ەركىن تۇنياز شينجياڭ ەركىن ساۋدا سىناق رايونى قورعاس اۋماعىنىڭ قۇرىلىسى قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جەتەكشىلىك، ۇلگىلىك رولدى ساۋلەلەندىرىپ، جوعارى ساپالى دامۋعا قوزعاۋشى قۋات ۇستەۋ كەرەك
2023.12.08 15:08 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلىشىسى لي ياڭ، ەرىكتى ءتىلشى ۋاڭ جىحۋا 12 - ايدىڭ 6 - كۇنى قورعاستان حابارلايدى. 12 - ايدىڭ 5 - كۇنى تۇستەن بۇرىن جۇڭگو (شينجياڭ) ەركىن ساۋدا سىناق رايونى قورعاس اۋماعىنىڭ ماڭدايشالىعى ءىلىندى، سول كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز شينجياڭ ەركىن ساۋدا سىناق رايونى قورعاس اۋماعىنىڭ قۇرىلىسى قىزمەتىنە تەكسەرۋ - زەرتتەۋ جۇرگىزدى ءارى 12 - ايدىڭ 6 - كۇنى تۇستەن بۇرىن اڭگىمە ءماجىلىسىن اشىپ، بىلاي دەپ باسا دارىپتەدى: باس شۋجي شي جينپيڭنىڭ ەركىن ساۋدا سىناق رايونى قۇرىلىسىن ىشكەرىلەي ىلگەرىلەتۋ جونىندەگى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، ساياسي دەڭگەيدى جوعارىلاتىپ، شىنايى تۇردە يدەيانى ازات ەتىپ، ستراتەگيالىق ورايدى مىقتى يگەرىپ، جەتەكشىلىك، ۇلگىلىك رولدى ونان ارى ساۋلەلەندىرىپ، جوعارى ساپالى دامۋعا قوزعاۋشى كۇش، ومىرشەڭدىك كۇش ۇستەۋ كەرەك.
جۇڭگو − قازاقستان قورعاس حالىقارالىق شەكارا سەلبەستىك ورتالىعىندا ەركىن تۇنياز قازاقستان ورتالىق امانات - قارىز بانكەسى بولىمشە بانكەسىنە كەلىپ، بانكە قىزمەتكەرلەرىمەن ىشكەرىلەي پىكىر اۋىستىرىپ، حالىق اقشاسىمەن شەكارا اتتاعان ەسەپ جابۋ سياقتى كاسىپتەردىڭ ورىستەتىلۋ جاعدايىن ۇعىسىپ، فينانستىق قىزمەت وتەۋدە جاڭالىق اشۋدى جەدەل ىلگەرىلەتىپ ءارى وسىنى نەگىز ەتىپ، جۇڭگو − قازاقستان ەكونوميكا - ساۋدا سەلبەستىگىنىڭ تەرەڭ قاتپارلى، كوپ سالالى، جان - جاقتى دامۋىنا دەم بەرۋدى باسا دارىپتەدى. قورعاس قالاسى − شي - ان قاتىناس داشۋەسى جىبەك جولى سيفرلى ەكونوميكانى زەرتتەۋ ورنىندا بىلاي دەپ باسا دارىپتەدى: زەردەلىلەندىرۋ، ينفورماتسيالاندىرۋ، توراپتاندىرۋ تەحنيكا ادىستەرى ارقىلى سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن كۇش سالا ىلگەرىلەتىپ، ەركىن ساۋدا سىناق رايونى قۇرىلىسىن اناعۇرلىم كوپ اقىل - پاراسات، كۇش - قۋات قولداۋىمەن قامداۋ كەرەك. ەركىن تۇنياز تاعى بەينە ەكران ارقىلى قورعاس شەكارا وتكەلىنىڭ جانە دولاتى شەكارا وتكەلىنىڭ اينالىم جاعدايىن ورنالاستىرىپ، كەدەننەن ءوتۋ ءتارتىبىن ونان ارى ساپالىلاندىرىپ، قولايلىلىق دارەجەسىن جوعارىلاتۋدى باسا دارىپتەدى.
ەرمەك حايۋان ازىق - تۇلىگىن وڭدەۋ، مەتال نانومەتر ۇنتاق زاتى ماتەريالىن ءوندىرۋ بازاسى، جۇڭجيڭ جاڭا ەنەرگيا عىلىم - تەحنيكا كاسىپ سالاسى باقشاسى سياقتى نىساندار جۇمىس باسىندا ەركىن تۇنياز كاسىپورىن جاۋاپتىلارىمەن ىشكەرىلەي پىكىر اۋىستىرىپ، بىلاي دەپ باسا دارىپتەدى: ەركىن ساۋدا سىناق رايونى ساياساتىنىڭ پايداسىن مىقتى يگەرىپ، كاسىپ سالاسىن دامىتۋ ارقىلى جۇمىستاندىرۋعا باستاماشىلدىق ەتىپ، بۇقارانىڭ تابىس سەزىمىن جوعارىلاتۋ كەرەك. تەكسەرۋ - زەرتتەۋ بارىسىندا ەركىن تۇنياز قاتىستى جولداستارعا مەشىتكە بارىپ جاعداي ۇعىسىپ، بايلانىس جاساپ، ءدىني قايراتكەرلەرگە امانداسىپ، ولاردان حال سۇراۋدى تاپسىردى.
