ەلەكتر قۋاتى ارقىلى شينجياڭعا كومەكتەسۋ ساۋداسى بويىنشا سىرتقا جەتكىزىلگەن ەلەكتر مولشەرى جيىنى 95 ميلليارد 200 ميلليون كيلوۆات ساعات بولدى
2023.12.08 15:10 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 12 - ايدىڭ 6 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، 2016 - جىلى شينجياڭ ەلەكتر قۋاتى ارقىلى شينجياڭعا كومەكتەسۋ ساۋداسىن باستاعاننان بەرى قازىر شينجياڭنىڭ شينجياڭعا كومەكتەسۋ بويىنشا سىرتقا جەتكىزگەن ەلەكتر مولشەرى جيىنى 95 ميلليارد 200 ميلليون كيلوۆات ساعات بولىپ، ەلەكتر تاراتاتىن كاسىپورىندارعا تىكە 23 ميلليارد 500 ميلليون يۋان تابىس جاراتقان.
شينجياڭعا كومەكتەسۋ بويىنشا سىرتقا جەتكىزىلگەن ەلەكتر مولشەرى جيىنتىعىندا حۋادۇڭعا جەتكىزىلگەن ەلەكتر مولشەرى شامامەن 50 پايىزىن يەلەدى، مۇنىڭ ىشىندە، جىجياڭعا 17 ميلليارد 200 ميلليون كيلوۆات ساعات، جياڭسۋعا 14 ميلليارد 400 ميلليون كيلوۆات ساعات جەتكىزىلدى.
شينجياڭ مەملەكەتتىڭ ەنەرگيا حاۋىپسىزدىگىن قامتاماسىز ەتەتىن ”ءۇش بازا، ءبىر ارنا“، قورى بۇكىل ەل بويىنشا ءبىرىنشى ورىندا تۇراتىن كومىرى، مول جاڭا ەنەرگيا بايلىعى جانە قۇمدى ءشول، قۇبا ءتۇز، شولەيتتى جەر سياقتى جەر بايلىعى بار، مەملەكەت جوبالاپ قۇرعان ءىرى تازا ەنەرگيا بازاسى ءارى ەلىمىزدىڭ ”باتىستىڭ ەلەكترىن شىعىسقا جەتكىزۋ“ ستراتەگياسىنداعى ماڭىزدى ەلەكتر جەتكىزۋ تەرمينالى.
ەلەكتر قۋاتى ارقىلى شينجياڭعا كومەكتەسۋ − كاسىپ سالاسى ارقىلى شينجياڭعا كومەكتەسۋ ساياساتىن تياناقتاندىرۋداعى ناقتى شارالاردىڭ ءبىرى. شينجياڭ 2016 - جىلى ەلەكتر قۋاتى ارقىلى شينجياڭعا كومەكتەسۋ قىزمەتىن باستادى. بۇكىل ەلدە ەلەكتر قۋاتى ارتىپ قالعان جاعدايدا، اۆتونوميالى رايوندىق ۇكىمەت باستاماشى بولىپ كوپتەگەن ولكەگە بارىپ، اقىلداسىپ، كەڭەسىپ، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى بازاردا بەلسەنە ءورىس اشىپ، ”ساياسات + بازار“ فورماسى ارقىلى ەڭ سوڭىندا 7 ولكەنىڭ شينجياڭعا كومەكتەسۋ كەلىسىمىن جاساسۋىن ىسكە اسىرىپ، كەلىسىمدەگى ەلەكتر مولشەرى جيىنى 3 ميلليارد كيلوۆات ساعات بولدى.
سوڭعى جىلدارى بۇكىل ەلدە ەلەكترمەن قامداۋ جەتىسپەدى، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى شينجياڭنىڭ ىشكى قامداۋ قىسىمى جانە ارنانىڭ جەتكىزۋ قۋاتىنىڭ شەكتەۋگە ۇشىراۋى سياقتى قيىنشىلىقتاردى جەڭىپ، شينجياڭعا كومەكتەسەتىن 16 ولكەمەن شينجياڭعا كومەكتەسۋ كەلىسىمىن ءۇرتىس جاساستى. شينجياڭ ۇكىمەت ارالىق كەلىسىمدە ءارقايسى ولكەگە ەلەكتر جەتكىزۋ قيسىق سىزىعىن ءبىر تۇتاس جوسپارلاپ، جىلدىق، كوپ ايلىق، ايلىق، اي ءىشى سياقتى كوپ ءتۇرلى ساۋدا فورماسىن ۇشتاستىرىپ، شينجياڭنىڭ ءارقايسى ولكەگە ەلەكتر جەتكىزۋ قىزمەتىنىڭ تارتىپپەن ورىستەتىلۋىن جۇزەگە اسىرىپ، شينجياڭ ىشىندەگى ەلەكتر كوزى مەن ەلەكتر جەتكىزۋ ارناسىنىڭ قابىلەتىن ءونىمدى ساۋلەلەندىرىپ، ەلەكتر قۋاتى ارقىلى شينجياڭعا كومەكتەسۋ بويىنشا ەلەكتر جەتكىزۋ مولشەرىن ارتتىرىپ، بۇكىل ەلدى قامداۋدى قامتاسىز ەتۋگە قولداۋ كورسەتتى.
شينجياڭ ەلەكتر قۋاتى ساۋدا ورتالىعى شەكتى سەرىكتەستىگى جالپىلىق ءبولىمىنىڭ ورىنباسار مەڭگەرۋشىسى سۇڭ شۋەچياڭ مىنالاردى ءبىلدىردى: سەرىكتەستىگىمىز شينجياڭعا كومەكتەسۋ قىزمەتى جوباسىن بەلسەنە تياناقتاندىرىپ، شينجياڭنىڭ ەلەكتر تاراتاتىن كاسىپورىندارىن ەلەكتر قۋاتى ارقىلى شينجياڭعا كومەكتەسۋ كەلىسىمىن اسىپ قالعان قۋاتىمەن تولىعىمەن اتقارۋعا ۇيىمداستىرىپ، ”نەگىزدىك باعا + تۇراقسىز باعا“ ۇلگىسى ارقىلى ەلەكتر تاراتاتىن كاسىپورىنداردىڭ ەكونوميكالىق ونىمدىلىگىن جوعارىلاتىپ، شينجياڭنىڭ ىشكى - سىرتقى بازارىنىڭ تۇراقتى اينالىمىن قامتاماسىز ەتەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
