قالىڭمال داۋ ـ شارىنا ساياتىن دەلولاردى قاراۋدا زاڭ قولدانۋ ماسەلەسىنە قاتىستى بەلگىلەمە جونىندە قوعامنان اشىق پىكىر قابىلدادى
2023.12.12 15:36 كەلۋ قاينارى : حالىق تورابى
شينحۋا اگەنتتىگىنىڭ 12 ـ ايدىڭ 11 ـ كۇنى بەيجيڭنەن بەرگەن حابارى. ءتىلشىنىڭ 12 – ايدىڭ 11 – كۇنى ەڭ جوعارى حالىق سوتى مەكەمەسىنەن ۇعىسۋىنشا، قالىڭمال داۋ ـ شارىنا ساياتىن دەلولاردى ۇيلەسىمدى قاراپ، حالىق بۇقاراسىنىڭ كوڭىل ءبولىپ وتىرعان ماسەلەلەرىنە اناعۇرلىم ويداعىداي جاۋاپ قايتارۋ ءۇشىن، «ەڭ جوعارى حالىق سوتى مەكەمەسىنىڭ قالىڭمال داۋ ـ شارىنا ساياتىن دەلولاردى قاراۋدا زاڭ قولدانۋ ماسەلەسىنە قاتىستى بەلگىلەمەسىن (پىكىر الۋ نۇسقاسى)» قوعامعا اشىق جاريالاپ پىكىر الدى.
پىكىر الۋ نۇسقاسىندا مىنالار ورتاعا قويىلدى: حالىق سوتى مەكەمەسى قالىڭمال داۋ - شارىنا ساياتىن دەلولاردى قاراۋ بارىسىندا، ەكى جاقتىڭ جەرگىلىكتى حالىقتىق سالت - سانا، بەرۋ ماقساتى، بەرگەن ۋاقىتى مەن ءتاسىلى، مال - مۇلىك قۇنىنىڭ ۇلكەن - كىشىلىگى، بەرۋشى جانە قابىلداۋشى سياقتى فاكتورلاردى جيناقتاپ، قالىڭمال كولەمىن تۇراقتاندىرۋىنا بولادى.
پىكىر الۋ نۇسقاسىنا نەگىزدەلگەندە، ۇيلەنۋگە تىزىمدەلۋ رەسميەتىن وتەمەگەن، ءبىراق ەكى جاق بىرگە تۇرمىس كەشىرگەن بولسا، ءبىر جاق عۇرىپ - ادەت بويىنشا بەرگەن قالىڭمالدى قايتارىپ بەرۋدى تالاپ ەتسە، حالىق سوتى مەكەمەسى ورتاق تۇرمىس كەشىرگەن ۋاقىتى، قالىڭمالدى ٴىس جۇزىندە پايدالانۋى جانە جاساۋدىڭ جاعدايى، بالالى بولۋ – بولماۋ جاعدايى، ەكى جاقتىڭ قاتەلىگى قاتارلى فاكتىلەردىڭ بار - جوقتىعىنا قاراي وتىرىپ، سول جەردىڭ ادەت - عۇرپىنا ۇشتاستىرىپ، قايتارۋ - قايتارماۋ جونىندە جانە قايتارۋدىڭ ناقتى سالىستىرماسى جونىندە بەلگىلەيدى.
ەڭ جوعارى حالىق سوتى مەكەمەسىنىڭ حابارلاندىرۋىندا بىلاي دەلىندى: قوعامنىڭ ءار سالاسىنداعىلاردىڭ پىكىرىن كەڭ كولەمدە تىڭداپ، حالىق بۇقاراسىنىڭ كوڭىل ءبولىپ وتىرعان ماسەلەلەرىنە اناعۇرلىم ويداعىداي جاۋاپ قايتارۋ ءۇشىن، قازىر ەڭ جوعارى حالىق سوتى مەكەمەسىنىڭ اكىمشىلىك تورابى، جۇڭگو سوت مەكەمەسى تورابى، حالىق سوتى مەكەمەسى گازەتى سياقتىلار ارقىلى قوعامنان اشىق پىكىر الىنادى، وسى رەتكى پىكىر الۋ ۋاقىتى 2023 – جىلى 12 – ايدىڭ 26 – كۇنىنە دەيىن بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