اڭگىمە ماجىلىسىندە ەركىن تۇنياز ىلە قازاق اۆتونوميالى وبلىسىنداعى، اۆتونوميالى رايونداعى قاتىستى تاراۋلاردىڭ جاعدايدان بەرگەن مالىمەتىن تىڭداعاننان كەيىن بىلاي دەپ باسا دارىپتەدى: قورعاس اۋماعىنىڭ كومەسكى كۇشىن جانە باسىمدىعىن تياناق ەتىپ، فۋنكتسيالىق ورنىن ءدال يگەرىپ، تۇزىمدە جاڭالىق اشۋدى ماڭىزدى ءتۇيىن ەتىپ، امالياتتىق ىزدەنىس جاساۋدى ىشكەرىلەي ورىستەتىپ، جاڭالىق اشۋعا باتىل بولىپ، كوپتەپ جەتىستىك جاراتىپ، ەركىن ساۋدا سىناق رايونى قۇرىلىسىنىڭ ءتۇرلى ءتۇيىندى مىندەتتەرىن جوعارى ءونىمدى ىلگەرىلەتىپ، ءۇش اۋماق قۇرىلىسىندا الدا جۇرۋگە، ۇلگى كورسەتۋگە قۇلشىنۋ كەرەك. ءىس جۇزىندىك قاجەتتەن باستاپ كىرىسىپ، ەكونوميكالىق، قوعامدىق باسقارۋ ۇقىق شەگىن زاڭ بويىنشا تومەنگە ءتۇسىرىپ، ءبىر تۇتاس جوسپارلاپ سايكەستىرۋدى جانە قۋزاۋدى، جەتەكشىلىك ەتۋدى كۇشەيتۋ كەرەك. وڭىرلىك ورىن، ساياسات، بايلىق، گۋمانيتارلىق سىندى باسىمدىقتاردى تياناق ەتىپ، قورعاس قالاسىنىڭ قازىرگى بار ءتۇرلى ەسىك اشۋ تۇعىرلارىن ءبىر تۇتاس جوسپارلاپ، بىرەۋى ارقىلى بارلىعىن يگەرەتىن شەشۋشى سيپاتتى قىزمەتتەردى جۇيەلى جوسپارلاۋدى مىقتى ۇستاپ، ماسەلەلەردى شەشۋ وي جەلىسىن زەرتتەپ، تىڭ ىلگەرىلەۋشىلىككە جەدەل قول جەتكىزۋگە شىنايى كەپىلدىك ەتۋ كەرەك. ”سىرتقا شىعۋدان“ بۇلجىماي، ”ءبىر بەلدەۋ، ءبىر جولدى“ بىرگە قۇراتىن ەلدەرمەن بايلانىس جاساۋدى، سايكەسۋدى كۇشەيتىپ، بىرلەسىپ قيمىلداۋ اسەرىن قالىپتاستىرىپ، ەركىن ساۋدا سىناق رايونىن ويداعىداي قۇرۋدى بىرگە اقىلداسۋ كەرەك. ءار جاقتىڭ جاۋاپكەرشىلىگىن قاتايتىپ، مەملەكەتتىڭ قاتىستى مينيسترلىك - كوميتەتتەرى، اۆتونوميالى رايون، اۋماق سىندى ءۇش دارەجە بىرلەسىپ قيمىلدايتىن مەحانيزمدى جانە قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن ورناتىپ، كەمەلدەندىرىپ، نىسانا - مىندەتتەردى قاداعالاي وتىرىپ قىزمەتتىڭ تياناقتانۋىن ىلگەرىلەتۋ كەرەك.
ەركىن تۇنياز مىنالاردى تالاپ ەتتى: جىل سوڭى مەن جاڭا جىلدىڭ باسىنداعى ءتۇرلى قىزمەتتەردى تىڭعىلىقتى ىلگەرىلەتىپ، كۇش سالا ۇمتىلىپ، تۇتاس جىلداعى نىسانا - مىندەتتەردى بار كۇشپەن ورىنداۋ كەرەك. دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ءبىر تۇتاس جوسپارلاپ، ءوندىرىس حاۋىپسىزدىگىنىڭ قىزىل سىزىعىن، تومەنگى شەگىن مىقتى ساقتاۋ كەرەك. حالىق تۇرمىسى قىزمەتىن تىڭعىلىقتى ويداعىداي ىستەپ، ماسەلەلەردى، قيىنشىلىقتاردى شىنايى شەشىپ، بۇقارانىڭ قىستان امان - ەسەن، جىلى وتۋىنە شىنايى كەپىلدىك ەتۋ كەرەك.
ياڭ شيۋلي قاتىستى قيمىلدارعا قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
