شي جينپيڭ ۆيەتنامدا مەملەكەتتىك ساپاردا بولادى
سىرتقى ىستەر مينيسترلىگىنىڭ مالىمدەمەشىسى قاتىستى ورنالاستىرۋلاردى تانىستىردى
2023.12.08 16:35 كەلۋ قاينارى : حالىق تورابى
«حالىق گازەتى»، 12 - ايدىڭ 7 - كۇنى، بەيجيڭ. سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 12 - ايدىڭ 7 - كۇنى مىنانى جاريالادى: ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭنىڭ، ۆيەتنام سوتسياليستىك رەسپۋبليكاسىنىڭ ءتوراعاسى ۋ ۋىنشاڭنىڭ ۇسىنىسى بويىنشا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - ايدىڭ 12 – كۇنىنەن 13 – كۇنىنە دەيىن ۆيەتنامدا مەملەكەتتىك ساپاردا بولادى.
«حالىق گازەتى»، 12 - ايدىڭ 7 - كۇنى، بەيجيڭ (ءتىلشى داي كايران). ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭنىڭ، ۆيەتنام سوتسياليستىك رەسپۋبليكاسىنىڭ ءتوراعاسى ۋ ۋىنشاڭنىڭ ۇسىنىسى بويىنشا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - ايدىڭ 12 – كۇنىنەن 13 – كۇنىنە دەيىن ۆيەتنامدا مەملەكەتتىك ساپاردا بولادى. سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 12 – ايدىڭ 7 – كۇنى كەزەكتى تىلشىلەر جينالىسىندا وسى رەتكى ساپارعا قاتىستى ورنالاستىرۋلاردى تانىستىردى.
ۋاڭ ۋىنبين بىلاي دەدى: جۇڭگو مەن ۆيەتنام − سوتسياليستىك كورشىلەر. بىلتىر جىل سوڭىندا ج ك پ - نىڭ 20 - قۇرىلتايىنان كەيىن باس شۋجي، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭدى جۇڭگوعا ساپارلاي كەلۋگە ۇسىنىس ەتىپ، جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ دامۋىنا بىرگە جوبا جاسادى. بيىل جىل باسىنان بەرى ەكى جاقتىڭ جوعارى جىكتەگىلەرى ءجيى بارىس - كەلىس جاساپ، تاراۋلاردىڭ، جەرگىلىكتى ورىنداردىڭ بارىس - كەلىسى جيىلەپ، ءار سالاداعى سەلبەستىگى ۇزدىكسىز تەرەڭدەپ، ەكى ەل حالىقتارىنا شىنايى پايدا جەتكىزدى.
ۋاڭ ۋىنبين مىنانى ءبىلدىردى: قازىر دۇنيە ءجۇزى جاڭا اۋمالى - توكپەلى وزگەرىس كەزەڭىندە تۇر، ورنىقسىزدىق پەن تۇراقسىزدىق ارتۋدا. جۇڭگو مەن ۆيەتنام ەكەۋى دە − سوتسياليستىك ەلدەر، ەكەۋى دە وزدەرىنىڭ مەملەكەت جاعدايىنا ۇيلەسەتىن رەفورما جانە جاڭالىق اشۋ ىستەرىن ىلگەرىلەتۋدە، ىنتىماقتى، دوستىقتى كۇشەيتىپ، ءوزارا ءتيىمدى سەلبەستىكتى تەرەڭدەتۋ ەكى جاقتىڭ ورتاق مۇددەسىنە ۇيلەسەدى، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنۋىن قورعاۋعا ءتيىمدى.
ۋاڭ ۋىنبين بىلاي دەدى: وسى رەتكى ساپار كەزىندە باس شۋجي، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن، مەملەكەت ءتوراعاسى ۋ ۋىنشاڭمەن جەكە - جەكە كەڭەس وتكىزەدى، ۆيەتنامنىڭ زۇڭليى فان ميڭجىڭمەن، پارلامەنت ءتوراعاسى ۋاڭ تيڭحۇيمەن كەزدەسەدى، ەكى جاق جۇڭگو - ۆيەتنام قارىم - قاتىناسىنىڭ جاڭا ورنىن جوعارىلاتۋ جونىندە ىزدەنىس جاساپ، نازاردى ساياسي، حاۋىپسىزدىك، ناقتى سەلبەستىك، حالىق رايى نەگىزى، كوپ جاقتىلىق، تەڭىز ماسەلەسى سىندى 6 ۇلكەن سالاعا شوعىرلاندىرىپ، ەكى ەلدىڭ جان - جاقتى ستراتەگيالىق سەلبەستىگىنىڭ تەرەڭدەۋىن، ناقتىلانۋىن ىلگەرىلەتەدى، بۇل ەكى ەلدىڭ ءوز ەرەكشەلىگىنە يە وسىزامانداندىرۋ جولىمەن قول ۇستاسا ويداعىداي ءجۇرىپ، وركەندەپ كەلە جاتقان ەلدەردىڭ وسىزاماندانۋعا بەت الۋ جولىن بىرگە بايىتىپ، ەكى ەل حالىقتارىن اناعۇرلىم ويداعىداي يگىلىككە كەنەلتۋىنە ءتيىمدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
