ءۇشىن، فۋجيان قىزمەت وتەۋدى ساپالىلاندىرۋ، جۇمىس ءتارتىبىن قايتا جاساۋ ارقىلى سان - سيفردان كوپ پايدالانىپ، بۇقارانىڭ از شاپقىلاۋىنا مۇمكىندىك جاساپ، ”ءتورتتى نەگىزگى ساتىعا جەتكىزۋدە“ ۇزدىكسىز جاڭا ونىمدىلىككە قول جەتكىزدى.ىشكەرىلەي قولداندى: جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇردى
”پارتيانىڭ لۋشيان، باعىت - ساياساتتارىن ۇگىتتەۋدى نەگىزگى ساتىعا جەتكىزۋ“ الىستان قاسىنا جەتتى، ”تەكسەرىپ - زەرتتەۋدى نەگىزگى ساتىعا جەتكىزۋدە“ ماسەلەلەر شەشىلدى، ”ارىز - ارمان قابىلداۋدى نەگىزگى ساتىعا جەتكىزۋدە“ ”وتىرىپ قابىلداۋ“ ”بارىپ قابىلداۋعا“ وزگەردى، ”جۇمىس باسىندا ءىس ءبىتىرۋدى نەگىزگى ساتىعا جەتكىزۋ“ ”جيىن زالىنان“ ”جۇمىس باسىندا“ ىستەلدى...
”ءتورتتى نەگىزگى ساتىعا جەتكىزۋ“ جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرۋ سىندى ءتۇبىرلى ماسەلەگە جاۋاپ بەرۋمەن بىرگە، جاڭا داۋىردەگى جاڭا جورىقتا بۇقارالىق كوزقاراستى بەرىك ورناتۋدىڭ ماڭىزدى ءادىسناماسىن دا قامتىدى. 35 جىل جالعاستىرۋ، اسقاقتاتۋ ارقىلى ”ءتورتتى نەگىزگى ساتىعا جەتكىزۋ“ بارىسىندا قامتىلعان رۋحاني مازمۇن، ايگىلەنگەن قۇن تالپىنىسى ۋاقىت پەن كەڭىستىكتى ەندەي ءوتىپ، قالىڭ كادرلار مەن بۇقارانىڭ ۇدەرە العا تارتۋىنا سارقىلماس قوزعاۋشى كۇش ۇستەدى.
”نيڭدى − ’ءتورتتى نەگىزگى ساتىعا جەتكىزۋ‘ قىزمەت ءتۇزىمى باستاۋ العان جەر“. 35 جىلدان بەرگى مۇراگەرلىك ەتۋ امالياتى بىزگە ”ءتورتتى نەگىزگى ساتىعا جەتكىزۋ“ ءارى يدەيا، ءارى ستيل، ءارى ءتۇزىم، ءارى ءادىس ەكەندىگىن، ءبىزدىڭ دۇنيەنى تانۋداعى، دۇنيەنى وزگەرتۋدەگى وتكىر قارۋىمىزعا اينالعاندىعىن، ’حالىقپەن ەتەنە جاقىن بولۋدىڭ‘ امالياتتىق دانەكەرىنە، پارتيا مەن بۇقارانىڭ، كادرلار مەن بۇقارانىڭ بايلانىسىن قويۋلاتۋدىڭ ماڭىزدى اسىلىنا اينالعاندىعىن، كادرلار ستيلىنە بۇرىلىس جاساۋدىڭ ءونىمدى جولى ەكەندىگىن تەرەڭ ۇعىندىردى“، - دەدى نيڭدى قالالىق پارتكومنىڭ شۋجيى لياڭ ۋيشين.
قازىر 2 - توپتاعى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى تىڭعىلىقتى ورىستەتىلۋدە.
