بيىل بىرلەسكەن مەملەكەتتەر ۇيىمىنىڭ بەيزاتتىق مادەني مۇرالار تىزىمدىگىنە 55 نىسان ەنگىزىلدى
2023.12.11 15:15 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى تىڭ جۇنۋەي 12 - ايدىڭ 9 - كۇنى گابوروننان حابارلايدى. بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم جانە مادەنيەت ۇيىمىنىڭ بەيزاتتىق مادەني مۇرالاردى قورعاۋ جاعىنداعى ۇكىمەت ارا كوميتەتىنىڭ 18 - كەزەكتى تۇراقتى ءماجىلىسى 12 - ايدىڭ 9 - كۇنى بوتسۆانانىڭ سولتۇستىگىندەگى كاسانەي قالاسىندا اياقتادى. وسى رەتكى تۇراقتى ماجىلىستە 72 مەملەكەتكە ساياتىن 55 نىساندى بىرلەسكەن مەملەكەتتەر ۇيىمىنىڭ بەيزاتتىق مادەني مۇرالار تىزىمدىگىنە ەنگىزۋ ماقۇلداندى.
بيىلعى 55 نىسان ىشىندە، گوللانديانىڭ امستەردام كارناۆال مەرەكەسى، تاجىكستاننىڭ اتلاسى، اتلاس توقىما بۇيىمدارىن ءوندىرۋ جاعىنداعى ءداستۇرلى ءبىلىمى جانە ونەرى، نيگەريانىڭ ويو وبلىسىنىڭ ساڭگى مەرەكەسى قاتارلى 45 نىسان ادامزاتتىڭ بەيزاتتىق مادەني مۇرالارىنىڭ ۋاكىلدىك تىزىمدىگىنە ەنگىزىلدى؛ سيريانىڭ اينەكتى ۇرلەپ جاساۋ ءداستۇرلى ونەرى، تۇركيانىڭ ءزايتۇن ەگۋ ءداستۇرلى ءبىلىمى، ءادىسى جانە امالياتى قاتارلى 6 نىسان شۇعىل قورعاۋدى قاجەت ەتەتىن بەيزاتتىق مادەني مۇرالار تىزىمدىگىنە ەنگىزىلدى؛ بەلگيانىڭ حەرنە قالاسىنداعى اسىراۋعا بەرۋ ءداستۇرى: الەۋمەتتىك اۋماقتى نەگىز ەتكەن باعۋ فورماسى، نيكەلحارپاشىلار توبىنىڭ شۆەتسيادان باستاۋ العان مۋزيكا مەن مۋزيكا اسپاپتارىن جاساۋ ءداستۇرى جاعىنداعى جاسامپازدىعى قاتارلى 4 نىسان قورعالاتىن بەيزاتتىق مادەني مۇرالاردىڭ ۇزدىك امالياتى تىزىمدىگىنە ەنگىزىلگەن.
وسى رەتكى تۇراقتى ءماجىلىس 4 كۇن اشىلعان. بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم جانە مادەنيەت ۇيىمىنىڭ تانىستىرۋىنشا، بەيزاتتىق مادەني مۇرالار تىزىمدىگىنە ەنگىزىلگەن نىساندار ىشىندە، جارىمىنان استام نىسانعا قاتىستى بىلىمدەر مەن ونەرلەر، نەگىزىنەن، وتباسى كولەمىندە ۇرپاقتان - ۇرپاققا جالعاسىپ كەلگەن، بۇل بەيزاتتىق مادەني مۇرالاردىڭ ءبىر ءتۇرلى جوعالماعان مۇرالار ەكەنىن، جەكە تۇلعالار ارقىلى، وتە - موتە، اتا - انا مەن پەرزەنتتەر اراسىنداعى مۇراگەرلىك فورماسى ارقىلى جالعاساتىنىن كورسەتەدى.
بيىل ماقۇلدانعان 12 نىساندى ساحارانىڭ وڭتۇستىگىندەگى مەملەكەتتەر كورسەتكەن، بۇل 2008 - جىلدان بەرگى تاريحتاعى ەڭ جوعارى كورسەتكىش سانالادى. انگولا، باحاما، كامەرۋن، جيبۋتي، گرەنادا قاتارلى 5 مەملەكەت كورسەتكەن بەيزاتتىق مادەني مۇرا نىساندارى تۇڭعىش رەت بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم جانە مادەنيەت ۇيىمىنىڭ قولدانىستاعى مۇرالار تىزىمدىگىنە ەنگىزىلگەن.
بيىل بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم جانە مادەنيەت ۇيىمىنىڭ «بەيزاتتىق مادەني مۇرالاردى قورعاۋ شارتى» ماقۇلدانعانىنىڭ 20 جىلدىعى. قازىر جيىنى 145 مەملەكەتتەن 730 نىسان بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم جانە مادەنيەت ۇيىمىنىڭ قولدانىستاعى مۇرالار تىزىمدىگىنە ەنگىزىلگەن.
بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم جانە مادەنيەت ۇيىمىنىڭ بەيزاتتىق مادەني مۇرالاردى قورعاۋ جاعىنداعى ۇكىمەت ارا كوميتەتى — «بەيزاتتىق مادەني مۇرالاردى قورعاۋ شارتىنىڭ» زاڭدا بەلگىلەنگەن ورگانى. «بەيزاتتىق مادەني مۇرالاردى قورعاۋ شارتى» ءداستۇر، اۋىزشا بايانداۋ، مەرەكەلىك سالت، قولونەر، مۋزيكا، ءبي قاتارلىلاردى ۋاكىل ەتكەن بەيزاتتىق مادەني مۇرالاردى قورعاۋدى ماقسات ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
