جۇڭگو ”كۇنميڭ - مونترەال دۇنيە جۇزىندەگى ورگانيزمدەردىڭ الۋان تۇرلىلىگى جۇلگەسىن“ اتقارۋ باستاماسىن باستاماشىلدىقپەن باستايتىنىن جاريالادى
2023.12.11 16:10 كەلۋ قاينارى : حالىق تورابى
«حالىق گازەتى»، 12 – ايدىڭ 10 - كۇنى، دۋباي (تىلشىلەر لي حۇڭمەي، رىن حاۋيۇي). «بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى جۇلگەلىك شارتىنىڭ» 28 – رەتكى شارتتاسۋشى جاقتار جينالىسى (COP28) وتكىزىلگەن كەزدە، جۇڭگو ”كۇنميڭ - مونترەال دۇنيە جۇزىندەگى ورگانيزمدەردىڭ الۋان تۇرلىلىگى جۇلگەسىن“ (تومەندە قىسقاشا ”كۇنميڭ – مونترەال جۇلگەسى“ دەلىنەدى) اتقارۋ باستاماسىن باستاماشىلدىقپەن باستايتىنىن جاريالادى.
جۇڭگو ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ 12 - ايدىڭ 9 – كۇنى ”كۇنميڭ – مونترەال جۇلگەسىندەگى“ ”3030“ نىساناسىنىڭ جوعارى دارەجەلى قيمىلىنا بەينە ەكران ارقىلى قاتىناسقاندا، «ورگانيزمدەردىڭ الۋان تۇرلىلىگى شارتىنىڭ» 15 – رەتكى شارتتاسۋشى جاقتار جينالىسىنىڭ ءتوراعاسى سالاۋاتىمەن ”كۇنميڭ – مونترەال جۇلگەسىن“ اتقارۋ باستاماسى باستاماشىلدىقپەن باستالاتىنىن جاريالادى.
بىلتىر 12 – ايدا اشىلعان «ورگانيزمدەردىڭ الۋان تۇرلىلىگى شارتىنىڭ» 15-رەتكى شارتتاسۋشى جاقتار جينالىسىنىڭ 2 - كەزەڭدىك ماجىلىسىندە جۇڭگو ءتوراعا ەل رەتىندە ”كۇنميڭ جۇلگەسىن“ قامتىعان بەلەستىك مانگە يە ءبىرقىدىرۋ قاۋلىنىڭ جاسالۋىن ىلگەرىلەتتى. مۇنىڭ ىشىندە ”3030“ نىساناسى ورگانيزمدەردىڭ الۋان تۇرلىلىگىن قورعاۋ مەن كليمات وزگەرىسىنە توتەپ بەرۋدى سايكەستى ىلگەرىلەتۋدە، جەر شارى تىرشىلىك ورتاق تۇلعاسىنىڭ كليمات توزىمدىلىگىن كۇشەيتۋدە ماڭىزدى رول اتقارادى.
حۋاڭ رۇنچيۋ بىلاي دەپ جاريالادى: ءار جاقتىڭ ”كۇنميڭ – مونترەال جۇلگەسىن“ تياناقتاندىرۋ ساياسي تىلەگىن ونان ارى ۇيىستىرۋ ءۇشىن، جۇڭگو جاق رەسمي باس بولىپ ”كۇنميڭ - مونترەال جۇلگەسىن“ اتقارۋ باستاماسىن ورتاعا قويدى، حالىقارالىق قوعاممەن بىرگە ورگانيزمدەردىڭ الۋان تۇرلىلىگىنەن ايرىلۋ، كليمات وزگەرىسى سياقتى دۇنيە جۇزىلىك سايىستارعا قول ۇستاسا توتەپ بەرىپ، COP28 دىڭ تابىسقا جەتۋىن بىرگە ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن جەر شارى مەكەنىن بىرگە قۇرۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