فۋجيان ولكەلىك پارتكوم پارتيا مەكتەبىنىڭ (اكىمشىلىك شۋەيۋانى) پروفەسسورى ليۋ ميڭ بىلاي دەپ قارادى: ” ءتورتتى نەگىزگى ساتىعا جەتكىزۋ“ پارتيانىڭ نازارياسى مەن لۋشيان، باعىت - ساياساتتارىن ۇگىتتەۋدى كەلەلى مىندەت، تەكسەرىپ - زەرتتەۋدى ماڭىزدى جول، ماسەلەنى شەشۋدى شەشۋشى بەتالىس، دامۋدى ىلگەرىلەتۋدى تابان تىرەر تياناق ەتەدى، ونىڭ وزەكتى تالابى نەگىزگى تاقىرىپتىق تاربيەنىڭ ءتۇيىندى شارالارىنا بارىنشا ۇيلەسەدى. 2 - توپتاعى نەگىزگى تاقىرىپتىق تاربيەنىڭ ماڭىزدى تۇتقاسى رەتىندە، ”ءتورتتى نەگىزگى ساتىعا جەتكىزۋ“ تاڭداۋلى ءداستۇرىن بارىنشا اسقاقتاتۋ ءتۇرلى قىزمەتتەردە ۇزدىكسىز تىڭ ناتيجەلەرگە قول جەتكىزۋدى ىلگەرىلەتەدى.
”ءتورتتى نەگىزگى ساتىعا جەتكىزۋدى“ حالىق جاعدايىن ۇعىسۋدىڭ، عىلمي شەشىم جاساۋدىڭ شەشۋشى بۋىنى ەتتى −
ءتۇس الەتىندە فۋجوۋ قالاسى گۋلوۋ رايونى چيڭچىڭ الەۋمەتتىك اۋماعىنداعى قارتتار اسحاناسىندا ادامدار قايشالىسىپ، قورەكتىك قۇرامى سايكەستىرىلگەن تۇسكى تاماقتىڭ بۋى بۇرقىراپ، حوش ءيىسى اڭقيدى، قارتتار تەك 9.9 يۋان جۇمساپ، ءنارلى، ءدامدى تاعامداردى تۇتىنا الادى.
بىلتىر 9 - ايدا چيڭچىڭ الەۋمەتتىك اۋماعىنىڭ قارتتار اسحاناسى رەسمي جۇمىس باستادى، قازىر فۋجوۋ قالاسى بويىنشا قارتتار اسحاناسىنان 528ى سالىنىپ، بۇدان قاراستى رايونداعى 610 مىڭ قارت يگىلىكتەندى.
”ءبىر ۋاققى ىستىق تاماق حالىق تۇرمىسىنداعى كىشى - گىرىم ءىس، الايدا كوپتەگەن وتباسى جونىنەن ءىرى ءىس سانالادى. قارتتاردىڭ تاماقتانۋى قيىن بولۋ ماسەلەسى شەشىلىپ، سان مىڭداعان وتباسى يگىلىككە كەنەلدى“، - دەدى چيڭچىڭ الەۋمەتتىك اۋماعى پارتكومىنىڭ ورىنباسار شۋجيى لين شياۋمەي.
”ءتورتتى نەگىزگى ساتىعا جەتكىزۋدى“ قايشىلىقتاردى شەشىپ، جاراسىمدىلىقتى جەبەۋدىڭ ماڭىزدى ارناسى ەتتى −
مينجياڭ وزەنىنىڭ جاعاسىنا ورنالاسقان فۋجوۋ قالاسى تايجياڭ رايونى ساڭشيا جاڭا قالاسى كەزىندە فۋجوۋدىڭ كوشىرۋ مولشەرى ەڭ كوپ، كوشىرۋ قارقىنى ەڭ تەز بولعان جاڭالاۋ نىسانى بولاتىن. 20 نەشە جىلدان بەرى ەكونوميكانىڭ دامۋىنا بايلانىستى، بۇل ارادا حالىق سانى بىرتىندەپ كوبەيىپ، الەۋمەتتىك سايكەستى قۇرىلعىلار جەتىسپەي، الەۋمەتتىك اۋماق كەڭىستىگى سالىستىرمالى تۇردە تارىلۋ ماسەلەسى كۇن سايىن كورنەكتىلەنىپ، بۇقارانىڭ پىكىرى ءبىرشاما شوعىرلى بولدى.
