شينجياڭنان 2 جەر تۇڭعىش توپتاعى مەملەكەتتىك كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ سىناق ءتۇيىنى تىزىمىنەن ورىن الدى
2023.12.08 15:09 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 12 - ايدىڭ 6 - كۇنى ۇرىمجىدەن حابارلايدى. 12 - ايدىڭ 6 - كۇنى مەملەكەتتىك دامۋ جانە رەفورما كوميتەتىنىڭ رەسمي سايتى تۇڭعىش توپتاعى كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ سىناق ءتۇيىنى ءتىزىمىنىڭ جۋىقتا باسىپ تاراتىلعاندىعىن جاريالادى. شينجياڭ قارامايلى قالاسى مەن كۇشار ەكونوميكالىق - تەحنيكالىق اشۋ رايونى تىزىمىنەن ورىن الدى.
ۇعىسۋعا قاراعاندا، «مەملەكەتتىڭ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ سىناق ءتۇيىنى قۇرىلىسى جوباسىنداعى» قىزمەت ورنالاستىرۋىنا ساي، قاتىستى وڭىرلەردەگى قالالار مەن باقشا رايوندارىنىڭ ەرىكتى تۇردە ءوتىنىش ەتۋى، ولكە دارەجەلى دامۋ جانە رەفورما كوميتەتىنىڭ كورسەتۋى، ولكە دارەجەلى حالىق ۇكىمەتىنىڭ تەكسەرۋى، مەملەكەتتىك دامۋ جانە رەفورما كوميتەتىنىڭ قايتا تەكسەرۋى ارقىلى جاڭجياكوۋ قالاسى قاتارلى 25 قالانى، چاڭجى جوعارى، جاڭا تەحنيكالىق كاسىپ سالاسىن اشۋ رايونى قاتارلى 10 باقشا رايونىن تۇڭعىش توپتاعى كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ سىناق ءتۇيىنى قالاسى جانە باقشا رايونى ەتىپ تۇراقتاندىرعان.
مەملەكەتتىك دامۋ جانە رەفورما كوميتەتى مىنالاردى ءبىلدىردى: ءارقايسى سىناق ءتۇيىنى قالالارى مەن باقشا رايوندارى نەگىزگى تۇلعالىق جاۋاپكەرشىلىكتى شىن مانىندە اتقارىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ سىناق ءتۇيىنى قۇرىلىسىن ءوز ءوڭىرىنىڭ ەكونوميكالىق، قوعامدىق دامۋىنىڭ جاپپاي جاسىلعا ويىسۋىن جەبەۋدەگى ماڭىزدى تۇتقا ەتىپ، ءتۇيىندى مىندەتتەردى ءبىر تۇتاس جوسپارلاپ جوبالاپ، رەفورما شارالارىن اقىلداسىپ شىعارىپ، كەلەلى نىسانداردى تىڭعىلىقتى ىلگەرىلەتۋى كەرەك.
جۋىقتا مەمەلەكەتتىك دامۋ جانە رەفورما كوميتەتى «مەملەكەتتىڭ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ سىناق ءتۇيىنى قۇرىلىسى جوباسىن» جاريالادى. جوبادا بۇكىل ەل كولەمىندە تيپتىك ۋاكىلدىككە يە 100 قالا مەن باقشا رايونىن تاڭداپ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ سىناق ءتۇيىنى قۇرىلىسىن ورىستەتىپ، نازاردى جاسىل، تومەن كومىر قىشقىل گازدى دامۋدا ءدوپ كەلگەن بوگەتتەر مەن تۇساۋلاردى تالقانداۋعا شوعىرلاندىرىپ، تۇرلىشە بايلىق ارتىقشىلىعىنا جانە دامۋ نەگىزىنە يە قالالار مەن باقشا رايوندارىنىڭ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ جولىندا ىزدەنىس جاساپ، بۇكىل ەلگە اتقارۋعا، كوشىرۋگە، جالپىلاستىرۋعا بولاتىن تاجىريبەلەر مەن ادىستەردى ازىرلەۋ ايقىندالدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
