نولدەن تومەن 38 سەلتسي گرادۋس سۋىق بولادى! شينجياڭنىڭ كوپ جەرىندە ورتاشادان قالىڭ قارعا دەيىن جاۋادى
2023.12.08 16:00 كەلۋ قاينارى : حالىق تورابى
12 – ايدىڭ 7 – كۇنى، شينجياڭ اۋا رايى ستانسياسى ماڭىزدى اۋا رايى مالىمەتىن جاريالادى. جاڭا كۇشتى سۋىق اعىس بولادى، بۇكىل شينجياڭنىڭ كوپ جەرىندە قار جاۋىپ، بوران سوعىپ، تەمپەراتۋرا تومەندەيدى. 12 – ايدىڭ 8 – كۇنىنەن 9 – كۇنى كۇندىزگە دەيىن سولتۇستىك شينجياڭنىڭ باسىم كوپ جەرىندە، تيانشان تاۋلى وڭىرىندە، قۇمىل قالاسىنىڭ سولتۇستىگىندە جانە وڭتۇستىك شينجياڭنىڭ باتىس بولىگىندەگى تاۋلى وڭىرلەردە، كۇنلۇن تاۋىنىڭ سولتۇستىك بەتكەيىندە از نەمەسە قىرباق قار جاۋادى، مۇنىڭ ىشىندە سولتۇستىك شينجياڭنىڭ باتىس بولەگى مەن تارباعاتاي ايماعىنىڭ سولتۇستىك بولەگى، قىزىلسۋ وبلىسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە ورتاشادان قالىڭ قارعا دەيىن جاۋادى، ىلە وبلىسىنىڭ تاۋلى وڭىرىندەگى ءىشىنارا جەرلەردە ەرەكشە قالىڭ قار جاۋادى؛ سولتۇستىك شينجياڭنىڭ سولتۇستىگىندە 5 تە 6 بال باتىس سولتۇستىك جەلى سوعادى، جەل وتىندەگى جەل كۇشى 9 بال اينالاسىندا بولادى. بۇكىل شينجياڭنىڭ باسقا رايوندارىندا كۇن اشىق نەمەسە بۇلتتى بولادى، جەل كۇشى زور بولمايدى.
12 – ايدىڭ 9 – كۇنى تۇننەن 10 – كۇنى كۇندىزگە دەيىن، سولتۇستىك شينجياڭنىڭ باسىم كوپ ءوڭىرى، تيانشان تاۋلى ءوڭىرى، قۇمىل قالاسىنىڭ سولتۇستىگى سياقتى جەرلەردىڭ ءىشىنارا وڭىرلەرىندە از قار جاۋدى، مۇنىڭ ىشىندە ىلە وبلىسى، بۇراتالا وبلىسىنىڭ تاۋلى ءوڭىرى، تارباعاتاي ايماعىنىڭ سولتۇستىگىندەگى تاۋلى ٴوڭىر، قۇمىل قالاسىنىڭ سولتۇستىگىندەگى تاۋلى ٴوڭىر قاتارلى جەرلەردىڭ ءىشىنارا وڭىرلەرىندە از نەمەسە قىرباق قار جاۋدى، ءىشىنارا جەرلەردە قالىڭ قار جاۋدى. بۇكىل شينجياڭنىڭ باسقا رايوندارىندا كۇن اشىق نەمەسە بۇلتتى بولادى، جەل كۇشى زور بولمايدى.
12 ـ ايدىڭ 11 ـ كۇنى تۇستەن كەيىننەن 14 – كۇنى تۇنگە دەيىن سۋىق اعىستىڭ ىقپالىنان سولتۇستىك شينجياڭنىڭ جەر ـ جەرى، شىعىس شينجياڭ جانە بايىنعولين وبلىسى قاتارلى جەرلەردە قارلى بوران سوعىپ، تەمپەراتۋرا تومەندەيدى، ىلە وبلىسى، التاي ايماعىنىڭ سولتۇستىك بولەگىندەگى تاۋلى وڭىرلەر، ءۇرىمجى قالاسى، سانجى وبلىسىنىڭ تاۋلى ءوڭىرى، بايىنعولين وبلىسى، قۇمىل قالاسى قاتارلى جەرلەردە ورتاشادان قالىڭ قارعا دەيىن جاۋادى، ءىشىنارا ەرەكشە جەرلەردە ەرەكشە قالىڭ قار جاۋدى. تاۋلى وڭىردە جالپى جاۋعان قاردىڭ مولشەرى 15 تە 25 ميلليمەترگە جەتەدى، جاڭادان جاۋعان قاردىڭ قالىڭدىعى 16 دا 28 سانتيمەتر بولادى، سولتۇستىك شينجياڭ، شىعىس شينجياڭنىڭ جەل وتتەرىندە 10 بال اينالاسىندا قيىس سولتۇستىكتەن بوران سوعادى.
سولتۇستىك شينجياڭ مەن شىعىس شينجياڭنىڭ اۋا تەمپەراتۋراسى جالعاستى 8 دە 16 سەلتسي گرادۋس تومەندەيدى، تارباعاتاي ايماعىنىڭ سولتۇستىك تاۋلى رايوندارىندا، التاي ايماعىنىڭ تاۋلى رايوندارىندا ەڭ تومەنگى تەمپەراتۋرا نولدەن تومەن 38 دە نولدەن تومەن 28 سەلتسي گرادۋسقا دەيىن تۇسەدى، تارباعاتاي ايماعىنىڭ، التاي ايماعىنىڭ جازىق رايوندارىندا نولدەن تومەن 30 دا نولدەن تومەن 20 سەلتسي گرادۋس بولادى، سولتۇستىك شينجياڭنىڭ باسقا رايوندارىندا نولدەن تومەن 24 تە نولدەن تومەن 16 سەلتسي گرادۋسقا تۇسەدى.
وسى رەتكى اۋا رايى وزگەرىسى بارىسىندا ۇرىمجىگە دە رەسمي قىس كىرەدى دەۋگە بولادى، 12 – ايدىڭ 7 – كۇنى ورتالىق اۋا رايى ستانسياسىنىڭ بەرگەن اۋا رايىنان مالىمەتتە كورسەتىلۋىنشە، ءۇرىمجى قالاسىنىڭ اۋا تەمپەراتۋراسى بىرتىندەپ تومەندەپ، كۇندىك ورتاشا اۋا تەمپەراتۋراسى ءۇرتىس 5 كۇن نولدەن تومەن بولادى، بۇل قىستىڭ رەسمي تۇسكەندىگىن بىلدىرەدى.
الداعى 3 كۇندە سولتۇستىك شينجياڭنىڭ باسىم كوپ بولەگى، تيانشان تاۋلى رايونى، شىعىس شينجياڭ قاتارلى جەرلەردە قارلى بوران سوعىپ، تەمپەراتۋرا تومەندەپ، جول تايعاق بولادى، سونداي ـ اق ءىشىنارا جول بولەكتەرىندە مۇز قاتادى، كورۋ ارالىعى ناشارلايدى، ءىشىنارا جەرلەردە بوران سوعىپ، قار جاۋعاندىقتان، قاتىناس، ءجۇرىس – تۇرىس، ەگىن، مال شارۋاشىلىق ءوندىرىسى، ساياحات جانە قالا اينالىمىنا ءتيمسىز ىقپال جاسايدى، ساقتىقتى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