تايجياڭ رايوندىق پارتكوم، رايوندىق ۇكىمەت دەرەۋ ءبىتىرىپ، شىنايى يگەرىپ، ناقتى ىستەپ، كونە، ەسكى شاعىن اۋماقتاردى جاڭالاۋ كنوپكاسىن تاعى ءبىر رەت باستى. قازىر پارتيا مەن بۇقارا ورتاق يگىلىكتەنەتىن كەڭىستىك، حالىققا قولايلى قىزمەت وتەۋ پۋنكتى، بالالار ارمان باقشاسى... حالىققا قولايلى، حالىققا پايدالى ءبىر قىدىرۋ قۇرىلعىلار كونە، ەسكى شاعىن اۋماقتاردىڭ بەت - بەينەسىن شىت جاڭا تۇسكە ەنگىزدى.
”الەۋمەتتىك اۋماق قىزمەتىندە، ءسوز جوق، حالىقتىڭ ۇنىنە قۇلاق اسىپ، حالىقتىڭ جاعدايىن تەكسەرىپ، ءتۇيىندى، قيىن ماسەلەلەرگە بەتپە - بەت كەلىپ، بۇقارانىڭ قاجەتىن ناقتى، ەگجەي - تەگجەيلى تياناقتاندىرىپ، بۇقارا كوڭىل ءبولىپ وتىرعان ماسەلەلەردىڭ الەۋمەتتىك اۋماقتا شەشىلۋىنە مۇمكىندىك جاساۋ كەرەك“، - دەدى ساڭشيا جاڭا قالا الەۋمەتتىك اۋماعى پارتكومىنىڭ شۋجيى ۋاڭ لۋلۋ.
”ءتورتتى نەگىزگى ساتىعا جەتكىزۋدى“ ءبىر تۇتاس جوسپارلاپ تياناقتاندىرۋدىڭ، حالىق ءۇشىن ءىس ىستەۋدىڭ پارمەندى تۇتقاسى ەتتى −
11 - ايدىڭ 17 - كۇنى جۇما كۇنى كەشكى ساعات 6دا جينجياڭ قالاسى نەيكىڭ قالاشىعىنىڭ ۇكىمەت پەن كاسىپورىننىڭ بايلانىس شوعىرى حىڭ - ان توبىنان كەلگەن سەلبەسىپ ءبىتىرۋ ينفورماتسياسىن تاپسىرىپ الدى، ونىڭ مازمۇنى كاسىپورىننىڭ سالىنىپ جاتقان نىسان راسمياتىن ءبىتىرۋ سياقتى 6 ناقتى ماسەلەگە سايادى.
سەنبى كۇنى تۇستەن كەيىن ساعات 3تە حىڭ - ان توبى قالاشىق ۇكىمەتتىڭ جۇمىس باسىندا تەكسەرۋ جۇرگىزىپ، ىستەردى قاداعالاعان ناقتى جاۋابىن ۋيشين توبىندا تاپسىرىپ الدى.
”كادرلار ءبىرىنشى شەپكە ىشكەرىلەي ارالاسىپ، كاسىپورىندار ءدوپ كەلگەن قيىنشىلىقتاردى ۇشتاسىپ شەشىپ، كاسىپورىنداردىڭ سايىسقا جەڭىل اتتانۋىن، شارۋاشىلىق جۇرگىزۋگە دەن قويۋىن بار كۇشپەن قامتاماسىز ەتتى، ءبىزدىڭ دامۋدى جەدەلدەتۋ سەنىمىمىز اناعۇرلىم ارتا ءتۇستى“، - دەدى حىڭ - ان توبىنىڭ ورىنباسار ءتوراعاسى شۇي ۋىنمو.
