قوعام حاۋىپسىزدىگى ورگاندارى بيرمانىڭ سولتۇستىگىندەگى گوگان اۆتونوميالى رايونىندا تەلەكوم مەن ينتەرنەتتەن پايدالانىپ الدامكوستىك ىستەيتىن قىلمىستىق توپتىڭ باي سوچىڭ، ۋەي حۋايرىن، ليۋ جىڭشياڭ قاتارلى باستى اتاماندارىنان 10 ادامنىڭ ۇستىنەن قۋعىنداۋ بۇيرىعىن شىعاردى
2023.12.11 15:06 كەلۋ قاينارى : حالىق تورابى
حالىق تورابىنىڭ 12 - ايدىڭ 10 - كۇنى بەيجيڭنەن بەرگەن حابارى (گاۋ چيڭياڭ، لياڭ چيۋپيڭ) قوعام حاۋىپسىزدىگى مينيسترلىگىنىڭ مالىمەتىنە قاراعاندا، قازىرگى تاڭداعى بيرمانىڭ سولتۇستىگىندەگى ەلىمىزگە ساياتىن تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنىڭ كۇردەلى جاعدايىنا باعىتتاي وتىرىپ، ەلىمىزدىڭ قوعام حاۋىپسىزدىگى ورگاندارى تەلەكوم مەن ينتەرنەتتەن پايدالانىپ الدامكوستىك ىستەيتىن قىلمىستىق توپتاردىڭ باستى اتاماندارىنىڭ ۇستىنەن ىلگەرىندى - كەيىندى اشىق تۇردە قۋعىنداۋ بۇيرىعىن شىعارىپ، قۋاتتى سەسكەندىرۋ رولىن قالىپتاستىرعان. جۋىردا قاتىستى قىلمىستىق فاكتتەر مەن ىسپاتتاردى يەلەۋ نەگىزىندە، لياۋنيڭ، فۋجيان، چۇڭچيڭ قاتارلى جەرلەردەگى قوعام حاۋىپسىزدىگى ورگاندارى بيرمانىڭ سولتۇستىگىندەگى گوگان اۆتونوميالى رايونىندا تەلەكوم مەن ينتەرنەتتەن پايدالانىپ الدامكوستىك ىستەيتىن قىلمىستىق توپتىڭ باي سوچىڭ، ۋەي حۋايرىن، ليۋ جىڭشياڭ قاتارلى باستى اتاماندارىنان 10 نەشە ادامنىڭ ۇستىنەن اشىق تۇردە سيلىقتى قۋعىنداۋ بۇيرىعىن شىعارىپ، قىلمىستىق ەلەمەنتتەردىڭ الىنەن اسقان اپتىعىنا باتىل سوققى بەرگەن.
ۇزاق ۋاقىتتان بەرى، بيرمانىڭ سولتۇستىگىندەگى گوگان اۆتونوميالى رايونىنداعى بىرنەشە اۋلەتتەن قۇرام تاپقان قىلمىستىق توپ الدامكوستىك اپاندارىن ورشەلەنە ۇيىمداسترعان جانە قۇرعان، تەلەكوم مەن ينتەرنەتتەن پايدالانىپ، جۇڭگو ازاماتتارىنا باعىتتالعان الدامكوستىك قىلمىستىق ارەكەتتەرىن ىستەگەن، الدامكوستەردى قارۋلى كۇشپەن قورعاعان، زالالى وتە اۋىر، حالىق بۇقاراسىنىڭ اڭىسى كۇشتى بولعان.
ۇعىسۋعا قاراعاندا، بيىل 11 - ايدا ەلىمىزدىڭ قوعام حاۋىپسىزدىگى ورگاندارى ميڭ شۋەچاڭ باستاعان اۋلەتتىك قىلمىستىق توپتىڭ باستى اتاماندارىنىڭ ۇستىنەن اشىق تۇردە سيلىقتى قۋعىنداۋ بۇيرىعىن شىعارعان. بيرماداعى قاتىستى جاقتاردىڭ كۇش سالا سايكەسۋىندە، باس قىلمىستى ميڭ شۋەچاڭ قىلمىسىنان قورقىپ، ءوزىن - ءوزى ولتىرگەن، ميڭ گوپيڭ، ميڭ جۇيلان، ميڭ جىنجىن سىندى 3 ادام تۇتقىندالعان، قوعام حاۋىپسىزدىگى ورگاندارى ولاردىڭ قىلمىس فاكتتەرىن تۇبەگەيلى انىقتاۋدا، الدا زاڭ بويىنشا قاتاڭ جازالايدى. سونىمەن بىرگە، لياۋنيڭ، فۋجيان، چۇڭچيڭ قاتارلى جەرلەردەگى قوعام حاۋىپسىزدىگى ورگاندارى بارلاۋ جۇرگىزۋ بارىسىندا باي سوچىڭ، ۋەي حۋايرىن، ليۋ جىڭشياڭدار اتاماندىعىنداعى 3 اۋلەتتىك قىلمىستىق توپ پەن شۇي لاۋفان اتاماندىعىنداعى قىلمىستىق توپتىڭ تەلەكوم مەن ينتەرنەتتەن پايدالانىپ ۇزاق ۋاقىتتان بەرى جۇڭگو ازاماتتارىنا باعىتتالعان الدامكوستىك قىلمىستىق ارەكەتپەن شۇعىلدانعانىن، الداپ العان قاراجات سوماسىنىڭ اسا قوماقتى ەكەنىن بايقاعان. قوعام حاۋىپسىزدىگى ورگاندارى قاتاڭ سوققى بەرىپ، بارىنشا قىسىم كورسەتسە دە، تىزگىنىن تارتپاعان، سونىمەن بىرگە، قاساقانا ادام ءولتىرۋ، قاساقانا قاستاندىق ىستەۋ، زاڭعا قايشى تۇردە قاماپ قويۋ قاتارلى ءتۇرلى اۋىر زورلىقتى كۇش قىلمىسىن وتكىزگەن، قىلمىس فاكتتەرى انىق، ىسپاتتار سەنىمدى دە تولىق.
قوعام حاۋىپسىزدىگى ورگاندارى باي سوچىڭ، ۋەي حۋايرىن، ليۋ جىڭشياڭ، شۇي لاۋفا قاتارلى 10 قىلمىس كۇماندىسىنىڭ جاعدايدى ايقىن تانىپ، تىزگىنىن تارتىپ، قىلمىستارىن ىرىقتىلىقپەن مويىنداپ، كەڭشىلىكپەن ءبىرجاقتى ەتۋگە قول جەتكىزۋگە قۋزايدى. سونىمەن بىرگە، قوعامنىڭ ءار سالاسىنداعىلار مەن بارشا حالىق بۇقاراسىنىڭ بەلسەندىلىكپەن اشكەرەلەپ، قىلمىس كۇماندىلارىن قولعا تۇسىرۋگە سايكەسۋىن ءۇمىت ەتەدى. ءتيىمدى دەرەكتەرمەن قامداعاندارعا جانە تۇتقىنداۋعا سايكەسىپ، ەڭبەك كورسەتكەندەرگە قوعام حاۋىپسىزدىگى ورگاندارى حالىق اقشاسى بويىنشا 100 مىڭ يۋاننان 500 مىڭ يۋانعا دەيىن سيلىق بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