”ءتورتتى نەگىزگى ساتىعا جەتكىزۋدى“ ستيلدى جاقسارتۋدىڭ، كادرلاردى شىنىقتىرۋدىڭ ماڭىزدى ءتاسىلى ەتتى −
شارۋالاردىڭ جەمىستەردى سيرەتۋىنە، اق ساڭىراۋ قۇلاق ۇزۋىنە كومەكتەسىپ، ۇيدە قالعان بالالاردىڭ ساباعىنا جەتەكشىلىك ەتىپ، قىستاق تۇرعىندارىمەن بىرگە الاڭ ءبيىن بيلەدى... جاس كادرلاردىڭ ”ءتورتتى نەگىزگى ساتىعا جەتكىزۋ“ امالياتتىق قيمىلدارىنىڭ بولماشى ىستەرىن ەسكە العاندا، گۋتيان اۋدانىنداعى جاس كادر چىن ياننىڭ كوڭىلى ءالى دە كولدەي تولقىدى.
”قىستاق تۇرعىندارىمەن بىرگە تاماقتانىپ، بىرگە تۇرىپ، بىرگە ەڭبەك ىستەدىك، كوپشىلىك مەنى بۇرىن باسشى دەپ اتاسا، قازىر قارىنداس دەپ اتايتىن بولدى“، - دەدى چىن يان، - بۇقارالىق قىزمەت ىستەگەندە ينفورماتسيا تەحنيكاسى قانشالىق دامىسا دا، ”بەتپە - بەت“ پىكىر اۋىستىرۋدىڭ، جاقىننان قىزمەت وتەۋدىڭ ورنىن باسا المايدى.
2021 - جىلدان بەرى گۋتيان اۋدانى 1031 جاس كادردى ”ءتورتتى نەگىزگى ساتىعا جەتكىزۋ“ امالياتتىق قيمىلىمەن تۇگەل ارالاسۋىن جۇزەگە اسىردى. جاس كادرلار ”وتباسىلارىنا باراتىن، اسىقپاي ايالدايتىن، كوسىلە اڭگىمەلەسەتىن“ بۇقارالىق قىزمەت ءادىسىن شىن مانىندە يگەردى، جاۋاپكەرشىلىك ارقالايتىن، ناقتى ءىس تىندىراتىن قىزمەت ستيلىن دە شىڭدادى.
پارتيانىڭ تىلەگى حالىق تىلەگىمەن قابىسىپ كۇش بىرىكتىرسە، مىعىم كۇش - قۋات توپتالادى.
تىلشىلىكتى قابىلداعان پارتيا مۇشەلەرى، كادرلار مىنالاردى ءبىلدىردى: جاڭا داۋىردەگى جاڭا جورىقتا ”ءتورتتى نەگىزگى ساتىعا جەتكىزۋ“ سىندى وسى ماڭىزدى اسىلدى بارىنشا قاستەرلەپ، بەلسەنە امالياتتا ايگىلەپ، يدەيانى ۇيرەنىپ، ۇلى كۇشتى ءتۇسىنىپ، امالياتتىق تاجىريبەلەردى ۇزدىكسىز قورىتىندىلاپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، نەگىزگى تاقىرىپتىق تاربيەنىڭ ونىمدىلىگىن اناعۇرلىم تەرەڭدەتىپ جانە كەڭەيتىپ، جاڭا ەمتيحان تاپسىرۋ جولىندا ۇزدىك جاۋاپناما قايتارامىز.
(تىلشىلەر جياڭ شىچياڭ، ليۋ جياڭ، لين حۇي، دۇڭ جيانگو، جاڭ حۇيحۇي، جوۋ ي)
(شينحۋا اگەنتتىگىنىڭ 12 - ايدىڭ 6 - كۇنى فۋجوۋدان بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
